Bautista Álvarez

De Wikipedia
Saltar a navegación Saltar a la gueta
Bautista ÁlvarezPicto infobox character.png
Bautista Álvarez 2014.jpg
Escudo de Galicia.svg
Diputáu nel Parllamentu de Galicia

Vida
Nacimientu

San Amaro30  de marzu de 1933

[1]
Nacionalidá Flag of Spain.svg España
Muerte

Beariz16  de setiembre de 2017

[1] (84 años)
Causa de la muerte infartu de miocardiu
Estudios
Llingües gallegu
castellanu
Oficiu
Oficiu políticuhistoriador
Creencies
Partíu políticu Bloque Nacionalista Galego
Unión do Povo Galego
Cambiar los datos en Wikidata

Bautista Goyel Álvarez Domínguez (30  de marzu de 1933San Amaro - 16  de setiembre de 2017Beariz) foi un políticu español, d'ideoloxía nacionalista gallega. Foi'l fundador de la Unión do Povo Galego y del Bloque Nacionalista Galego.

Biografía[editar | editar la fonte]

Ñació na aldega de Loucia, na parroquia de Las, nel conceyu ourensán de San Amaro, nel senu d'una familia de llabradores. Estudió nel seminariu d'Orense.

Foi miembru fundador de la Unión do Povo Galego (UPG) en 1964, siendo ún de los redautores del so programa y el so presidente dende 1977. En 1965 de treslladó a Madrid a faxer el serviciu militar, entamando tamién estudios de Filosofía y Lletres na Universidá Complutense de Madrid. Na capital tomó contautu cola colonia gallega, compuesta fundamentalmente por estudiantes, y foi ún de los fundadores del grupu Brais Pinto. En 1969 foi deteníu per primer vegada, acusáu de caltener idees «separatistes marxistizantes». En 1973 volvió a Galicia, estableciéndose en Vigo, onde se dedicó al activismu clandestín, como miembru del conseyu executivu de la UPG. Nesta dómina foi deteníu delles vegaes. Tres la muerte de Franco, foi deteníu de nuevu por participar nuna manifestación pro amnistía, n'avientu de 1976 y xulgáu pol Tribunal d'Orde Públicu en 1977.

Nel I Congresu de la UPG, cellebráu n'agostu de 1977, foi escoyíu presidente de la formación, un cargu pal que foi reelexíu en tolos congresos socesivos.

Participó na fundación del Bloque Nacionalista Galego en 1982 y foi escoyíu diputáu pal Parllamentu de Galicia nes eleiciones autonómiques de 1981, pola circunscripción d'ACoruña, nes candidatures de la coalición ente'l Bloque Nacional-Popular Galego, del que la UPG yera la principal formación, y el Partíu Socialista Gallegu. Sicasí, foi espulsáu del parllamentu colos sos dos compañeros de candidatura por negase a acatar la Constitución. Revalidó'l so acta de diputáu autonómicu nes eleiciones de 1989, 1993, 1997, 2001 y 2005, siempre pola circunscripción d'A Coruña.

Participó en delles conferencies de la Confederación d'Organizaciones de Naciones ensin Estáu d'Europa Occidental (CONSEO) y recibió delles distinciones. Na llexislatura 1997-2001 foi vicepresidente segundu del Parllamentu de Galicia. En 2004 el BNG creó la Fundación Bautista Álvarez de Estudos Nacionalistas, de la que Bautista Álvarez foi nomáu presidente.

Muerre en setiembre de 2017 nuna residencia de Beariz.

Enllaces esternos[editar | editar la fonte]

Referencies[editar | editar la fonte]

  1. 1,0 1,1 Afirmao en: autoridaes BNF. Identificador BnF: 17008405w. Apaez como: Bautista Álvarez. Autor: Biblioteca Nacional de Francia. Llingua de la obra o nome: francés.