Bob Beamon

De Wikipedia
Saltar a navegación Saltar a la gueta
Bob Beamon
1992 Bob Beamon.JPG
Vida
Nacimientu

Jamaica Traducir29  d'agostu de 1946

(72 años)
Nacionalidá Bandera de Estaos Xuníos d'América Estaos Xuníos
Grupu étnicu Afroestauxunidense
Estudios
Estudios North Carolina Agricultural and Technical State University Traducir
Oficiu
Oficiu atleta
Pesu 70 quilogramu
Altor 191 centímetru
Cambiar los datos en Wikidata

Robert "Bob" Beamon (29  d'agostu de 1946Jamaica Traducir) ye un atleta estauxunidense famosu pol so récor del mundu en saltu de llargor, llamáu'l saltu del sieglu, consiguíu nos Xuegos Olímpicos de Méxicu (1968) con un rexistru de 8,90 metros, ameyorando en 55 cm la marca anterior. Dichu récor perduró mientres 22 años, 10 meses y 22 díes,[1] hasta ser superáu na final del Mundial de Tokio 1991 por Mike Powell (8,95 m), nesa mesma final Carl Lewis tamién llogró ameyorar la marca de Beamon (8,91 m) pero nun foi homologada yá que se llogró con más de 2 m/s de vientu a favor, polo qu'anguaño sigue siendo la segunda meyor marca de tolos tiempos. La so marca de 8,90 metros, sigue siendo l'actual récor olímpicu de saltu de llargor y avérase a los 50 años de vixencia.

L'anterior campeón Olímpicu Lynn Davies, dixo que destruyera la prueba, y dio llugar a que s'inventara un nuevu axetivu n'inglés pa la xíriga del atletismu, Beamonesque, que s'aplica a cualquier fazaña o fechu espectacularmente fuera de lo común. El meyor saltu de la so carrera antes del récor fuera de 8,33 m y dempués nun pasó de los 8,22 m, polo que la reacción a la so marca foi de perplexidá pela so parte ya incredulidá pola de los xueces, que nun disponíen de material pa midir un saltu tan llargu, motivu pol que se retrasó l'apaición del nuevu récor nel marcador manual.

Y ye qu'hai que tener en cuenta que les meyores del récor mundial dende 1901 tienen una media de 0,06 m siendo la mayor de 0,15 m. Na so dómina díxose que sería un récor pa superar nel siguiente sieglu, un récor del sieglu XXI.

Referencies[editar | editar la fonte]

  1. Atletismu Español nᵘ508

Enllaces esternos[editar | editar la fonte]



Bob Beamon