Bernardo Acevedo y Huelves

De Wikipedia
Saltar a navegación Saltar a la gueta
Bernardo Acevedo y Huelves
Vida
Nome completu Bernardo Acevedo y Huelves
Nacimientu Bual1849
Nacionalidá Bandera d'España España
Fallecimientu

Uviéu7  de setiembre de 1920

(70/71 años)
Estudios
Llingües castellanu
asturianu
Oficiu
Oficiu escritor
Miembru de Cuerpo de Abogados del Estado Traducir
Xéneru artísticu Poesía
Cambiar los datos en Wikidata

Bernardo Acevedo y Huelves (1849Bual - 7  de setiembre de 1920Uviéu) foi un abogáu, estudiosu del folclor y escritor asturianu.

Biografía[editar | editar la fonte]

Nacíu en Bual, fue a escuela primeru en Cuaña y dempués al institutu a Tapia. Coló pa Madrid col envís d'estudiar Medicina; en cuenta d'ello, acabó llicenciándose en Derechu. En 1889 foi nomáu abogáu del Estáu y destináu a la delegación de Facienda y a la Diputación Provincial d'Uviéu. Aparte del so trabayu como xurista, foi tamién escritor, n'asturianu y castellanu, y investigador del folclor del país.

Tocántenes al so llabor lliterariu, entamó a publicar, na prensa madrilana y nel periódicu El Anunciador, d'Uviéu, los sos primeros trabayos. En 1881 ganó'l premiu de poesía que convocara la Universidá d'Uviéu pa celebrar el segundu centenariu de la muerte de Calderón de la Barca. Dos años dempués ganó'l de los Xuegos Florales entamaos pola Sociedá Económica d'Amigos del País en 1883 (que tenía nel xuráu a Clarín y Acebal); y, años dempués, el premiu de los vecinos de Veiga nos Xuegos Florales de Xixón del 6 d'agostu de 1891, convocáu pa conmemorar la inauguración de la estatua de Xovellanos. Foi miembru correspondiente de les Academies d'Historia y de la Lengua Española (RAE) y de la Comisión Provincial de Monumentos, y escribió a modo en bien de periódicos del so tiempu: El Eco de Asturias, El Carbayón, El Nalón, Revista de Asturias... Dirixó tamién la edición d'obres ayenes (Poesías asturianas de Teodoro Cuesta) y escribió los capítulos sobro Bual, Navia-Villayón y Cuaña del tercer volume de la obra Asturias, de Bellmunt y Canella, espublizáu en Xixón en 1900.

Simultáneamente investigó sobre dellos aspectos de la cultura y el folclor asturianu. Ente les sos obres nesti campu rescamplen:

Espublizó tamién delles obres de temática xurídica, como Nociones de Derecho usual español (coescritu con Fermín Canella en 1894) y Legislación del impuesto de derechos reales y transmisión de bienes (1896).

Ediciones recientes de les sos obres[editar | editar la fonte]

  • Los vaqueiros de alzada en Asturias. Reeditáu en 1985 pola Editorial Noega de Xixón. ISBN 84-86015-62-6
  • Boal y su concejo. Reeditáu n'edición facsimilar en 1984 pola Editorial Mases de Xixón. ISBN 84-86328-03-09
  • Ultimos momentos de Jovellanos: poesía en dialecto asturiano. Reeditáu n'edición facsimilar en 1999 pola Monumenta Histórica Asturiensia de Xixón.
  • Poesía. Reeditáu (facsímil de veintiún poesíes asoleyaes ente 1888 y 1927) en 1995 pola Academia de la Llingua Asturiana. ISBN 84-8168-042-7

Bibliografía[editar | editar la fonte]

  • VV.AA., Gran atlas del Principado de Asturias (A-G). Ediciones Nobel, Uviéu, 1996.

Referencies[editar | editar la fonte]

Enllaces esternos[editar | editar la fonte]