Bandera de Bélxica

De Wikipedia
Saltar a navegación Saltar a la gueta
Bandera de Bélxica
Flag of Belgium (civil).svg
Datos
Entidá Bélxica
Fecha d'adopción

23  de xineru de 1831

(189 años)
Proporción FIAV 111111.svg 15:13
Usu FIAV 011000.svg
Colores
     negru (#000000)
     mariellu (#FFE936)
     bermeyu (#FF0F21)
Cambiar los datos en Wikidata

La bandera de Bélxica ta formada per trés bandes verticales iguales de colores negru, mariellu y colloráu; el diseñu vertical ta basáu na bandera de Francia, ente que el colores fueron tomaos del escudu del Ducáu de Brabante. Les proporciones inusuales de la bandera (13:15) son d'orixe desconocíu.

La bandera foi adoptada oficialmente'l 23 de xineru de 1831, dempués de la independencia belga del Reinu Xuníu de los Países Baxos en 1830. La mesma xugó un papel importante mientres la revolución y los sos colores sirvieron como recordatoriu d'una vieya enseña con bandes horizontales usada mientres una revuelta anterior en 1789, dómina en que los Países Baxos taben baxu dominiu austríaco.

Historia[editar | editar la fonte]

Bandera de la Revolución brabanzona (1789–1790)
Bandera de la Revolución belga (1830–1831)
Variaciones tempranes de la bandera tricolor belga

Dempués de la muerte de Carlomagnu, l'actual territoriu de Bélxica (sacante'l condáu de Flandes) pasó a formar parte de Lotaringia, que tenía una bandera con dos franxes coloraes horizontales dixebraes por una franxa blanca. El territoriu pasó entós a manos españoles, y tres la coronación de Carlos V, emperador del Sacru Imperiu Romanu Xermánicu, añediéronse'l mariellu y el colloráu, les colores d'España. Dende'l sieglu XVI hasta finales del sieglu XVIII, les colores de lo que güei ye Bélxica fueron el colloráu, el blancu y el mariellu. Dacuando, asitiábase la cruz colorada de Borgoña na sección blanca de la bandera.[1]

Mientres el períodu de dominiu austríaco, probáronse delles banderes distintes. Finalmente, l'emperador d'Austria impunxo la bandera austriaca. La población de Bruxeles oposuse a esto y, siguiendo l'exemplu de Francia, empezaron a apaecer escarapeles coloraes, marielles y negres, siendo el colores de Brabante. Poro, les colores correspuenden al lleón coloráu d'Henao, Limburgo y Luxemburgu, al lleón mariellu de Brabante y al lleón negru de Flandes y Namur.[1]

El 26 d'agostu de 1830, un día dempués de los disturbios na Ópera de Bruxeles y l'entamu de la Revolución Belga, la bandera de Francia ondeaba nel conceyu de Bruxeles. Les insurxentes reemplazaronla apresuradamente por una tricolor de rayes horizontales coloraes, marielles y negres (similar al utilizáu mientres la Revolución de Brabante de 1789-1790 qu'estableció los Estaos Xuníos de Bélxica) fabricáu n'una tienda de teles cercana.[1] Como resultancia, l'artículu 193 de la Constitución de Bélxica describe les colores de la nación belga como Coloráu, Mariellu y Negru, l'orde inversu que s'amuesa na bandera oficial.[2]

El 23 de xineru de 1831, les franxes camudaron d'horizontal a vertical, y el 12 d'ochobre, la bandera algamó la so forma moderna, col negru asitiáu nel llau de izado de la bandera.[1]

Variaciones[editar | editar la fonte]

Referencies[editar | editar la fonte]

  1. 1,0 1,1 1,2 1,3 Van den Bussche, E., Chief of Protocol, Belgian Federal Department of the Interior (2008). Noble Belgique, ô Mère chérie - LE PROTOCOLE EN BELGIQUE (PROTOCOL IN BELGIUM) (in French). Heule: Editions UGA. ISBN 978-90-6768-935-9.
  2. "Belgium". Flags of the World. June 6, 2009. Retrieved October 3, 2009.

Enllaces esternos[editar | editar la fonte]