Bloco de Esquerda

Bloco de Esquerda
Bloco de Esquerda
Acrónimu	BE
Fundación	24 de marzu de 1999
Sede	Palacete da Rua da Palma n.º 268 (en)
Estáu	Portugal
Afiliaos	6830 (2009)
Ideoloxía política	socialismu democráticu y Euroescepticismu
Posición nel espectru	izquierda radical (es)
Afiliación europea	Partíu de la Esquierda Europea
Páxina web	bloco.org

El Bloc de Esquerda (Bloque d'Izquierda n'asturianu) ye un partíu políticu portugués d'ideoloxía izquierdista que surde en 1999.

Historia[editar | editar la fonte]

El partíu surde en 1999 del aproximamientu de trés fuercies polítiques: la Unión Democrática Popular (marxista), el Partíu Socialista Revolucionariu (trotskista mandelista) y la Política XXI, a les cualos darréu s'axuntaron dellos otros movimientos.

Toes estés formaciones se definieron como resultáu de procesos de crítica en rellación al llamáu «comunismu» o «socialismu real», calteniendo la referencia socialista al traviés de la reflexón y del discutiniu sobre l'actualidá del marxismu. Miembru del Secretariáu Unificáu de la IV Internacional, el PSR heredaba la tradición trotskista, opuesta al estalinismu; la UDP, marxista, presentábase cómo desconectada de cualesquier referencies nel campu comunista internacional, asitiándose en rotura con toles esperiencies de socialismu real"; la Política XXI ye resultáu, pela so parte, de la unión d'ex-militantes del Partíu Comunista Portugués, polos herederos del MDP-CDE y por independientes.

Dende l'entamu, el Bloque presentóse como una nueva fuercia política que nun negaba'l so orixe nos trés partíos citaos y que tenía una organización interna democrática, más basada na representación de los adherentes del que nel equilibriu del partíu.

El Bloque foi incluyendo otros grupos y enclinos: dende pequeños grupos políticos, como la Rotura/FER, hasta grupos que, nun siendo organizaciones polítiques, son activistes constituyíos yá dientro del Bloque: feministes, activistes LGBT, sindicalistes, ambientalistes, etc. El Bloque reivindica la independencia d'estos grupos en rellación a la política xeneral del partíu.

Evolución y cambeos[editar | editar la fonte]

Les primeres eleiciones nes que'l Bloque de Esquerda participó foi nes Europees de 1999, teniendo como cabezaleru a Miguel Portas. Llogró 61.920 votos (1,79 % de los votos) pero nun consiguieron nengún diputáu.

N'ochobre del mesmu añu, participa nes eleiciones llexislatives de Portugal de 1999, llogrando 131 840 votos, 2,46% y 2 diputaos eleutos pel círculu de Lisboa.

Nes eleiciones autárquicas de 2001, algamaron la conquista d'una Cámara, la de Salvaterra de Magos y 6 conceyales.

Nes eleiciones llexislatives de 2002, llograron 149.543 votos, 2,75% y 3 diputaos, dos per Lisboa y unu por Oporto.

El Bloque algamó'l so primer diputáu européu, Miguel Portas, en 2004.

Nes eleiciones llexislatives del 20 de Febreru de 2005, tuvo ocho diputaos eleutos. Nes autárquiques del mesmu añu, foi eleuta la candidata independiente sofitada pol BE a la Cámara Municipal de Salvaterra de Magos. Na so IV Convención Nacional, el Bloque de Esquerda oficializó Francisco Louçã como voceru de la Comisión Política.

Yá en 2005, foi aprobáu pola convención un conxuntu d'estatutos, qu'inclúin un códigu de conducta y preven un cuadru disciplinar, qu'enantes nun esistía.

En 2007, na V convención, foron presentaes trés mociones d'orientación política y una cuarta moción crítica namás en rellación al funcionamientu internu del Bloque. Na eleición, per votu secretu, de la mesa nacional, la llista encabezada por Francisco Louçã y qu'incluyía les sensibilidaes del PSR, de la UDP y de la PXXI llogra'l 77,5% de los eleutos, la llista B, encabezada por Teodósio Alcobia, 5%, la llista C, encabezada por João Delgado ya integrando sindicalistes y miembros de la Rotura/FER, 15%, y la llista D, encabezada por Paulo Silva, 2,5%.

Resultaos eleutorales[editar | editar la fonte]

Eleiciones al Parllamentu[editar | editar la fonte]

Añu	votos	% de votos	Escaños	+/-	Notes
1999	132.333	2,44%	2/230
2002	153.877	2,81%	3/230	1
2005	364.971	6,35%	8/230	5
2009	558.062	9,82%	16/230	8
2011	288.923	5,17%	8/230	8
2015	549 153	10,22%	19/230	11	Apoyu parllamentariu al gobiernu del Partíu Socialista.
2019	500 017	9,52%	19/230

Parllamentu Européu[editar | editar la fonte]

Añu	votos	% de votos	Escaños	+/-	Notes
1999	62.067	1.84%	0/25
2004	167.313	4,91%	1/24	1
2009	382.667	10,72%	3/22	2	Rui Tavares abandonó en 2011 el BdE.
2014	149.764	4,56%	1/21	2
2019	325.533	9,82%	2/21	1

Referencies[editar | editar la fonte]

↑ URL de la referencia: https://www.cne.pt/partido/bloco-de-esquerda. Editorial: Comissão Nacional de Eleições.
↑ URL de la referencia: https://ionline.sapo.pt/artigo/514633/o-bloco-e-agora-oficialmente-eurocetico?seccao=Opini%C3%A3o_i.

Enllaces esternos[editar | editar la fonte]

[127664c95207c139a46fb26a70cdad5d44cdca2b-1] URL de la referencia: https://www.cne.pt/partido/bloco-de-esquerda. Editorial: Comissão Nacional de Eleições.

[dc662c1f21cf182154bf3e978381048c8a0f1b26-2] URL de la referencia: https://ionline.sapo.pt/artigo/514633/o-bloco-e-agora-oficialmente-eurocetico?seccao=Opini%C3%A3o_i.

[1]

[2]