Barbara Britton

Barbara Britton
Vida
Nacimientu	Long Beach, 26 de setiembre de 1919
Nacionalidá	Estaos Xuníos
Llingua materna	inglés
Muerte	Nueva York, 17 de xineru de 1980 (60 años)
Sepultura	cementeriu de Woodlawn
Causa de la muerte	cáncanu d'estómagu
Estudios
Estudios	Colegio de Long Beach City (es) Long Beach Polytechnic High School (en)
Llingües falaes	inglés
Oficiu
Oficiu	actriz, actriz de televisión, actriz de cine
Premios	ver Estrella del Paséu de la Fama de Hollywood  (8 febreru 1960)
IMDb	nm0110159

Barbara Britton (26 de setiembre de 1919, Long Beach – 17 de xineru de 1980, Nueva York) foi una actriz cinematográfica y televisiva d'Estaos Xuníos.

Biografía

Nacida en Long Beach (California), Britton foi la primer actriz n'encarnar a Laura Petrie nel programa piloto Head of the Family, que acabó siendo The Dick Van Dyke Show, interpretando entós el papel Mary Tyler Moore. Britton robló un contratu cinematográficu con Paramount Pictures en 1941, rodando les sos dos primeres películes esi mesmu añu, siendo la primera'l western Secret of the Wasteland, con William Boyd, y la segunda Luisiana Purchase, con Bob Hope. El so primer trabayu nun filme d'importancia foi un pequeñu papel nel filme de 1942 interpretáu por John Wayne Reap the Wild Wind.

Na década de 1940 rodó tres películes que fueron los sos trabayos cinematográficos más destacaos, dos d'elles xunto a Randolph Scott. La primera, con Scott, foi Captain Kidd (1945). La segunda foi The Virginian (1946), xunto a Joel McCrea, y la tercera, con Randolph Scott, Gunfighters (1947). En 1948 volvió actuar con Randolph Scott nel western Albuquerque, y esi mesmu añu trabayó con Gene Autry en Loaded Pistols. En total, a lo llargo de la so carrera, Britton actuó en 26 filmes.

Britoon, por causa de un traumatismu sufiertu mientres el rodaxe del filme bélicu de 1943 So Proudly We Hail!, buscó en 1944 l'ayuda del médicu y psicoanalista Dr. Eugene J. Czukor. Britton y el Dr. Czukor (22 años mayor qu'ella) casáronse al poco tiempu, permaneciendo xuníos hasta'l fallecimientu de l'actriz.

Britton protagonizó'l show televisivu de los años cincuenta Mr. and Mrs. North, una producción de misteriu qu'interpretaba xunto a Richard Denning y Francis De Sales. L'actriz foi tamién conocida por ser vocera de los productos de la marca Revlon nes décades de 1950 y 1960, actuando na so publicidá y nos sos anuncios, ente ellos los espacios en direutu televisaos en The $64,000 Question. Unu de los últimos papeles de Britton tuvo llugar na serie televisiva One Life to Live en 1979, un añu enantes d'asoceder el so fallecimientu.

Mientres munchos años Britton y el so home vivieron en Bethel (Connecticut), enantes de camudase a Woodbury (Connecticut). La so fía mayor, Christina Britton, fíxose actriz y cantante d'opera, ente que'l so fíu Ted actuó episódicamente en televisión. Se viudu, el Dr. Eugene Czukor, finó en 1989, a los 92 años d'edá.

Barbara Britton finó na ciudá de Nueva York en 1980 por causa de un cáncer d'estómagu. Tenía 60 años d'edá.

Seleición de la so filmografía

Cine

Añu	Títulu	Papel	Notes
1955	The Spoilers
	Ain't Misbehavin'
1950	Champagne for Caesar
	The Bandit Queen
1949	I Shot Jesse James
	Cover Up
1948	Albuquerque
	Loaded Pistols
	Mr. Reckless
1946	The Virginian
	They Made M'a Killer
1945	Captain Kidd
1944	The Story of Dr. Wassell
1943	So Proudly We Hail!
	Young and Willing
	Freedom Comes High
1942	Reap the Wild Wind
	Wake Island
1941	Secret of the Wastelands

Referencies

• Esta obra remanez de la traducción de Barbara Britton de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.

Enllaces esternos

• Barbara Britton na Internet Movie Database (n'inglés)
• Barbara Britton n'AllMovie (n'inglés)

• Datos: Q2883923
• Multimedia: Barbara Britton