Búnker d'Anielewicz en Varsovia

Coordenaes: 52°15′05″N 20°59′32″E / 52.2515°N 20.9923°E / 52.2515; 20.9923
De Wikipedia
Búnker d'Anielewicz en Varsovia
Bunkier Anielewicza w Warszawie (pl)
monumento conmemorativo (es) Traducir
Llocalización
PaísBandera de Polonia Polonia
Voivodatos Voivodatu de Mazovia
Ciudá con derechos Varsovia
Barriu Muranów (en) Traducir
Coordenaes 52°15′05″N 20°59′32″E / 52.2515°N 20.9923°E / 52.2515; 20.9923
Búnker d'Anielewicz en Varsovia alcuéntrase en Polonia
Búnker d'Anielewicz en Varsovia
Búnker d'Anielewicz en Varsovia
Búnker d'Anielewicz en Varsovia (Polonia)
Cambiar los datos en Wikidata
Reconstrucción de posguerra del búnker ŻOB na cai Miła 18
Una piedra conmemorativa nel visu del sucu Anielewicz, piedres visibles dispuestes por visitantes d'Israel
Obeliscu al pie del sucu colos nomes de 51 combatientes xudíos
Tema: monte estrozáu, na paré frontera del obeliscu
Los El presidentes de Polonia ya Israel, Lech Kaczyński y Szimon Peres, rindieron homenaxe a los insurxentes xudíos que morrieron en Mila (2008)

El Búnker d'Anielewicz yera un búnker que taba allugáu na esquina de les cais Mila y Dubois (dirección d'antes de la guerra: Mila 18) en Muranów , Varsovia. A la fin del Llevantamientu del Guetu de Varsovia, los combatientes de la Organización Xudía de Llucha, incluyíu'l comandante de la ŻOB[1], Mordechaj Anielewicz, escondiéronse ellí y depués morrieron.

En 1946, nel sitiu del búnker destruyíu, construyóse un montículu conmemorativo llamáu Sucu d'Anielewicz .

Historia[editar | editar la fonte]

Mientres el llevantamientu, la sede de la Organización Xudía de Combate (la más conocida ente los grupos de resistencia xudía mientres la Segunda Guerra Mundial) taba allugada na cai Mila 29, y tres la so detección, treslladóse al búnker de Mila18[2]. Yera un gran búnker bien forníu con armes y comida, con agua y eletricidá[3], construyíu debaxo d'una casa de vecindá que foi destruyida en septiembre de 1939.

Pertenecía a persones del el llamáu czompów, (xente de la marxinalidá  social y el mundu de la delincuencia de Varsovia, ente los qu'había munchos "lladrones destacaos") empobináu por Szmul Asher,pero que nun duldó en compartir los sos suministros colos combatientes xudíos a los que tratara con cordial respetu y punxera tolo que tenía a la so disposición: “La nuesa fuerza inda ta con nós”, díxo-yos, “y les manes de los mios homes tán entrenaes pa abrir peslleres. Pela nueche podemos caminar tranquilamente ensin ser reparaos. Podemos esguilar valles y murios y tolos caminos y fuexos del Guetu son bien conocíos por nós. . . . "

[4][5]. Taba cortáu por un pasiellu llargu y estrechu con habitaciones a entrambos llaos, a les que los insurxentes diéron-yos nomes como Treblinka, Trawniki, Poniatów, Piaski, Ghetto[6]. Había seis entraes al búnker.

El 8 de mayu de 1943, el búnker, nel que s'atopaben unes 300 persones, foi arrodiáu poles tropes alemanes y ucranianes que collaboraben con ellos. Dempués de ser llamaos a rindise, dalgunos de los escondíos (principalmente civiles) abandonaron el búnker y rindiéronse. Los soldaos de ŻOB que se quedaron dientro intentaron entamar una llucha desigual, pero los alemanes empezaron a llanzar granaes de fumu y bombes de gas lacrimóxenu. Dos hores dempués del entamu del asaltu, les primeres persones que s'apurrieron a los nazis fueron les qu'esperaben sobrevivir de dalguna manera nos campos de concentración. Según un relatu de Tosia Altman, una de les poques persones que llogró salir del búnker pola sesta salida, ensin ser afayada polos alemanes, énte la convocatoria de Arie Wilner, los combatientes xudíos suicidáronse en masa.[7]. Unu d'ellos, Lutek Rotblat, primero disparó-y a la so madre y dempués quitóse la vida.

[8].[7]

Nel Informe Stroop, un informe oficial preparáu pol Xeneral Jürgen Stroop pa Himmler, que rellata la represión alemana del llevantamientu del guetu de Varsovia y la lliquidación del guetu na primavera de 1943, detállase lo siguiente:

(...) El 8 de mayu (1943) foi un día importante para mi. Esi día, abrimos el búnker nel 18 de Niza, la sede del personal de ŻOB.

