Bella Center

Bella Center
	sala d'espectáculos
Llocalización
País	Reinu de Dinamarca
Estáu federáu	Dinamarca
Rexón alministrativa	Rexón Capital
Conceyu	Copenḥague
Direición	Center Boulevard (en) , 3
Coordenaes	55°38′16″N 12°34′43″E / 55.63778°N 12.57849°E
	Bella Center Bella Center (Dinamarca)
Historia y usu
Orixe del nome	Bellahøj (en)
	Web oficial

Bella Center (embrivíu BC) ye'l segundu centru de conferencies y exhibiciones más grande d'Escandinavia (depués de Messecenter Herning). Alcuéntrase n'Ørestad, ente la ciudá de Copenḥague y l'aeropuertu, ufre una superficie interior de 121.800 km² y tien un aforu de 20.000 persones.

Ente los eventos añales más importantes ta la Feria Internacional de la Moda de Copenḥague, l'eventu principal de la Copenhagen Fashion Week que se celebra dos vegaes al añu, en febreru y agostu, y CODE, l'eventu principal de la Selmana del Diseñu de Copenḥague.

Historia

Bella Center garra'l so nome de Bellahøj nel norte de Copenḥague, onde s'allugó per primer vegada'l centru de convenciones. El so primer edificiu foi construyíu en 1965 según el diseñu del arquiteutu Erik Møller. Nel periodu de 1973 a 1975, Bella Center treslladóse al so allugamientu actual n'Amager ente'l centru de la ciudá y l'aeropuertu de Copenḥague, mientres que l'edificiu orixinal convirtióse nun centru deportivu col nome de Grøndals Centret.^[1] Nesta etapa, les nueves instalaciones de Bella Center taben allugaes nun área ensin desenvolver fora de la ciudá nel antiguu Amager Commons. Col desenvolvimientu d'Ørestad, como se decidió en 1992 cola construcción a partir del cambéu de mileniu, la contorna de Bella Center ta en procesu de convertise nun área urbana trupa. Hai una estación del Metro de Copenḥague al pie del Bella Center.

Cites destacaes

2009: Conferencia de les Naciones Xuníes sobre'l Cambéu Climáticu
2009: 13ᵉʳ Congresu Olímpicu
2009: 121ᵉʳ periodu de sesiones del Comité Olímpicu Internacional
2009: 33ᵉʳ Congresu ordinariu de la UEFA
2006: MTV Europe Music Awards 2006
2002: Conseyu Européu
1995: Cume Mundial sobre Desenvolvimientu Social
1993: Conseyu Européu

Tresporte

La estación Bella Center de la llinia M1 del metro de Copenḥague atópase al pie de Bella Center.

Los trenes rexonales d'Øresundståg dende Copenḥague y Malmö paran na estación d'Ørestad, cerca de Bella Center. Dende equí ye posible garrar la llinia M1 del metro pa nuna parada llegar a la estación de metro de Bella Center. Los trenes d'Øresundståg tamién paran nel aeropuertu de Copenḥague, a 5 minutos de la estación d'Ørestad.

Referencies

↑ «Bella Center». Den Store Danske. Archiváu dende l'orixinal, el 3 de payares de 2009. Consultáu'l 2009-09-27.

Enllaces esternos

Páxina web oficial

[1] «Bella Center». Den Store Danske. Archiváu dende l'orixinal, el 3 de payares de 2009. Consultáu'l 2009-09-27.

[1]