Bethesda (Gales)

Coordenaes: 53°10′46″N 4°03′37″W / 53.1794°N 4.0603°O / 53.1794; -4.0603
De Wikipedia
Wikiproyeutu: Asturies - Cymru
Bethesda
Alministración
PaísBandera del Reinu Xuníu Reinu Xuníu
Nación constitutivaBandera de Gales Gales
Área principal Gwynedd
Tipu d'entidá villa
Nome oficial Bethesda (en)[1]
Bethesda (cy)[1]
Códigu postal LL57
Xeografía
Coordenaes 53°10′46″N 4°03′37″W / 53.1794°N 4.0603°O / 53.1794; -4.0603
Bethesda alcuéntrase en Reinu Xuníu
Bethesda
Bethesda
Bethesda (Reinu Xuníu)
Superficie 3.8931 km²
Demografía
Población 4735 hab. (2011)
Porcentaxe 100% de Gwynedd
0.15% de Gales
0.01% de Reinu Xuníu
Densidá 1216,25 hab/km²
Cambiar los datos en Wikidata

Bethesda ye una ciudá nel ríu Ogwen na carretera A5 cerca de Snowdonia, en Gwynedd, al noroeste de Gales, coloquialmente denomada Pesda polos paisanos.

Historia[editar | editar la fonte]

Tou empezó en 1823 cuando se construyó la Capiya Bethesda y la ciudá creció al so alredor. La capiya foi reconstruyida en 1840 y agora convirtióse n'apartamentos y conozse como Arafa Don.

La ciudá creció alredor de les industries de la cantera de cayuela y piedra ; la más grande de les canteres llocales ye la Cantera Penrhyn. Nel so apoxéu, la ciudá taba esportando la so cayuela morao en tol mundu, y al faelo ganó la reputación de ser la meyor del mundu. La ciudá foi escenariu d'una fuelga de trés años liderada pola North Wales Quarrymen's Union dende 1900. Esto conduxo a la creación del pueblu cercanu de Tregarth, construyíu polos propietarios de la cantera, qu'allugaba a les families de trabayadores. .

La mayor parte de la ciudá atópase al este y nordeste de la carretera A5, con viviendes arrexuntaes na fastera en fileres irregulares. Esto debió a que la A5 marcaba la llende ente la tierra de Lord Penrhyn y la tierra de dominiu absolutu. Esto inda puede vese nel diseñu de la cai principal actual, onde toles cases públiques atópense nun llau de la carretera.

Ferrocarriles[editar | editar la fonte]

En 1884 abrióse una sucursal de la rede de ferrocarriles de Londres y North Western dende Bangor . La llinia pesllóse a pasaxeros en 1951 y a la carga y mercancíes en 1963.

Bethesda moderna[editar | editar la fonte]

Nel so apoxéu, la población de Bethesda algamó'l so puntu máximu en 10.000 hab; anguaño ye d'alredor de 4.327 persones (censu de 2001), tamién tán cerca los pueblos de Rachub y Tregarth . Les oportunidaes actuales d'emplegu na ciudá son llimitaes: hai delles empreses manufactureres; la mayoría de les empreses atópense nel sector de servicios de baxa remuneración y na industria de la hospitalidá. Pa emplegu con mayor potencial d'ingresos, los residentes tienden a viaxar a les ciudaes a lo llargo de la costa norte de Gales. Bangor ye'l destín más popular, pero dalgunos van viaxen caldia hasta Cheshire. Por cuenta de la falta d'oportunidaes d'emplegu basaes nel baxu grau d'estudios, munchos mozos treslládense del llugar a llugares como Cardiff y Manchester namái graduase.

Ysgol Dyffryn Ogwen ("Ogwen Valley School") ye una escuela billingüe integral, con 374 alumnos, afitada en 1951.

Zip World Velocity en Penryn Quarry ye la tirolina más llarga d'Europa, con poco más de 1600 metros de llargu, y trai a la ciudá cientos de visitantes. [2]

Llingua y cultura[editar | editar la fonte]

El galés ye l'idioma dominante de la ciudá, y puede vese escritu y oyíu na mayoría de les redolaes. Según el Censu del Reinu Xuníu de 2001, el 77.0% de los residentes fala galés, más que'l permediu tanto para Gwynedd como para Gales polo xeneral.

La serie de S4C Amdani! (un xuegu de pallabres que puede significar "vete por ello/a!" y "tocante a ella") básase nun equipu femenín de rugby ficticiu en Bethesda, y munches de les tomes d'allugamientos filmáronse na zona. La serie básase na novela del mesmu nome, de Bethan Gwanas, que vivía na ciudá nesi momentu.

En xunu de 2012 Tabernacl (Bethesda) Cyf., una cooperativa ensin fines d'arriquecimientu con sede na ciudá, recibió una subvención d'alredor de 1 millón de llibres p'anovar Neuadd Ogwen, un llugar d'actuación en High Street. Diba reabrise como un centru comuñal d'arte en xunu de 2013.

Nos años 1970 y 1980 Bethesda desenvolvió una reputación como un centru de creatividá musical. Les sesiones d'improvisación y los pequeños estudios caseros abondaben al pie de la floreciente escena del pub rock. Arriendes del agora bien afitáu festival Pesda Roc, Bethesda nutrió a les bandes de llingua galesa Maffia Mr Huws y los esperimentales Y Jeycsyn Ffeif . N'años más recién, sigui surdiendo bandes de la comunidá llocal como Radio Rhydd.

Galería[editar | editar la fonte]

Referencies[editar | editar la fonte]

  1. 1,0 1,1 «standard forms of Welsh place-names database». Welsh Language Commissioner.
  2. «The 100 MPH slide; Riding Europe's Longest Zipline». Consultáu'l 3 xunetu 2016.