Barriu chinu

De Wikipedia
Saltar a navegación Saltar a la gueta
Barriu chinu de la ciudá de San Francisco, llugar onde se da la mayor concentración de chinos (o los sos descendientes) n'América.
Estatues nel barriu chinu de Dallas.

El términu barriu chinu (唐人街 en chinu) o Chinatown (n'inglés) úsase, polo xeneral, pa denominar una zona urbana na que mora una gran cantidá de población d'orixe chinu dientro d'una sociedá non china, anque tamién s'utilizó pa describir zones onde viven un gran númberu de residentes d'orixe asiáticu, tales como vietnamites, xaponeses, y coreanos. Los barrios chinos son comunes nel Sudeste Asiáticu y en Norteamérica, anque acaldía son más frecuentes tamién n'Europa y en América Llatina.

Fora de la República Popular China, ye na ciudá de San Francisco (Estaos Xuníos) onde hai mayor concentración de chinos o los sos descendientes nel mundu.

El segundu llugar n'importancia numbérica ye'l barriu chinu de Lima (Perú), que s'atopa a la banda del Centru Históricu de Lima. Na mariña del Perú, y especialmente en Lima, pueden cuntase más d'un millón trescientos mil chinos o descendientes de chinos. [1] Dedíquense principalmente al comerciu minorista y a la xestión de restoráns de comida china fundida cola comida peruana, llamaos chifes, y son parte de la gastronomía peruana. Bien conocíu ye tamién el barriu chinu de Manhattan, en Nueva York (Estaos Xuníos).

En delles ciudaes d'España, el términu suel denotar una zona, barriu o distritu onde se concentren la prostitución o otros negocios rellacionaos cola industria del sexu, lo que n'otros llugares del mundu conozse como Barriu Colorado o Zona Colorada. Dellos exemplos d'esto son el Barriu Chinu de Salamanca y el Barriu Chinu de Barcelona, magar en Barcelona hubo una pequeña comunidá china nos años 30 del sieglu XX.[1]

Ver tamién[editar | editar la fonte]

Referencies[editar | editar la fonte]

  1. Xavier Ortells-Nicolau. «Chinos nel Barriu Chinu de Barcelona». Grupu d'Investigación ALTER (Universitat Oberta de Catalunya). Consultáu'l 4 de xineru de 2017.

Enllaces esternos[editar | editar la fonte]

Barrio chino