Batalla de la Badea de Matanzas

De Wikipedia
Saltar a navegación Saltar a la gueta
Batalla de la badea de Matanzas
Cu-map.png
Mapa de la islla de Cuba, con Matanzas na mariña norte.
Fecha 10 de xunu de 1628
Llugar n/d
Resultáu Victoria holandesa.
Belixerantes
Bandera de Países Baxos Provincies Xuníes Bandera d'España Monarquía católica
Comandantes
Piet Hein Juan de Benavides Bazán
[editar datos en Wikidata]

Plantía:Campaña Guerra de los Ochenta Años

La batalla de la badea de Matanzas foi un combate naval llibráu en 1628 nel marcu de la guerra de los Ochenta Años na qu'una escuadra holandesa ganó a la flota española frente a la ciudá de Matanzas, na mariña norte de Cuba.

Contestu[editar | editar la fonte]

En 1628, siendo rei d'España Felipe IV, diba sesenta años que les Provincies Xuníes de los Países Baxos, dependientes de la corona española, intentaben llograr la so independencia por aciu la guerra de los Ochenta Años, estendiendo les hostilidáes tamién fuera d'Europa.

Captura de la flota española[editar | editar la fonte]

Una parte de la Flota d'Indies, con base en Venezuela, fuera alvertida de les intenciones holandeses d'atacar los barcos españoles qu'al traviés del mar Caribe llevaben metales preciosos a España procedentes d'América, pero otra parte de la flota española, con base en Nueva España, ignoraba estes amenaces. L'almirante holandés Piet Hein, con Witte de With como capitán del so barcu insinia, xuntu col almirante Hendrick Lonck y el vicealmirante Joost Banckert, interceptó dieciséis barcos españoles procedentes de Nueva España frente a la ciudá de Matanzas, na mariña de Cuba (naquel tiempu posesión española); un galeón foi tomáu tres un ataque por sorpresa, nueve pequeños mercantes rindiéronse, otros dos fueron tomaos nel mar, y cuatro galeones más quedaron atrapaos na badea cubana de Matanzas. Tres un combate incruento, éstos acabaron tamién por rindise, y Hein prindó oru, plata y otres mercancíes, como índigo y cochinilla por valor de 11.509.524 florinos.[1] El holandeses nun tomaron prisioneros y dieron a los españoles suministros abondos pa llegar a L'Habana.

Consecuencies[editar | editar la fonte]

Ésti sería'l mayor botín prindáu a la bien protexía Flota d'Indies en tola so hestoria. El dineru sostuvo l'armada holandesa mientres ocho meses, dexándo-yos prindar la fortaleza de Bolduque tres el so regresu a los Países Baxos en 1629, onde Hein foi aclamáu como héroe. La Compañía Holandesa de les Indies Orientales, a que'l so cargu taba la flota de Piet Hein, declaró un dividendu del 50% a cuenta de los beneficios d'esta espedición.[2]

Referencies[editar | editar la fonte]

  1. George Edmunson: History of Holland.
  2. William Elliot Griffis: The Story of New Netherland.




Batalla de la Bahía de Matanzas