Bismarck

De Wikipedia
Saltar a: navegación, buscar
Llocalización de Bismarck dientro de Dakota del Norte

Bismarck ye la capital del estáu de Dakota del Norte, nos Estaos Xuníos, y sé alministrativa del condáu de Burleigh. Ye, dempués de Fargo, la segunda ciudá más poblada del estáu. La so población estimada, en 2015, yera de 71.167 habitantes[1]. La ciudá figuró nel séptimu llugar nel ránking de la revista Forbes que recoyía les pequeñes ciudaes con crecimientu más rápidu del país.

La ciudá foi fundada en 1872, y ye la capital del estáu dende 1883, cuando yera tovía el Dakota Territory (Territoriu de Dakota), que había ser almitíu como estáu en 1889.

Bismarck asítiase na oriella izquierda del ríu Missouri, xusto de frente de la ciudá de Mandan. Les dos ciudaes formen el núcleu del Área Estadística Metropolitana Bismarck-Mandan. L'edificiu más importante, y de mayor altor de la ciudá, ye'l capitoliu estatal, asitiáu nel centru de la ciudá. Ellí tien la so sé'l gobiernu del estáu, que ye'l segundu mayor empleador de la ciudá. Nel so calter de centru comercial y de servicios de salú, Bismarck ye'l centru económicu de la fastera meridional de Dakota del Norte y de la septentrional de Dakota del Sur.

Capitoliu estatal de Dakota del Norte

Referencies[editar | editar la fonte]

  1. American Fact Finder, cifres de población de les ciudaes estaunidenses na web del U.S. Census Bureau.
Icono de esbozo
Esti artículu ye un entamu. Puedes ayudar a la Wikipedia n'asturianu ampliándolu.