Barru

De Wikipedia
Saltar a navegación Saltar a la gueta
Barru
Church at Niembro 3 com.jpg
Alministración
PaísBandera d'España España
AutonomíaFlag of Asturias.svg Principáu d'Asturies
ProvinciaProvincia d'Asturies
ConceyuFlag of llanes.svg Llanes
Tipu entidá parroquia d'Asturies
Nome oficial Barru
Xeografía
Coordenaes 43°25′24″N 4°50′05″O / 43.423315°N 4.834671°O / 43.423315; -4.834671Coordenaes: 43°25′24″N 4°50′05″O / 43.423315°N 4.834671°O / 43.423315; -4.834671
Barru is located in Asturies
Barru
Barru
Barru (Asturies)
Demografía
Cambiar los datos en Wikidata

Barru (Barro en castellanu) ye una parroquia del conceyu asturianu de Llanes. Asitiada na fachada costera del conceyu, na so fastera occidental, tien una estensión de 9,42 km² y llenda: al este cola parroquia de Celoriu, al oeste cola de Posada y al sur cola de Caldueñu. Nel so territoriu inclúinse les playes de Barru, Toranza y Torimbia y el cabu Prietu, amás de la ensenada d'El Vau, y los llugares de Valmori, Barru y Niembru. Nellos viven (INE, 2013) 452 persones.


La ilesia parroquial, dedicada a Nuestra Señora de los Dolores, ye un edificiu de traza neoclásica que foi construyíu, acabando'l sieglu XVIII, por Silvestre Pérez Martínez, que foi arquitectu de Xosé Bonaparte. Les perres pa la so construcción púnxoles l'indianu de Niembru Anselmo Martínez Carrera, que foi coronel de milicies en Méxicu. Esta escomenzó'l 3 de xunu de 1794 y acabó, sacante la torre, trés años dempués. P'acabar la obra y dotar el so interior fixo falta qu'otru indianu, Pedro de Cue García, emigrante en Lima, punxera más perres. La iglesia, a la fin, consagrose'l 14 de xineru de 1804.

Al esterior ye un edificiu sobriu, ensin grandes adornos, nel que destaca l'equilibriu y la proporción de los sos volúmenes. Al interior tien namái una nave principal abovedada, con dos a los llaos más pequeñes con altares dedicaos a les persones que pagaron la so construcción, y otra tresversal que la cruza, habiendo un cimborriu cuadrangular nel cruceru. La cabecera ye cuadrangular, y dende ella se llevanta la torre-campanariu; a los llaos hai dos sacristíes. A los sos pies ta'l cementeriu, con dellos mausoleos de families indianes y arrodiáu per una muria. Na mar llena paez un barcu metanes la ría, lo que-y da al conxuntu una guapura singular. Gracies a ella, el llugar foi elexíu como escenariu pa delles películes ("Epílogo", de Gonzalo Suárez, o "El abuelo", de José Luis Garci, amás de la serie de TVE "La señora") y campañes publicitaries (Nescafé).


Flag of Asturias (indoor).svg Parroquies de Llanes Flag of llanes.svg
Andrín | Ardisana | Barru | La Borbolla | Caldueñu | Los Caleyos | Carranzo | Los Carriles | Celoriu | Cue | Ḥontoria | Llanes | La Maletería | Meré | Naves | Nueva | Parres | Pendueles | Po | Porrúa | Posada | Pría | Purón | Rales | San Roque l'Acebal | Tresgrandas | Vibañu | Vidiago


Icono de esbozo
Esti artículu ye un entamu. Pues ayudar a la Wikipedia n'asturianu ampliándolu.