Baby talk
El baby talk (o motherese) ye'l nome que s'usa pa designar un subcódigo llingüísticu qu'empleguen los adultos y los neños mayores de 5-6 años, de forma bonal, cuando se dirixen y comuniquen con neños más pequeños.
Carauterístiques[editar | editar la fonte]
El input llingüísticu dadu polos adultos a los neños que tán aprendiendo a falar analizóse sistemáticamente pa verificar les hipótesis de Noam Chomsky, según les cualos, los neños escuchen mayoritariamente discursos incompletos ya incorreutos gramaticalmente per parte de los adultos que los arrodien. Sabemos que'l llinguaxe faláu contién frecuentes errores, por influyencia de la memoria y variación de l'atención. Sicasí, tamién se sabe que los adultos nun se dirixen a los neños d'igual forma qu'a los adultos. Hai datos que lu confirmen, definiendo un códigu llingüísticu, el Motherese o baby talk.
Con esti métodu pretende ameyorase y controlar la eficacia de la comprensión de los mensaxes per parte del neñu, lo mesmo que de suponer ayudes importantes pa la imitación y l'aprendizaxe del llinguaxe.
Al dirixinos a los ñácaros tendemos a falar más adulces, con una voz pausada, o n'otres ocasiones a alzar el tonu de voz, somos más espresivos, curiamos la pronunciación, emplegamos frases más simples y curties, repitimos delles vegaes pallabres, o una parte de la frase, fáense referencies al contestu, mientres se señala o manipolien oxetos y utilizamos un mayor númberu de xestos y mímica.
Esta adautación del llinguaxe que se fai contién un procesu educativu implícitu por aciu el cual l'adultu manifiesta'l so deséu de da-y al neñu ferramientes espresives cada vez más ellaboraes.
Esta forma de fala-y al ñácaru ye una manera positiva ya indispensable pa dir adquiriendo'l llinguaxe, yá que los ayudar a centrar la so atención y a empezar esi intercambiu comunicativu qu'adulces se dirá faciendo más complexu.
Rellacionóse tamién el Baby Talk a los gorilas, una y bones dellos estudios falen de qu'éstos utilicen una forma non vocal del "llinguaxe del ñácaru".
Referencies[editar | editar la fonte]
Enllaces esternos[editar | editar la fonte]