Yera un abellugu soterrañu abondo bien fortificáu y estensu. Tenía delles entraes y conexones al sistema d'alcantarelláu y un llaberintu de túneles de comunicación soterraños construyíos por xudíos. Les lluches por esti búnker fueron llargues y dures (...)[9]

Aproximao 120 insurxentes morrieron, incluyíu'l comandante de la ŻOB, Mordechaj Anielewicz y la so novia Mira Fuchrer. Cerca de 15 persones sobrevivieron[10] incluyíos Michał Rozenfeld, Tosia Altman, Jehuda Węgrower, Pnina Zalcman y Menachem Bigelman. Dalgunos de los supervivientes  morrieron pocu dempués por causa de les  firíes o l'envelenamientu por gas,  ente qu'otros morrieron más tarde nel llau ariu".[11][12].

El búnker  convertióse nuna fuesa común, yá que nun se llevaron a cabo trabajo de exhumación dempués de 1945 en Mila 18.

Por cuenta de les semeyances colos eventos que tuvieron llugar nel añu 73 o 74 d'esta era na antigua fortaleza xudía de Masada asediada polos romanos, el búnker de Mila dacuando llámase "Masada de Varsovia".[13]

La fortaleza de Masada foi unu de los postreros trés puntos de resistencia de los xudíos contra los romanos. Cuando los defensores decidieron que siguir lluchando yera inútil y los lexonarios romanos apruciríen na fortaleza en cualquier momentu, tomóse la decisión de suicidase en masa.

Cada home mató a la so esposa y fíos, dempués diez fanáticos fueron atraíos pa matar a los homes restantes, de los cualos xunu foi escoyíu pa matar a los demás y finalmente suicidóse. Los defensores morrieron como persones llibres….Masada ye un símbolu de la llucha heroica de los xudíos. Sobro les sos ruines, los soldaos israelinos faen un xuramentu militar diciendo les palabres “Masada nunca va ser conquistada de nuevu".

Conmemoración[editar | editar la fonte]

En 1946, pola iniciativa del Comité Central de Xudíos Polacos[14] de los escombros de les cases circundantes nel llugar onde taba allugáu'l búnker, construyóse un sucu (llamáu Montículo de Anielewicz) en que na so parte cimera púsose una piedra conmemorativa con una inscripción en polacu, hebréu y yiddish col conteníu siguiente:

 ''El 8 de mayu de 1943, el comandante del llevantamientu del Guetu de Varsovia, Mordechaj Anielewicz, xunto col personal de ŻOB y delles decenes de combatientes del movimientu de resistencia xudía, morrieron nesti llugar na llucha contra los ocupantes alemanes.'' En 2006, ordenóse urbanísticamente la plaza alredor del sucu y, a los sos pies, a la derecha de la entrada al llugar de conmemoración, alzóse un pequeñu obeliscu de piedra en forma de pirámide, diseñáu por Hanna Szmalenberg y realizáu pol escultor Marek Moderau.. Nel monumentu taba inscrita una inscripción en polacu, inglés y yiddish del poeta Piotr Matywiecki:  "El sucu de los insurxentes del guetu de Varsovia, fechu de los escombros de la cai Mila, una de les cais más allegaes de la Varsovia xudía antes de la guerra. Equí, nes ruines del búnker nel númberu 18 de la cai Mila, fuelguen los miembros del personal de la Organización de Combate Xudía, incluyíu Mordechaj Anielewicz, el comandante del llevantamientu, otros combatientes y civiles. El 8 de mayu, dempués de trés selmanes de combates, arrodiaos polos nazis, morrieron o quitáronse la vida, nun queriendo morrer a manos del enemigu. Construyéronse dellos cientos de búnkeres nel guetu. Descubiertos y destruyíos, convirtiéronse en tumbes. Anque nun salvaron a los sos habitantes, son un símbolu de la voluntá de vivir de los xudíos de Varsovia. El búnker de Mila 18 yera'l más grande del guetu. Más de cien combatientes morrieron ellí. Solo dalgunos son conocíos pol so nome y apellíu.

Equí fuelguen nel llugar de la so muerte como señal de que tola tierra ye la so tumba."

Na paré frontera del obeliscu, en trés columnes, hai 51 nomes d'insurxentes xudíos, que les sos identidaes fueron identificaes.. Tamién s'atopa'l  memorial de la Umschlagplatz, de mármol blanco con una entrada con un semicírculu negru qu'asemeya una tumba. Sobro la entrada una llábana simbólica presenta un monte d'árboles cayíos, que representa la muerte d'una comunidá entera (el simbolismu xudíu de los árboles rotos significa la muerte). Dientro del memorial, 400 nomes de pila grabaos nel muriu representen a les víctimes. N'unu de les zones abiertes, na parte trasera del muriu, hai un árbol encaxáu, que representa un símbolu d'esperanza.

Cuatro plaques, en polacu, yiddish, hebréu ya inglés, señalen: “A lo llargo d'esti camín de sufrimientu y muerte, más de 300.000 xudíos fueron conducíos en 1942-1943 dende'l ghetto de Varsovia a les cámares de gas de los campos d'estermín nazis”. Concretamente yeren treslladaos a Treblinka en vagones de ganáu dos vegaes al día: a primeres hores de la mañana (en pasando una nueche a la espera del tren) y a media tarde.[15]

En 2008, a pidimientu de la Fundación para la Preservación del Patrimoniu Xudíu en Polonia, que'l so oxetivu ye conmemorar los monumentos, campusantos y sinagogues xudíes en Polonia, el Sucu inscribióse nel rexistru de monumentos..

