Banda Gaites Villaviciosa -El Gaitero-

De Wikipedia
Saltar a navegación Saltar a la gueta
Banda Gaites Villaviciosa -El gaitero-
Orixe: Villaviciosa
Bandera d'Asturies. Asturies
Fundación: 1986
Disolución: n'activu
Tipu de gaites: Asturiana en Sib
Tipu de percusión: caxes alta tensión, timbales, bombu y tambor tradicional
Discos asoleyaos: Badarkablar (1993)
Gaiteros de Maquilan (1995)
Dirección: Daniel Álvarez Mora (Gaites) Eduardo Llosa García (Percusión).
Sitiu web: http://www.bandagaitesvillaviciosa.org/

Historia[editar | editar la fonte]

La Banda Gaites Villaviciosa -El Gaitero- ñaz oficialmente nel añu 1986, formada por un garrapiellu d'escolinos y escolines de la escuela de música tradicional que tiempu enantes echare a andar na capital manzanera José Ángel Hevia, mayestru gaiteru y direutor de la Banda Gaites dende'l so entamu hasta l'añu 2001.

Nos sos 33 años d'esistencia, la Banda Gaites Villaviciosa llevó la so música per tolos requexos d'Asturies y a númberosos puntos de la xeografía d'España, pero tamién a dellos paises d'Europa y América.

Ye la banda de gaites asturiana que más vegaes participó nel Festival Intercélticu de Lorient (Bretaña, Francia), nos años 1990, 1991, 1995, 2000, 2005, 2012 y 2018. Y tien feches collaboraciones con artistes comu'l grupu pop "Amistades Peligrosas" y el propiu Hevia.

Anguaño[editar | editar la fonte]

Anguaño ta formada por unes 28 persones dixebraes en dos seiciones, gaites ya percusion, onde s'alcuentren les caxes d'alta tensión, los timbales o tambores tenores ya'l bombu. El so direutor musical ye Daniel Álvarez Mora; el xefe de percusión ye Eduardo Llosa García.

Premios[editar | editar la fonte]

  • En 1993 ganó'l " I Concursu de Bandes de Gaites" entamáu pola Conseyería de Cultura.
  • En 1994 y 1995 algamó'l primer puestu nel Concurso de Muestra y floclore Ciudad de Oviedo
  • En 2001 algama el tercer llugar nel I Campeonatu de Bandes de Gaites asturianes entamáu pola Federación Internacional de Gaiteros Asturianos (FIGA). En 2002 algamará'l subcampeonatu xuntu cola Banda Gaites "Ribeseya" y en 2003 na tercer, y ultima edición del campeonatu, el cuartu puestu.
  • En 2005 ganen la XV Liga Galega de Bandas de Gaitas onde participen más de 125 formaciones de Galicia, Asturies, Portugal y España convirtiendose na primer banda non gallega que lo fai. Amás, nesta edición ganen el II Concurso de Cuerpos de Percusión con una puntuacion casi perfeuta de 38,5 puntos sobre 40.En 2006 ganen per segundu añu siguíu la Lliga Gallega, asina comu les tres fases que de les que se compón la competición.

Otres distinciones[editar | editar la fonte]

  • "Urugallo de Bronce" del Centru Asturianu de Madrid
  • "Manzana de Plata" del Conceyu Villaviciosa.
  • Premiu AMAS 2018 (Anuariu la música n'Asturies) na categoría de Gaita.

Discografía[editar | editar la fonte]