Bernard Hinault

De Wikipedia
Saltar a navegación Saltar a la gueta
Bernard Hinault
Bernard Hinault - Critérium du Dauphiné 2012 - Prologue (2).jpg
Vida
Nacimientu

Yffiniac14  de payares de 1954

(64 años)
Nacionalidá Bandera de Francia Francia
Estudios
Llingües francés
Oficiu
Oficiu ciclista y agricultor
Trayeutoria
Años Equipu Competiciones
1984-1986 La Vie claire
1978-1983 Renault
1975-1977 Gitane-Campagnolo
Premios
Cambiar los datos en Wikidata

Bernard Hinault (14  de payares de 1954Yffiniac) ye un ciclista francés retiráu, que foi profesional ente los años 1975 y 1986.

Foi unu de los meyores de la historia d'esti deporte. Al igual qu'el so compatriota Jacques Anquetil y que'l belga Eddy Merckx, cerró la so trayeutoria con cinco victories non consecutives nel Tour de Francia (años dempués, l'español Miguel Induráin convirtióse nel primeru n'encadenar los cinco ésitos).

Moteyáu Le Blaireau (El Melandru) y Caimán, apoderó'l panorama internacional ente'l final de los años 70 y la primer metá de los 80, ganando 216 carreres y convirtiéndose nel ciclista francés col meyor palmarés de tolos tiempos.

Llogró les victories absolutes nes trés Grandes Vueltes al ganar cinco Tours, trés Giros y dos Vueltes. Nos trés grandes rondes llogró un total de 41 victories d'etapa al consiguir 28 etapes nel Tour, 7 etapes na Vuelta y 6 etapes nel Giro.

Ente les sos principales victories, puede citase la de Lieja-Bastogne-Lieja en 1980 so la nieve, na qu'algamó la llinia de meta con más de nueve minuto de ventaya sobre'l segundu, l'holandés Hennie Kuiper.

La so medaya d'oru na prueba de fondu en carretera del Campeonatu del Mundu de 1980, completa una de les más brilloses carreres ciclistes de tolos tiempos.

La so última carrera foi'l 9 de payares de 1986, una carrera de ciclocrós mui cerca de Yffiniac. Ente los sos principales rivales, tienen de ser citaos l'holandés Joop Zoetemelk, el belga Lucien van Impe, el portugués Joaquim Agostinho, y l'estauxunidense Greg LeMond.

Na actualidá[¿Cuándo?] trabaya na organización del Tour de Francia.

Palmarés[editar | editar la fonte]

1976

1977

1978

1979

1980

1981

1982

1983

1984

1985

1986

Resultaos en Grandes Vueltes y Campeonatu del Mundu[editar | editar la fonte]

Carrera 1975 1976 1977 1978 1979 1980 1981 1982 1983 1984 1985 1986
Giro d'Italia - - - - - 1ᵘ - 1ᵘ - - 1ᵘ -
Tour de Francia - - - 1ᵘ 1ᵘ Ab. 1ᵘ 1ᵘ - 2ᵘ 1ᵘ 2ᵘ
Vuelta a España - - - 1ᵘ - - - - 1ᵘ - - -
Campeonatu del Mundu en ruta Arc en ciel.svg - 6ᵘ 8ᵘ 5ᵘ 21ᵘ 1ᵘ 3ᵘ Ab. - Ab. Ab. 59ᵘ

-: nun participa
Ab.: abandonu

Reconocencies[editar | editar la fonte]

Bernard Hinault