Awash mediu
| Awash mediu | |
|---|---|
| xacimientu arqueolóxicu | |
| Llocalización | |
| Llugar físicu |
depresión de Afar (es)  |
| Coordenaes | 10°N 40°E / 10°N 40°E |
  Awash mediu Awash mediu (Etiopía) | |
 | |
El Awash mediu ye un xacimientu arqueolóxicu sobre'l ríu Awash na Depresión de Afar, Etiopía. Nesti xacimientu atopáronse un bon númberu de restos homínidos del Pleistocenu y del Miocenu cimeru,[1] según dalgunos artefautos Olduvayenses[2] y restos de magre quemada, una apostada evidencia del usu del fueu.[3] Les llinies evolutives d'humanos y chimpancés dixebráronse aproximao nesta dómina, hai ente unos 5 y 7 millones d'años.[4]
Los sedimentos atopaos nel llugar fueron orixinalmente depositaos en llagos o ríos, y nos restos carbonataos atopaos hai un baxu ratio d'isótopos de carbonu. Esta información suxure que, en contraste cola aridez del clima actual, l'ambiente del Awash mediu mientres el Miocenu cimeru foi húmedu, y que la rexón yera montiega o d'hábitat montiegu cubiertu de yerba. Tamién s'atoparon restos fosilizaos de vertebraos xunto a los de los homínidos, includo el Thryonomys, un gran indicativu de la so esistencia en dichu entorno.[4] La zona tamién foi un llugar de vulcanismu periódicu. Esta rexón fisurada de xuru creó delles rexones ecolóxiques distintes, habitaes por distintes especies d'animales vertebraos.[5]
Les especies fósiles afayaes nel Awash Mediu inclúin:[5][6]
- Ardipithecus kadabba
- Ardipithecus ramidus
- Australopithecus afarensis
- Australopithecus garhi
- Australopithecus anamensis
- Homo erectus
- Homo sapiens idaltu atopáu Herto Bouri.
Referencies[editar | editar la fonte]
- ↑ «Middle Awash». About.com. Archiváu dende l'orixinal, el 1 d'ochobre de 2005. Consultáu'l 12 d'abril de 2006.
- ↑ Kipfer, Barbara Ann (2000). Encyclopedic Dictionary of Archaeology. New York, NY: Kluwer Acad./Plenum Publ.. ISBN 0-306-46158-7.
- ↑ Bogucki (1999). Origins of Human Society. Blackwell Publishing. ISBN 1-57718-112-3.
- ↑ 4,0 4,1 «Late Miocene hominids from the Middle Awash, Ethiopia». Consultáu'l 12 d'abril de 2006.
- ↑ 5,0 5,1 «Bimodal volcanism and rift basin development in the Middle Awash region, Ethiopia». Consultáu'l 12 d'abril de 2006.
- ↑ Borenstein, Seth. «New Fossil Links Up Human Evolution». The Associated Press. Consultáu'l 13 d'abril de 2006.
Enllaces esternos[editar | editar la fonte]
- «Middle Awash - Kalaloo Mbr.: Zanclian - Pleistocene, Ethiopia». The Paleobiology Database. Consultáu'l 16 d'abril de 2006.
Datos: Q499030