Benito Lue y Riega

De Wikipedia
Saltar a navegación Saltar a la gueta
Benito Lue y Riega
Benito Lué y Riega.jpg
obispu diocesianu


Pedro Inocencio Bejarano
Diócesis: Arquidiócesis de Buenos Aires Traducir
obispu católicu

29 mayu 1803 -
Vida
Nacimientu Colungamarzu  de 1753
Nacionalidá Bandera d'Arxentina Arxentina
Fallecimientu

1812

(58/59 años)
Sepultura Catedral metropolitana de Buenos Aires Traducir
Oficiu
Oficiu sacerdote católicu
Creencies
Relixón Ilesia Católica
Cambiar los datos en Wikidata

Benito Lué y Riega (n. Llastres, Colunga, 1753 – † San Fernando, Provincia de Buenos Aires, 1812), eclesiásticu asturianu, obispu de Buenos Aires na fas cabera de la Colonización española n'América. Foi un notoriu opositor a la Revolución de mayu de 1810 y al procesu d'independencia arxentina, sofitando'l bandu realista.

Biografía[editar | editar la fonte]

Nació en Llastres, el 12 de marzu de 1753, fíu de Cosme de Lué y de María Josefa de Riega. Na mocedá foi oficial d'exércitu, pero en enviudando garró la carrera eclesiástica. Estudió teolonía'n Santiago de Compostela y foi deán de la catedral de Lugo.

Obispu de Buenos Aires[editar | editar la fonte]

El Conseyu d'Indies propúnxolu al rey pa ocupar la sée de Buenos Aires y el 9 d'agostu de 1802 foi nomáu obispu d'esa ciudá pol Papa Píu VII. Aportó a Montevidéu'l 30 de marzu de 1803 y a Buenos Aires el 22 d'abril. El 29 de mayu de 1803 foi consagráu en Córdoba pol obispu Ángel Mariano Moscoso.

Autuación política[editar | editar la fonte]

Na Revolución de Mayu de 1810 defendió la tesis de que'l Virreinatu del Ríu de la Plata yera una colonia d'España. Mantúvose n'una postura firmemente llegalista, sofitando la xura del Conseyu de Rexencia. Cuando los patriotes quixeren contradecilu, contestó-yos qu'elli nun fuere llamáu a reñer, sinón a dicir llibremente la so opinión. Curiosamente, tolos eclesiásticos que votaren dempués d'elli fixérenlo a favor de la Revolución de Mayu.[1]

Años caberos[editar | editar la fonte]

Non opuso nenguna resistencia, de pallabra nin de fechu, a la Primer Xunta, y acató en públicu al nueu gobiernu. Un mes sero quixo entamar una xira pastoral, pero la Xunta torgó-ylo, camentando que'n realidá rondaba fuxir a Montevidéu, ónde la Xunta nun yera reconocida. En xunetu torgóse-y falar en públicu y confesar a los fieles. Pero siguió siendo l'obispu, y nun apertó a los sacerdotes de la diócesis escontra la Xunta. El Primer Triunviratu desterrólu al pueblu de San Fernando, al norte de Buenos Aires.

En marzu de 1812, dellos personaxes que yeren poco menos que los sos enemigos, festexaren el so cabudañu con una cena na quinta de San Fernando ónde vivía. Amaneció muertu, casi de xuru envenenáu pol Archidiáconu Ramírez, acérrimu partidariu de la Revolución. El 24 d'esi mesmu mes recibió sepultura nel Panteón soterráneu de la Catedral.

Fontes[editar | editar la fonte]

Referencies[editar | editar la fonte]

  1. Mayo de 1810. Actas del Cabildo de Buenos Aires, con estudio preliminar de Isidoro Ruiz Moreno, Ed. Claridad, Bs. As., 2009.

Bibliografía[editar | editar la fonte]

  • Di Stéfano, Roberto, El púlpito y la plaza, Ed. Siglo XXI de Argentina, Bs. As., 2004.
  • Raúl Montero Bustamante, El Obispo de la Revolución, Revista Nacional, Añu IX, Nmbrs. 103 a 105, px. 136-141.
  • Patrón de Olazábal, Margarita, La visita del Obispo Lué. Sociedad y religión en el San José colonial, Revista Hoy es Historia, Nᵘ 34, Montevideo, xunetu - agostu 1989.
  • Miguel Ángel Scenna, El caso del obispo envenenado, Revista Todo es Historia, Nᵘ 32.


Predecesor:
Manuel Azamor y Ramírez
Obispu de Buenos Aires
Arzobispu

1802 - 1812
Socesor:
Mariano Medrano