Auke Pattist

Auke Pattist
Vida
Nacimientu	Bilthoven, 9 d'ochobre de 1920
Nacionalidá	Reinu de los Países Baxos
Muerte	Uviéu, 21 de marzu de 2001 (80 años)
Oficiu	policía
Serviciu militar
Cuerpu militar	Schutzstaffel

Auke Bert Pattist (9 d'ochobre de 1920, Bilthoven – 21 de marzu de 2001, Uviéu) foi un criminal de guerra neerlandés. El so nomatu yera el verdugu de Drenthe.

Pattist yera oficial de policía n'Ámsterdam al entamu de la Segunda Guerra Mundial. Ellí tomó parte activa en redaes escontra xudíos escondíos. Xunióse a les SS y lluchó colos alemanes nel frente oriental. Más sero algamó la nacionalidá alemana. En 1944 tornó a los Países Baxos como oficial de les SS.

Foi mui activu nel pueblu d'Hollandscheveld, Drenthe, na búsqueda de xudíos y persones escondíes. Yera nomáu pol so tratu colos prisioneros, qu'incluyía frecuentes tortures y simulacros d'execución. Anque nun se sabe dafechu qu'Auke Pattist matara a nengún reclusu, foi consideráu responsable de la muerte de munchos de los sos reclusos. Depués de la guerra, Auke Pattist foi arrestáu y encarceláu. Por embargu, llogró escapar de la prisión d'Arnhem, Gelderland en 1946. Fuxó a Alemaña y acabó n'España en 1956. El dictador Franco concedió-y la ciudadanía. Mientres tantu, nos Países Baxos foi condergáu en rebeldía a cadena perpetua por agresión y traición. Per munchu tiempu, les autoridaes neerlandeses desconocíen el paraderu d'Auke Pattist hasta que l'historiador aficionáu Albert Metselaar, tamién de Drenthe, descubrió la so direición n'España. El cazador de nazis Simon Wiesenthal colocó a Auke Pattist na llista de criminales de guerra buscaos internacionalmente. Sicasí, les autoridaes españoles negáronse a extraditalu. Auke Pattist morrió en marzu de 2001 a la edá de 80 años na ciudá d'Uviéu, Asturies.

Enllaces esternos

• [1]
• "Beul van Drenthe" Auke Pattist (1994)
• Drentheindeoorlog.nl: Verzet en verraad Auke Pattist

• Datos: Q1961384