Base de radares
Les bases de radares pa preseos GPS son ficheros de testu que contienen coordenaes (llatitú, llonxitú) y otres informaciones y ayuden avisando al usuariu de la llocalización de los mesmos. Estes bases puen contener distintos tipos de radares (fixos, móviles, en semáforos) y otros puntos como semáforos, puestos de policía, etc.
Les bases de radares tán popularizándose nos últimos tiempos como l'únicu mou d'evitar les multes por radar ensin infrinxir la llei, darréu qu'una base de radar nun ye un deteutor de radar (prohibíu por llei).
Compatibles con dispositivos GPS o PDAs y smartphones, esisten versiones pagues y de baldre, pudiendo ser collaboratives, onde los mesmos usuariu collaboren, amestando puntos, desaniciando, votando, etc..
Un exemplu de base collaborativa podemos atopar nel proyeutu brasilanu Hunteradar.