Battle Royale
Battle Royale ye una película xaponesa adautación cinematográfica de la novela del mesmu nome. Asoleyada nel añu 2000. Considérase una película de cultu.
La película
[editar | editar la fonte]Argumentu
[editar | editar la fonte]A entamos del tercer mileniu la situación en Xapón tornase incaltenible. La tasa de desemplegu algama'l 15%. Nes aules los alumnos tán fuera de control y provoquen boicots masivos. En rempuesta a esta situación el gobiernu crea la llei del Battle Royale. Según esta llei ca añu ye elixida una clas al azar ente tolos institutos xaponeses, pa ser llevaos a una islla na que tendrán que lluchar ente ellos demientres trés díes o hasta que namái quede un sobreviviente.
Demientres un viaxe escolar la clas na que s'alcuentra Nanahara Suya ye drogáu mentantu viaxen nel autobús. Al espertar, él y los sos compañeros descubren los collares que lleven nel gargüelu y que foron secuestraos pa participar en Battle Royale.
Les condiciones
[editar | editar la fonte]Demientres la so estancia na islla sedrán controlaos por un dispositivu en forma de collar que vixilará les sos constantes vitales, el so asitiamientu, lo que digan (tien un micrófonu incorporáu) y españirá si intenten quitáselu o si nun cumplen les normes. El collar ye resistente al augua y a los güelpes. Ye práuticamente indestructible, nel casu d'algamar frañilu'l collar españará de secute.
A ca alumnu se-y dá agua y alimentu pa trés díes y un arma al azar, asina como de material d'hixene personal pa les mozes. La islla ta dixebrada en fasteres, que dirán convirtienose en fasteres de peligru demientres la preba, d'alncontrase nuna d'éstes fasteres el collar españará.
La población de la islla foi evacuada, polo que s'alcuentra erma sacante polos militares y los alumnos.
Les regles
[editar | editar la fonte]- Nun hai fuxida dala.
- Si sobrevivi más d'ún al pasar los trés díes toos morrerán.
- Nun se pue tar nes zones de peligru.
- Nun se pue quitar el collar.
- Nun esisten normes al respective del mou nel que se mata.
- Permitense los ensames p'andechar, pero nun torga que namái puea sobrevivir ún.
Curiosidaes
[editar | editar la fonte]La revista emplegada por Shinji Mimura y los sos collacios pa construyir la bomba tien por títulu "Hara Hara Tokei" ("el reló que fai tictac"). Esta revista foi espublizada por un grupu anti-gubernamental nomáu "Higashi Ajia Hannichi Buso Sensen" ("Frente armáu Anti-Xaponés del este d'Asia") demientres los años 1970.
Kiriyima nun pronucia una pallabra demientres tola película.
El papel de Yoshitoki Kunninobu foi ufríu al cantante de rock Kyo, refugólu aconseyáu pol so manager.
El filme tuvo orixinalmente prohibíu en Singapur y censuráu n'Alemaña.
Takeshi Kitano ye l'autor del cuadru de la batalla apaecíu na película.
Por mor del so altu conteníu violentu intentóse torgar el so estrenu en Xapón.
Referencies
[editar | editar la fonte]- ↑ URL de la referencia: http://www.nytimes.com/2012/05/25/movies/battle-royale-directed-by-kinji-fukasaku.html?partner=rss&emc=rss. Data de consulta: 8 abril 2016.
- ↑ URL de la referencia: http://www.imdb.com/title/tt0266308/. Data de consulta: 8 abril 2016.
- 1 2 3 4 URL de la referencia: http://www.allocine.fr/film/fichefilm_gen_cfilm=28615.html. Data de consulta: 8 abril 2016.
- 1 2 3 4 5 6 7 8 URL de la referencia: http://www.imdb.com/title/tt0266308/fullcredits. Data de consulta: 8 abril 2016.
- ↑ URL de la referencia: https://www.cnc.fr/web/cnc/professionnels/visas-et-classification/103632. Data de consulta: 16 xunetu 2019.
Enllaces esternos
[editar | editar la fonte]- Web oficial. Archiváu 2006-12-11 en Wayback Machine
| Control d'autoridaes |
|
|---|
Datos: Q864592
Multimedia: Battle Royale (film)