Bandera de la Islla de Man

De Wikipedia
Saltar a navegación Saltar a la gueta
Bandera de la Islla de Man
Flag of the Isle of Man.svg
Datos
Entidá Islla de Man
Fecha d'adopción

1  d'avientu de 1932

(88 años)
Proporción FIAV 111111.svg 2:1
Usu FIAV 110000.svg
Colores bermeyu, blancu y oru
Cambiar los datos en Wikidata

La bandera de la Islla de Man o bandera de Mann (inglés: flag of Mann, manés: brattagh Vannin) ye un trisquel, formáu por trés piernes con armadura y espueles d'oru, sobro un fondu coloráu. Ye la bandera oficial de la Islla de Man dende'l 1 d'avientu de 1932 y ta basada nel escudu d'armes manés, que data del sieglu XIII.[1]

Les trés piernes son conocíes en manés cómo ny tree cassyn (n'asturianu, "les trés piernes"). El trisquel ye un símbolu antiguu, usáu polos micénicos y los licianos.

Otres banderes de la islla[editar | editar la fonte]

Nela Islla de Man, amás d'usar la bandera col trisquel nel centru, tamién fae usu d'otres banderes. Basada na primera, esiste un pabellón civil aprobáu'l 27 d'agostu de 1971 por proclamación real. Esta insinia lleva'l trisquel movíu escontra la derecha y añede la bandera del Reinu Xuníu nel cantón cimeru esquierdu.[2][3] Per otru llau, el parllamentu manés (Tynwald) cuenta cola so propia bandera dende 1971. Esta compuesta por un fondu azul y un barcu mariellu sobro él.[4] Otres banderes son la del vicegobernador de la isla, consistente na Union Jack col escudu manés nel centru y la del Civil Defence Service ("Serviciu civil de defensa"), un grupu de voluntarios surdíu na Segunda Guerra Mundial para ayudar l'exércitu británicu.

Referencies[editar | editar la fonte]

  1. Isle of Man Weekly Times, 3 December 1932
  2. Flags of the World. ISBN 0-7232-2797-7.
  3. «Isle of Man: Civil ensign».
  4. Ltd., Maxima Systems. «Isle of Man Guide – GOVERNMENT, Manx Flags». iomguide.com.

Enllaces esternos[editar | editar la fonte]