Beta Leonis Minoris

De Wikipedia
Saltar a navegación Saltar a la gueta
Beta Leonis Minoris
Beta Leonis Minoris A/B
Constelación Leo Minor
Ascensión reuta α 10h 27min 53,00s
Declinación δ +36º 42’ 26,0’’
Distancia 146 años lluz
Magnitú visual +4,20 (+4,40 / +6,12)
Magnitú absoluta +0,95 (conxunta)
Lluminosidá 36 / 5,8 soles
Temperatura 5075 / 6200 K
Masa ~2 / 1,35 soles
Radiu 7,8 / 2 soles
Tipu espectral G9IIIb / F8V
Velocidá radial +5,6 km/s

Beta Leonis Minoris (β LMi / 31 Leonis Minoris / HD 90537)[1][2] ye una estrella na pequeña constelación de Leo Minor de magnitú aparente +4,20. A pesar de ser la única nesta constelación que lleva lletra griega —nun esiste la estrella «Alfa»— ye namái la segunda más brillosa dempués de Praecipua (46 Leonis Minoris). Alcuéntrase a 146 años lluz de distancia del Sistema Solar.

Beta Leonis Minoris ye una binaria espectroscópica compuesta por una xigante mariella de tipu espectral G9IIIb (Beta Leonis Minoris A) y una nana mariella de tipu F8V (Beta Leonis Minoris B). La estrella xigante tien una temperatura superficial de 5075 K y una lluminosidá 36 vegaes mayor que la del Sol. El so radiu ye 7,8 vegaes más grande qu'el radiu solar y la so masa envalórase en daqué menos de dos mases solares.[3]

Beta Leonis Minoris B ye, con una temperatura de 6200 K, más caliente que la so compañera. Tien una lluminosidá 5,8 vegaes superior a la lluminosidá solar. Con un radiu doble qu'el del Sol, la so masa ye un 35% mayor que la solar. El periodu orbital d'esta binaria ye de 38,62 años, variando la separación ente les dos estrelles ente 5,4 UA y 27 UA a lo llargo d'una órbita por demás escéntrica (ε = 0,75).[3] La metalicidá del sistema ye igual a la del Sol ([Fe/H] = 0,00) y la so edá envalórase en 980 millones d'años.[4]

Referencies[editar | editar la fonte]