Banda Gaites Conceyu de Siero

Banda Gaites Conceyu de Siero
Datos xenerales
Nome real	Banda Gaites Conceyu de Siero
Nacimientu	2005
Orixe	Siero, Asturies España
Información artística
Xéneru(os)	Folk, música tradicional asturiana
Instrumentu(os)	Gaita asturiana, caxa d'alta tensión, timbal, bombu
Periodu d'actividá	(2005) - (anguaño)
[editar datos en Wikidata]

La Banda Gaites Conceyu de Siero presentóse al públicu en mayu de 2005.

El so programa musical abarca dende’l repertoriu tradicional asturianu, pieces de composición propia, dellos sones incluyíos nel repertoriu clásicu de llugares como Breizh, Canadá o Alba, toos ellos davezu presentes nos festivales internacionales de gaita. Y tou ello, lluciendo’l tradicional traxe de gala de la zona centru d'Asturies.

Pero al marxe del oxetivu de formación de nuevos instrumentistes, la Banda Gaites Conceyu de Siero, vieno participando dende los sos anicios n’eventos, tantu de calter nacional, como internacional: Festival de Bandes de Gaites “Villa de Xixón”, o la Feria del Libro y el Disco en Euskera, de Durango (Vizcaya), representando a Asturies nel Festival de Saint Loup et la Danse Bretonne de Guingamp (Breizh, ediciones de 2008 y 2011).

Formada por cuasi una ventena de nuevos instrumentistes, son cuasi toos ellos procedentes del maxisteriu de la Fundación Municipal de Cultura de Siero, a partir de los cursos con esi envís convocaos.

A partir de la so esperiencia na participación d'estos eventos, la Banda Gaites Conceyu de Siero, propónse la xera organizativa de dellos proyeutos, como’ l Festival de Gaites del Carmín, el Festival de Bandes de Gaites de Santa Isabel, de Llugones (Siero), o los Alcuentros de Bandes de Gaites de El Berrón, y, col sofitu de la Fundación Municipal de Cultura de Siero, el Festival Siero Folk.

Asina mesmu, tuvo’l privilexu de compartir escenariu con, ente otres formaciones de prestixu, la Bagad Roñsed-Mor de Lokoal-Mendon (Breizh), cola Banda de Gaitas A Carballeira (Ourense), o cola Banda de Gaitas Xinzo de Limia (Ourense). Y al mesmu tiempu, xunto a solistes del renome de Patrick Molard, Fred Morrison y Jarlath Henderson.

En 2012 exhibió’l so primer conciertu de llarga duración, Mirando a Asturies I, ccon acompañamientu de diversos músicos, mientres les Fiestes del Carmín, nel Teatru Auditoriu de La Pola Siero. Un añu más tarde, presentó Mirando a Asturies II que, celebráu n’agostu de 2013 nel Parque de L’ Acebera, en Llugones, llevaron a cabu recién llegaos de participar nel Festival Interceltic de Lausanne (Suiza).

En marzu de 2014, una parte de los sos miembros, formó parte de la Delegación d'Asturies presente nos actos festivos de San Patriciu (Nueva York), xunto a la Banda de Gaites Villa de Xixón.

La instrumentación usada pola Banda compónse de:

• Gaites en Do (C4) de los artesanos Alberto F. Velasco, Mori San José y Tino Espada.
• Gaita en Sol baxu (G3) de l'artesanu David López García.
• Bombardes bretones en Do.
• Caxes Pearl d'alta tensión.
• Timbal Andante.
• Bombu Premier.

Anguaño, la direición de la Banda cuerre al cargu d'Eugenio Otero Vega nel apartáu de gaites y de Carlos Suárez Carbajal nel apartáu de percusión.

Enllaces esternos

• Datos: Q20893783