Benjamín Orbón

De Wikipedia
Saltar a navegación Saltar a la gueta
Benjamín OrbónPicto infobox character.png
Vida
Nacimientu Mieres27  d'abril de 1877
Nacionalidá Bandera d'España España
Fallecimientu

L'Habana6  d'agostu de 1944

(67 años)
Oficiu
Oficiu compositor y pianista
Instrumentu musical Pianu
Cambiar los datos en Wikidata

Benjamín González Orbón y Fernández Corujedo, meyor conocíu como Benjamín Orbón (n. Avilés, 27 d'abril de 1877 - f. L'Habana, 6 d'agostu de 1944), foi un pianista y compositor español.[1] Consideráu un vultable xestor en favor de la enseñanza musical na República de Cuba; fundó en L'Habana, el Conservatoriu Orbón; foi miembru de la Academia Nacional d'Artes y Lletres de Cuba. El so fíu foi'l compositor Julián Orbón, consideráu unu de los creadores de la melodía Guantanamera.

Biografía[editar | editar la fonte]

Na so niñez, por motivos familiares, foi treslladáu a Uviéu, onde realizó estudios musicales na Academia de Belles Artes de San Salvador, presentándose en públicu como pianista a los 12 años.

Perfeccionó los sos estudios musicales nel Real Conservatoriu Cimeru de Música de Madrid. Al rematar los mesmos presentóse nel Atenéu de Madrid, consagrándose como concertista en 1899; llegando, inclusive, a ufiertar concierto ante la Familia Real Española. Darréu percorrió delles ciudaes d'España antes de realizar una xira por América.

Atopándose yá en Cuba, brindó conciertos mientres un añu en L'Habana, treslladándose dempués a Méxicu y Estaos Xuníos.

Pasó nuevamente a Cuba, onde s'afincó, foi profesor de música y fundó, en L'Habana, el Conservatoriu Orbón;[2] al que, nel añu 1922, el presidente Alfredo Zayas y Alfonso, por decretu númberu 885, dio, el derechu d'usar l'Escudu de Cuba nos sos impresos y diplomes.

Fallecimientu[editar | editar la fonte]

Morrió en L'Habana el 6 d'agostu de 1944.

Obres[editar | editar la fonte]

  • Polonesa (composición pa pianu).
  • Valse-Scherzzo (Madrid, 1903).
  • Partitura de la zarzuela El víspora de San Juan, estrenada en Xixón en 1906.
  • Rapsodia asturiana,[3] estrenada nel Teatru Español de Madrid en 1933.
  • Dances asturianes nᵘ1 y 2,[4] estrenada nel Teatru Español de Madrid en 1933.

Premios y distinciones[editar | editar la fonte]

Al fundase l'Academia Nacional d'Artes y Lletres de Cuba, el réxime de José Miguel Gómez, premió los sos servicios en beneficiu de la enseñanza musical en Cuba, designándolo Académicu de Númberu, correspondiente a la Seición de Música.

Vía nel so honor[editar | editar la fonte]

En Xixón, esiste una cai que lleva'l so nome.[5]

Plaza de los hermanos Orbón[editar | editar la fonte]

Nel Conxuntu Hestóricu Artísticu d'Avilés esiste una plaza de mercáu qu'honra la so memoria y la'l so hermanu Julián (1880-1936), que fuera escritor y periodista, fundador de "El Progresu d'Asturies", asesináu al empiezu de la Guerra Civil polos republicanos[6] denominada Plaza de los hermanos Orbón.[7]

Referencies[editar | editar la fonte]

Bibliografía[editar | editar la fonte]

Enllaces esternos[editar | editar la fonte]




Benjamín Orbón