Asturianu normativu

De Wikipedia
(Redirixío dende Asturianu Normativu)

Col nome d'asturianu normativu conozse a tou aquel escritu fechu nún de los cuatro rexistros de calter normativu: La variedá oriental, la occidental, la central y l'asturianu estándar.

L'Academia de la Llingua Asturiana esmolecida poles estremaes variedaes de la llingua, y col enfotu de que se caltuvieren y siguieren amosando la so bayura terminolóxica y fonética, decidió afitar la diferencia de lo qu'asocede con otres llingües; una normativa pa cadún de los dialeutos del asturianu oriental, occidental y central amás de la normativa pal modelu estándar de llingua

Poro, escribir asturianu normativu, nun ye necesariamente facelo nel estándar, sinón que ye, únicamente, facelo acordies coles regles gramaticales y gráfiques de caduna de les variantes.

Rexistros normativos[editar | editar la fonte]

Norma, namái qu'hai una, pero ye flexible ya inclúi los estremaos dialeutos.

Rexistru d'asturianu central[editar | editar la fonte]

La normativa reconoz la metafonía, como principal rasgu del asturianu central y almite formes que seríen incorreutes nun asturianu estándar, como por exemplu ris por res o aforquéu por aforcáu. Tamién reconoz cambeos en dellos determinantes como Isti por Esti. Polo demás, nun suel haber muncha diferencia ente l'asturianu central y l'estándar, ya qu'esti últimu garra'l central como base.

Rexistru d'asturianu oriental[editar | editar la fonte]

Gráficamente la so particularidá reconocida, ye l'emplegu de la "ḥ" pa pallabres como ḥornu (fornu) o ḥoguera (foguera). Amás destaca l'emplegu de los pronomes personales qu'estremen dativu y acusativu: Diome y diomi envede l'únicu del estándar diome y, dacuando, la desapaición del xéneru neutru.

Rexistru d'asturianu occidental[editar | editar la fonte]

Gráficamente reconozse la "ḷḷ" y el so emplegu en pallabres que nel rexistru estándar nun taríen almitíes como ḷḷeite por lleche. Amás, reconócense y respétense les diptongaciones decrecientes "ei" y "ou" en pallabres como marchóu o ferreiru por ferreru. Amás del grupu it pa dellos casos que los otros rexistros del asturianu (incluyíu l'estándar) empleguen la ch, como nueite (por nueche). Respétase y reconozse tamién l'emplegu de los femeninos finaos n'-as asina como la desapaición del neutru de materia fináu n'-o propiu del estándar y del central.

Rexistru d'asturianu estándar[editar | editar la fonte]

L'estándar, pola so condición de talu, ye normativu dafechu. Pa más información sobro él mirar esti artículu sobro l'asturianu estándar

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]