Baxu Nalón

De Wikipedia
Saltar a navegación Saltar a la gueta
Baxu Nalón
Alministración
Estáu

{{Xeodatos España España | bandera iconu | variante = | tamañu =

}}
Xeografía
Superficie 146,36 km²
Demografía
Población 14,758 hab.
Densidá 100.83 hab/km²
http://www.bajonalon.es
Cambiar los datos en Wikidata

El Baxu Nalón ye una de les contornes turístiques nes que ta estremáu'l territoriu del Principáu d'Asturies. Ta formáu por trés conceyos, Pravia, Sotu'l Barcu y Muros de Nalón, siendo la capital comarcal o cabecera la Villa de Pravia. Los consistorios pertenecientes a la mancomunidá collaboren ente sigo pa potenciar la economía na zona, basada nel turismu y l'agricultura de manera xeneral.

Situación xeográfica[editar | editar la fonte]

La contorna asítiase nel cursu baxu del ríu Nalón y engloba los conceyos de Pravia, Sotu'l Barcu y Muros de Nalón. Llinda al norte col mar Cantábricu, al oeste con Cuideiru, al sur con Salas y al este con Candamu y con Castrillón.

La ría de San Esteban de Pravia atópase íntegramente nel territoriu comarcal y amás d'esti ríu pueden atopase otros cursos fluviales importantes como'l ríu Narcea o'l ríu Aranguín. Estos ríos escurren per valles bien marcaos que moldien el relieve de la zona. El más conocíu ye'l Valle d'Arango, aniciáu pel ríu Aranguín, famosu poles sos casones señoriales y la ganadería. Arrodiando los valles atópense un conxuntu de sierres de medianu altor como la Sierra de Fontebona, onde s'atopen visos como'l Picu Mirabeche, Picu Casafría y Alto del Marqués; la Sierra de Sandamías col Altu del Monxagre de 655 metros d'altitú y la Sierra de los Vientos na llende con Cuideiru, onde atopamos el techu de la contorna, Llan de Cubel, cume de 678 metros d'altitú.

Turismu[editar | editar la fonte]

Tratase d'una zona turística tantu pol so encantu natural como pola so importancia na historia d'Asturies. Per un sitiu son bien frecuentaes les rutes de senderismu que percuerren los conceyos de Muros de Nalón y Pravia, como la Sienda de la Sablera d'Aguilar o la Sienda Verde de Santianes de Molenes. Nesti últimu pueblu, Santianes de Molenes, atopábase la monarquía asturiana allá pol sieglu VIII y podemos reparar na ilesia de San Juan Evanxelista, de planta basilical, que ye una auténtica xoya del prerrománicu asturianu. La zona tamién ye conocida poles sos sableres y pol antiguu puertu industrial de San Esteban. Pa terminar, la Colexata de Santa María La Mayor de Pravia y el Conceyu pravianu presiden la cabecera de la contorna.[1][2]

Comunicaciones[editar | editar la fonte]

La contorna ta perfectamente comunicada coles principales ciudaes asturianes. Per un lláu, Avilés atópase a apenes 20 km, Uviéu a unos 50 km y Xixón a 40 km. L'aeropuertu d'Asturies alcúentrase en tierres del vecín conceyu de Castrillón. L'autovía A-8 traviesa el conceyu d'este a oeste, al igual que la N-432. Toles capitales de conceyu tienen estaciones de ferrocarril de FEVE y Pravia una estación d'autobuses con 4 dársenes. Sicasí, hay una plataforma vecinal que esixe la constucción de una pasarela enriba'l Nalón pa xunir los pueblos de San Esteban con San Xuan[3]

Deportes[editar | editar la fonte]

El deporte ye una actividá importante na zona, yá que esisten bastantes clubes deportivos. El más importante de toos ellos ye'l CD Praviano, club de fútbol de Pravia que na temporada 2018/19 xugaba na Tercer División d'España y xuega nel Estadiu Santa Catalina, con capacidá pa 3000 espectadores. Tien más de 400 socios.[ensin referencies] Otros clubes de fútbol del baxu Nalón son el CD Villa de Pravia, el Rey Silo FS, la SD Agones, el CD Soto del Barco, l'Atlético Arenesco y el Muros Balompié. Tocantes a otros deportes, destaquen clubes de tenis como la Villa de Pravia o'l CT Pravia; el Club Los Cuervos en piragüismu; el Club Remeros del Nalón en remu; el Club Ciclista Lin de Cubel BTT o'l Grupo de Monte Monteagudo.

Referencies[editar | editar la fonte]