La dirección actual de Mila 18 ye un bloque de viviendes allugáu a unos 700 metros al oeste na sección Wola de la cai.[16].

Insurxentes xudíos que morrieron en Miła 18[editar | editar la fonte]

Chaim Akerman

Małka Alterman

Mordechaj Anielewicz

Nate Bartmeser

Heniek Bartowicz

Franka Berman

Tosia Berman

Icchak Blaustein

Melach Błones

Berl Braude

Icchak Chadasz

Nesia Cukier

Icchak Dembiński

Józef Fass

Efraim Fondamiński

Towa Frenkel

Emus Frojnd

Mira Fuchrer

Wolf Gold

Miriam Hajnsdorf

Aron Halzband

Rut Hejman

Mira Izbicka

Salke Kamień

Ziuta Klejnman

Jaffa Lewender

Lolek (tylko imię)

Sewek Nulman

Abraham Orwacz

Rywke Pasamonik

Majloch Perelman

Aron Rajzband

Lutek Rotblat

Miriam Rotblat

Jardena Rozenberg

Salka (tylko imię)

Jerzy Sarnak

Szmuel Sobol

Basia Sylman

Szyja Szpancer

Moniek Sztengel

Szulamit Szuszkowska

Mojsze Waksfeld

Olek Wartowicz

Icchak Wichter

Arie Wilner

Zeew Wortman

Hirsz Wroński

Rachelka Zylberberg

Moszek Zylbertszajn

Sara Żagiel

Mila 18 na lliteratura.  [editar | editar la fonte]

  • La dirección del búnker incluyóse nel títulu de la novela de Leon Uris sobro'l guetu de Varsovia, Mila 18 (1961). Como una ficción histórica, Mila 18 ye desaxeradamente precisu. Ta claro que Leon Uris pasó dalgún tiempu en Varsovia y conoció los detalles de la ciudá. Uris investigó estensamente esti episodiu históricu tantu n'archivos como entrevistando a sobrevivientes.

Referencies[editar | editar la fonte]

  1. ŻOB, acrónimu formáu por les siglas de Żydowskiej Organizacji Bojowej, i.e., Organización Xudía de Combate
  2. J. Leociak, Spojrzenia na warszawskie getto. Ulica Miła, Dom Spotkań z Historią, Warszawa 2011, s. 26.
  3. Hela Rufeisen-Schupper: Pożeganie Miłej 18. Kraków: Wydawnictwo Beseder, 1996, s. 109. ISBN 83-86995-01-7.
  4. Lubetkin, Ziviah. (sic) Die letzten Tage des Warschauer Gettos. Berlin: VVN-Verlag, 1949
  5. Cywia Lubetkin: Zagłada i powstanie. Warszawa: Książka i Wiedza, 1999, s. 110. . (1999) . ISBN 83-05-13041-X.
  6. Bernard Mark: Walka i zagłada warszawskiego getta. Warszawa: Wydawnictwo Ministerstwa Obrony Narodowej, 1959, s. 388.
  7. 7,0 7,1 Hela Rufeisen-Schupper: Pożeganie Miłej 18. Kraków: Wydawnictwo Beseder, s. 116 (1996) . ISBN 83-86995-01-7.
  8. Anka Grupińska: Odczytane listy. Opowieści o powstańcach żydowskich. Kraków: Wydawnictwo Literackie, s. 114. (2003) . ISBN 83-08-03314-8.
  9. Jürgen Stroop (2009). Andrzej Żbikowski (ed.). Żydowska dzielnica mieszkaniowa w Warszawie już nie istnieje! / Es gibt keinen jüdischen Wohnbezirk in Warschau mehr! (PDF). Warsaw: Instytut Pamięci Narodowej, Żydowski Instytut
  10. Rudi Assuntino, Wlodek Goldkorn: Strażnik. Marek Edelman opowiada. Kraków: Wydawnictwo Znak, s. 89 (2006) . ISBN 83-240-0647-8.
  11. Barbara Engelking, Jacek Leociak: Getto warszawskie. Przewodnik po nieistniejącym mieście. Warszawa: Stowarzyszenie Centrum Badań nad Zagładą Żydów, s. 807 (2013) . ISBN 978-83-63444-27-3.
  12. Bernard Mark: Walka i zagłada warszawskiego getta. Warszawa: Wydawnictwo Ministerstwa Obrony Narodowej, 1959, s. 391.
  13. «Miła 18 – warszawska Masada» (07.05.2008).
  14. «Kopiec Anielewicza. Karta ewidencji obiektu upamiętniającego».
  15. https://sztetl.org.pl/en/towns/w/18-warsaw/116-sites-of-martyrdom/52343-umschlagplatz-monument-stawki-street-collection-point-jews-sending-them-treblinka. Virtual Shtetl
  16. «Miła 18 - warszawska Masada» (07.05.2008).

Enllaces esternos[editar | editar la fonte]