Behgjet Pacolli

Behgjet Pacolli
Presidente de Kosovu	; 22 febreru 2011 - 4 abril 2011 ; ← Jakup Krasniqi - Jakup Krasniqi →
Presidente de Kosovu
Vida
Nacimientu	Prístina, 30 d'agostu de 1951 (72 años)
Nacionalidá	Kosovu ; Suiza
Familia
Casáu con	Maria Pacolli ; Anna Oxa (1999 – 2002)
Oficiu	diplomáticu, políticu, empresariu
Premios	ver Orden Dostyk de grado I ; Honor of Nation Order ;
Creencies
Relixón	islam
Partíu políticu	Alianza por un Nuevo Kosovo (es)
	behgjetpacolli.com

Behgjet Isa Pacolli (30 d'agostu de 1951, Prístina) ye un empresariu y políticu albanu-kosovar, con nacionalidá suiza. Exerció como tercer presidente de la República de Kosovu.

Foi presidente y direutor executivu de Mabetex Group, una compañía de construcción ya inxeniería civil con sede en Suiza. El grupu inclúi coles mesmes al periódicu kosovar Lajm, establecíu en 2002, y sofitó dellos equipos deportivos en Kosovu. Ye consideráu'l albanés más ricu nel mundu.^[1]

Pacolli ye presidente de l'Alianza por un Nuevu Kosovu, un partíu políticu representáu na asamblea llexislativa de dichu territoriu.^[2] Asumió como presidente de Kosovu el 22 de febreru de 2011 pero dexó'l cargu'l 31 de marzu de 2011 tres una resolución de la Corte Constitucional.

Biografía[editar | editar la fonte]

Behgjet ye'l fíu de Isa y Nazmije Pacoli, siendo'l segundu de diez fíos, quien crecieron como la mayoría de les persones de Kosovu, ensin lluz llétrico nin agua potable. Behgjet foi fuertemente influyíu pol so padre y especialmente pol so güelu Osman pa convertise en constructor civil.

Participación política[editar | editar la fonte]

El 17 de marzu de 2006, Pacolli fundó'l partíu políticu Alianza por un Nuevu Kosovu (AKR), participando nes eleiciones parllamentaries de 2007 onde llogró'l tercer llugar de los escaños. Mientres estes eleiciones, declaró la so propiedá por valor de € 420 millones. Pacolli convertiese en diputáu na Asamblea de Kosovu y en miembru del Comité de Presupuestu y Finances. Amás, foi conseyeru internacional del CSIS (Centru d'Estudios Estratéxicos ya Internacionales).

Dende 2004, Behgjet Pacolli siguió los sos esfuercios de lobby en nome de Kosovu por aciu l'ayuda de numberoses instituciones y grupos de defensa pa primir a los gobiernos estranxeros, instituciones y organismos internacionales pa sofitar la reconocencia de la independencia de Kosovu. Pacolli sigue les sos actividaes de lobby en tol mundu, onde conoz a los principales líderes de los países del mundu nun intentu de convencelos de los argumentos a favor de reconocer la declaración d'independencia de Kosovu.

Tres les eleiciones parllamentaries de 2011 y l'alianza ente AKR y el Partíu Democráticu de Kosovu pa compartir el poder, Pacolli presentóse como candidatu a la Presidencia de la República de Kosovu el 22 de febreru de 2011. El mesmu día, el Parllamentu de la República de Kosovo escoyelu como presidente nuna xornada marcada pola ausencia de 53 diputaos que protestaron en contra de la presidencia de Pacolli La eleición, sicasí, sería darréu anulada pol Tribunal Constitucional el 28 de marzu de 2011 al considerar (por 7 votos contra 2) que nun esistió'l quórum necesariu p'aprobar la eleición.^[3]^[4] Pacolli apurrió'l poder el 30 de marzu a Jakup Krasniqi, de quien asumiera la presidencia un mes antes.^[5] El 7 d'abril, AKR, PDK y l'opositora LDK alcordaron escoyer a Atifete Jahjaga como presidenta de Kosovu.

Referencies[editar | editar la fonte]

↑ Chris Bennett. «Living The Life Of Behgjet». Consultáu'l 1 de payares de 2008.
↑ Bureau of European and Eurasian Affairs. «Background Note: Kosovo». Consultáu'l 22 de marzu de 2010.
↑ B92 (29 de marzu de 2011). «Kosovo president elected "unconstitutionally"» (inglés). Archiváu dende l'orixinal, el 30 de mayu de 2011. Consultáu'l 7 d'abril de 2011.
↑ Deutsche Welle (28 de marzu de 2011). «Constitutional court rules recent Kosovo presidential poll illegal» (inglés). Consultáu'l 7 d'abril de 2011.
↑ B92 (30 de marzu de 2011). «Pacolli resigns as Kosovo president» (inglés). Archiváu dende l'orixinal, el 1 d'abril de 2011. Consultáu'l 7 d'abril de 2011.

Predecesor:
Jakup Krasniqi
(interín)

Presidente de la República de Kosovu
22 de febreru al 31 de marzu de 2011

Socesor:
Jakup Krasniqi
(interín)

[iwpr-1] Chris Bennett. «Living The Life Of Behgjet». Consultáu'l 1 de payares de 2008.

[akr-2] Bureau of European and Eurasian Affairs. «Background Note: Kosovo». Consultáu'l 22 de marzu de 2010.

[3] B92 (29 de marzu de 2011). «Kosovo president elected "unconstitutionally"» (inglés). Archiváu dende l'orixinal, el 30 de mayu de 2011. Consultáu'l 7 d'abril de 2011.

[4] Deutsche Welle (28 de marzu de 2011). «Constitutional court rules recent Kosovo presidential poll illegal» (inglés). Consultáu'l 7 d'abril de 2011.

[5] B92 (30 de marzu de 2011). «Pacolli resigns as Kosovo president» (inglés). Archiváu dende l'orixinal, el 1 d'abril de 2011. Consultáu'l 7 d'abril de 2011.

[1]

[2]

[3]

[4]

[5]