Atria (estrella)

De Wikipedia
Saltar a navegación Saltar a la gueta
Atria (estrella)
Ficha d'oxetu celesteAtria (estrella)
Triangulum Australe IAU.svg
Datos d'observación
Ascensión reuta (α) 252,166229507 °[1]
Declinación (δ) -69,027711847 °[1]
Magnitú aparente (V) 1,92 (banda V)
Magnitú absoluta -3,68
Constelación Triangulum Australe[3]
Velocidá radial -3 km/s[5]
Parallax 8,35 mas[1]
Carauterístiques físiques
Radiu 92,23 Radius solars
Masa 7 M☉
Otros nomes
Cambiar los datos en Wikidata

Coordenaes: Sky map 16h 48m 39.895s, -69° 1 39.763

Atria (Alfa Trianguli Australis / α TrA / HD 150798)[6] ye la estrella más brillosa de la constelación Triangulum Australe («El Triángulu Austral»), con una magnitú aparente de +1,91. El so nome ye una contraición de la so denominación de Bayer «Alpha Trianguli Australis».

Atria ye una xigante naranxa de tipu espectral K2II-III con una incierta temperatura superficial d'ente 3970 y 4400 K. A una distancia de 415 años lluz del Sistema Solar, tien un radiu aproximao 130 vegaes más grande que'l radiu solar. Si tuviera nel llugar del Sol la so superficie quedaría cerca de la órbita de Venus. Con rellación a la so estáu evolutivu, Atria yá escosó'l hidróxenu nel so nucleu y ta tresformando'l heliu en carbonu y oxíxenu. Con una masa d'unes 7 mases solares, tien una edá envalorada de 45 millones d'años.[7]

Anque paez ser una estrella solitaria, esisten dellos nicios qu'apunten escontra una posible compañera estelar. De primeres, Atria ta clasificada como una estrella de bariu. Piénsase qu'estes estrelles fueron contaminaes con elementos pesaos provenientes d'una compañera cercana, primeramente más masiva —y que, poro, evolucionó enantes— y qu'agora ye una nana blanca; esta compañera tresferiría parte de la so materia a la componente que güei vemos. De segundes, emite una cantidá importante de rayos X, que'l so orixe puede tar nuna compañera nueva de tipu solar.[7] Anque mientres enforma tiempu nun hubo evidencia observacional de tala compañera estelar, en 2007 el Telescopiu espacial Hubble atopó un oxetu tenue a una separación de 0,4 segundos d'arcu de la brillosa xigante. Piénsase que pue ser una nana mariella de tipu G0 asemeyáu al Sol.[8]

Referencies[editar | editar la fonte]

  1. 1,0 1,1 1,2 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2):  páxs. 653–664. doi:10.1051/0004-6361:20078357. 
  2. Afirmao en: SIMBAD.
  3. Afirmao en: VizieR. Llingua de la obra o nome: inglés.
  4. «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11):  páxs. 759–771. payares 2006. doi:10.1134/S1063773706110065. 
  5. «Radial velocities of fundamental southern stars» (n'inglés). Monthly Notices of the Royal Astronomical Society:  páxs. 609. 1958. doi:10.1093/MNRAS/118.6.609. 
  6. Alfa TrA -- Star (SIMBAD)
  7. 7,0 7,1 Atria (Stars, Jim Kaler)
  8. Ayres, Thomas R.; Brown, Alexander; Harper, Graham M. (2007). «α TrA Junior». The Astrophysical Journal 658 (2). pp. L107-L110. http://cdsads.u-strasbg.fr/cgi-bin/nph-bib_query?2007ApJ...658L.107A&db_key=AST&nosetcookie=1. 

Ver tamién[editar | editar la fonte]

Coordenaes: Sky map 16h 48m 39.895s, -69° 1 39.763