Benjamín Orbón
Benjamín Orbón | |
|---|---|
| Vida | |
| Nacimientu | Mieres, 27 d'abril de 1877 |
| Nacionalidá |
 España |
| Muerte | L'Habana, 6 d'agostu de 1944[1] (67 años) |
| Estudios | |
| Llingües falaes | castellanu |
| Oficiu | compositor, pianista |
| Instrumentu musical | pianu |
 | |
Benjamín González Orbón y Fernández Corujedo (27 d'abril de 1877, Mieres – 6 d'agostu de 1944, L'Habana), meyor conocíu como Benjamín Orbón, foi un pianista y compositor asturianu.[2] Ye consideráu un bultable xestor en favor de la enseñanza musical na República de Cuba. Fundó en L'Habana'l Conservatoriu Orbón y foi miembru de la Academia Nacional d'Artes y Lletres de Cuba. El so fíu foi'l compositor Julián Orbón, consideráu unu de los creadores de la melodía Guantanamera.
Biografía[editar | editar la fonte]
Na so niñez, por motivos familiares, foi treslladáu a Uviéu, onde realizó estudios musicales na Academia de Belles Artes de San Salvador, presentándose en públicu como pianista a los 12 años.
Perfeicionó los sos estudios musicales nel Real Conservatoriu Cimeru de Música de Madrid. Al rematar los mesmos presentóse nel Atenéu de Madrid, consagrándose como concertista en 1899, llegando, inclusive, a ufiertar conciertu ante la Familia Real Española. Darréu percorrió delles ciudaes d'España antes de realizar una xira por América.
Atopándose yá en Cuba, brindó conciertos mientres un añu en L'Habana, treslladándose dempués a Méxicu y Estaos Xuníos.
Pasó nuevamente a Cuba, onde s'afincó, foi profesor de música y fundó, en L'Habana, el Conservatoriu Orbón.[3] Nel añu 1922, el presidente Alfredo Zayas y Alfonso, por decretu númberu 885, dio'l derechu d'usar l'Escudu de Cuba nos sos impresos y diplomes.
Fallecimientu[editar | editar la fonte]
Morrió en L'Habana el 6 d'agostu de 1944.
Obres[editar | editar la fonte]
- Polonesa (composición pa pianu).
- Valse-Scherzzo (Madrid, 1903).
- Partitura de la zarzuela El víspera de San Juan, estrenada en Xixón en 1906.
- Rapsodia asturiana,[4] estrenada nel Teatru Español de Madrid en 1933.
- Danzas asturianas nº 1 y 2,[5] estrenada nel Teatro Español de Madrid en 1933.
Premios y distinciones[editar | editar la fonte]
Al fundase l'Academia Nacional d'Artes y Lletres de Cuba, el réxime de José Miguel Gómez premió los sos servicios en beneficiu de la enseñanza musical en Cuba, designándolo Académicu de Númberu correspondiente a la Seición de Música.
Cai nel so honor[editar | editar la fonte]
En Xixón esiste una cai que lleva'l so nome.[6]
Plaza de los hermanos Orbón[editar | editar la fonte]
Nel Conxuntu Históricu Artísticu d'Avilés esiste una plaza de mercáu qu'honra la so memoria y la del so hermanu Julián (1880-1936), que fora escritor y periodista, fundador de "El Progreso de Asturias", asesináu al empiezu de la Guerra Civil polos republicanos.[7] denominada Plaza de los hermanos Orbón.[8]
Referencies[editar | editar la fonte]
- ↑ URL de la referencia: http://dbe.rah.es/biografias/30997/benjamin-orbon-corujedo. Apaez como: Benjamín Orbón Corujedo.
- ↑ Cuban Music from A to Z. Heliu Orovio. Duke University Press, 2004. páx. 154. ISBN 0822332124, ISBN 9780822332121
- ↑ cultura cubana,+de+Miguel+Iturria+Sav%C3%B3n+Benjam%C3%ADn+Orb%C3%B3n&source=bl&ots=UK5lWfWZVa&sig=ECpOuo6Y6UGcbZxV70AIItpvMag&hl=es-419&sa=X&ei=VsQ4O9iiLsHLsQTQ64HABw&ved=0CCoQ6AEwAA#v=onepage&q=Espa%C3%B1oles%20en%20la%20cultura%20cubana%2C%20de%20Miguel%20Iturria%20Sav%C3%B3n%20Benjam%C3%ADn%20Orb%C3%B3n&f=false Iturria Savón, Miguel: Españoles en la cultura cubana. Editorial Renacimiento, 1 de xineru de 2004 - 244 p., 107 -113 pp. ISBN 84-8472-189-2, ISBN 9788484721895
- ↑ Orbón, Benjamín: Rapsodia asturiana. Unión Musical Española, 1930 - 9 páxines
- ↑ «Gutiérrez Hermoso, B. Alberto: Archivo de partituras. A Musical Villa de Mancha Real. Mancha Real, Jaén, 15 de setiembre de 2006». Archiváu dende l'orixinal, el 26 de febreru de 2015. Consultáu'l 11 d'abril de 2014.
- ↑ educastur.princast.es: Árboles de Gijón. Gijón Archiváu el 2 d'ochobre de 2010 na Wayback Machine.
- ↑ vivirasturias.com: Personas ilustres del Concejo de Avilés Archiváu el 5 de setiembre de 2014 na Wayback Machine.; https://www.elcomercio.es/gijon/20090727/opinionarticulos/plaza-hermanos-orbon-20090727.html
- ↑ elembarcadero.es: Monumentos asturianos (Avilés) Archiváu el 12 de xunu de 2013 na Wayback Machine.
Bibliografía[editar | editar la fonte]
- Aviñoa, Xosé: Maestros, amigos, alcahuetes: los modos de educación musical doméstica en el XVII español. Edicions Universitat. Barcelona, 1 de xineru de 1998. 433 p., 304 a 306 pp.
- Pacheco Valera, Irina: Una aproximación al Conservatorio Orbón desde la memoria pedagógica-musical. Periódico Cubarte, 29 de xunu de 2013
- Gómez Sotolongo, Antonio: Tientos y diferencias de la Guantanamera compuesta por Julián Orbón. Política Cultural de la Revolución Cubana de 1959. Cuadernos de Música, Artes Visuales y Artes Escénicas, vol. 2, núm. 2, páxina 167. Pontificia Universidad Javeriana. Colombia, abril-setiembre, 2006
- Gacía-Avello, Ramón: Julián Orbón. 17 de febreru de 2009. 24 p., 2 y 3 pp.
- Salas Villar, Gemma: Benjamín Orbón, el Conservatorio Orbón o la principal institución Asturiana en Cuba. Dialnet. Llocalización: Scripta: estudios en homenaje a Elida García García, 1998, ISBN 84-8317-056-6, páxs. 903-938
Enllaces esternos[editar | editar la fonte]
- Gell Fernández-Cueto, Leonardo: Orígenes y evolución de la enseñanza del piano en Cuba. La Retreta. Año I N° 5, payares – avientu de 2008, páxina 2
- Cuadriello,Jorge Domingo: Asturianos en Cuba en el siglo XX. emigrastur.com. La Habana, 20 d'abril de 2006, páxina 9
- El Comercio: Julián Orbón, ilustre músico y compositor avilesino. Avilés, 3 de payares de 2009
