BU Persei

De Wikipedia
Saltar a navegación Saltar a la gueta
BU Persei
BU Persei
Constelación Perséu
Ascensión reuta α 02h 18min 53,30s
Declinación δ +57º 25’ 16,8’’
Distancia 6000 años lluz (aprox)
Magnitú visual +9,6
Magnitú absoluta -5,42
Lluminosidá 28.000 soles (bolométrica)
Temperatura 3600 K
Radiu 620 soles
Tipu espectral M3I
Velocidá radial -45,9 km/s

BU Persei (BU Per / BD+56 512 / TYC 3694-1247-1)[1] ye una estrella variable na constelación de Perséu. De magnitú aparente media +9,6, ye miembru del cúmulu abiertu NGC 869 y alcuéntrase a una distancia de 1845 pársecs (6000 años lluz) del Sistema Solar.[2]

BU Persei ye una superxigante colorada de tipu espectral M3I con una temperatura efectivo de 3600 K.[3] Tien un radiu 620 vegaes más grande qu'el del Sol —comparable al de Antares (α Scorpii)—, lo qu'equival a 2,9 UA. Si tuviera nel centru del nuesu Sistema Solar, la so superficie estenderíase más allá de la órbita de Marte. Bien lluminosa, la so lluminosidá bolométrica —considerando toles llonxitúes d'onda— ye 28.000 vegaes superior a la lluminosidá solar. Pierde masa en forma de polvu a razón de 2,8 × 10-9 mases solares per añu.[3] La so edá puede cifrase en 19 millones d'años, la edá del cúmulu al que pertenez.[4]

Catalogada como una variable semirregular SRC —que'l so prototipu ye la brillosa μ Cephei—, la fluctuación de rellumu de BU Persei ye de 1,9 magnitúes. Esiste un periodu principal de 367,0 díes[5] —381 ± 10 díes según otru estudiu— y unu secundariu, más llargu ya imprecisu, de 3600 ± 1000 díes.[6]

Ver tamién[editar | editar la fonte]

Referencies[editar | editar la fonte]