Biblia Kennicott

De Wikipedia
Saltar a navegación Saltar a la gueta
Dos de les páxines dafechu ilustraes de la Biblia Kennicott nuna edición facsímil.

La Biblia de Kennicott, dacuando denominada primer Biblia de Kennicott,[1] ye una copia manuscrita de la biblia hebrea escrita na ciudá de A Coruña en 1476,[2] siendo unu de los manuscritos allumaos más esquisitos que se conocen en llingua hebrea;[3] ta consideráu como una de les obres cume de la ilustración medieval, ya inclusive el manuscritu sefardín más lujosamente ilustráu del sieglu XV.[4][5] El manuscritu foi redactáu na ciudá de A Coruña pol calígrafu Moisés Ibn Zabarah y allumáu por Joseph Ibn Hayyim. Foi afayáu nel sieglu XVIII. Ta consideráu por dalgunos, como l'historiador Carlos Folles, el manuscritu relixosu más importante de la Edá Media gallega.[6]

El manuscritu recibe'l so nome de Benjamin Kennicott, un canónigu de la catedral de la Ilesia de Cristu de Oxford (Inglaterra), que mercó'l manuscritu a la Biblioteca Radcliffe, d'onde foi tresferíu a la Biblioteca Bodleian en 1872.[7][8]

Unu de los aspeutos más destacaos del exemplar ye la estrecha collaboración qu'amuesa ente l'autor del testu y el iluminador, daqué poques vegaes consiguíu nesti tipu de trabayu, según l'historiador de la cultura xudía Cecil Roth.[9]

Referencies[editar | editar la fonte]

  1. (2003) en Michael Gerli: Medieval Iberia. An Encyclopedia (en inglés). Routledge, 115. ISBN 0-415-93918-6.
  2. «La Biblia de Kennicott y la importancia de la tradición hebrea en España». Consultáu'l 04-01-2018.
  3. «O facsímile da Biblia de Kennicott na BUSC» (gallego). Blog da Biblioteca Universitaria da Santiago de Compostela. Consultáu'l 20 de xineru de 2017.
  4. García, Rodri (4 de xunu de 2015) (en castellanu). Los judíos quieren recuperar la «Biblia de Kennicott». http://www.lavozdegalicia.es/noticia/coruna/coruna/2015/06/04/judios-quieren-recuperar-biblia-kennicott/0003_201506H4C7993.htm. Consultáu 'l 23 de febreru de 2017. 
  5. Kogman-Appel, 2004, p. 212.
  6. «A BIBLIA KENNICOTT. Unha biblia xudía na Galicia do século XV» (gallegu). AGAI. Consultáu'l 7 de febreru de 2018.
  7. Antonio Rubio, 2006, pp. 219-20.
  8. «La Biblia de Kennicott y la importancia de la tradición hebrea en España» (castellanu). biblias.com. Consultáu'l 7 de febreru de 2018.
  9. González López, 1967, pp. 201.

Enllaces esternos[editar | editar la fonte]