Bandera d'Avilés

De Wikipedia
Ficha d'escuduBandera d'Avilés
Datos
Estáu España
Entidá Avilés
Cambiar los datos en Wikidata

La bandera d'Avilés (Asturies) lleva los colores azul y blancu de la ciudá col escudu nel centru. Ye la qu'anguaño preside tolos actos oficiales nel conceyu.

Hai delles versiones respeutu al orixe de la los colores:

Una d'elles (ensin preba dala al respeutive); diz que ta ta venceyáu al del club de fúbol Stadium Avilesino (anguaño Real Avilés). L'equipu llocal, fundáu en 1903, adoptó como colores del club a entamos de los años 20 los blanquiazules, ello foi por mor de qu'un avilesín, Eusebio Fernández Muñíz, que foi direutivu del club barcelonín R.C.D. Español (anguaño Espanyol), xestionó la merca de la ropa cola mesma firma que vistía al club catalán. D'esa mena, el club de fútbol llocal adoptó l'azul y blancu de la bandera del catalán.

Pero pola prensa d'entamos del sieglu XX méncionase que l'equipu llocal de fútbol remanaba equipaciones azules, por ser los colores de la matrícula marítima d'Avilés.

Tradicionalmente los confiteros d'Avilés coronaben el tradicional mantecáu de les Fiestes de El Bollo, en Pascua, con una banderina de papel blanquiazul. Foi na década de 1950 cuando entamó a escolingáse del balcón de la Casa Conceyu.

Al mesmu tiempu, el pendón remaneció nel salón d'acoyíes de la Casa Conceyu. Los actos más solemnes n'Aviles foron siempres presidíos pol pendón, de color carmín col escudu la ciudá nel centru, y qu'entá preside el gran salón del Ayuntamientu. [ensin referencies] Na primer metá del sieglu XX, el pendón colgábase del balcón central de la Casa Conceyu nes fiestes y dellos actos oficiales.[ensin referencies]

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]