Asturiana Mining Company

De Wikipedia
Saltar a: navegación, buscar

L'Asturiana Mining Company naz en 1998 de la mano del músicu/productor/promotor Michael Lee Wolfe. Los sos arreglos musicales y la presencia del gaiteru y cantante Berto Varillas van acabar formando parte de les señes d'identidá de la formación.

Biografía[editar | editar la fonte]

El resultáu de la búsqueda d'un camín ente'l folclor de los blues y la fecunda tradición asturiana, queda reflexada nel CD Patrimoniu, que sal nel añu 2000 y ye considerada una de les meyores grabaciones del movimientu folk. La voz y la gaita de Berto Varillas, premiu Macallan del añu 1988 nel Festival Intercéltico de Lorient, y la percusión de Manuel Cordero, conviértense nuna seña d'identidá de la formación. Aína la banda viaxa a festivales y son reconocíos como ún de los grupos más identificativos d'Asturies.

Pero AMC noun ye namás una banda sinon tamién un taller d'idees y d'aprendizaxe del que surden varios proxectos nos que la música asturiana fúndese con otres tradiciones ya idees orixinales. En 2002 cuatro miembros de AMC saquen el CD Tradición, baxo'l nome d'Ástura, dexando la puerta abierta a nuevos proxectos al traviés d'una formación de bandina tradicional.

En 2004 AMC pon música al espectáculu Nel Camín, basáu en temes asturianos relacionaos col Camín de Santiagu, nel que collaboren cantadores de tonada asturiana como Liliana Castañón, Urbano Prieto y Anabel Santiago. D'esti espectáculu lleguen a facese 25 representaciones per tola xeografía asturiana. Dellos de los temes que lu integraben fueron grabaos posteriormente por Anabel Santiago y pola propia Asturiana Mining Company.

A partir d'esti momentu iníciase la collaboración con Anabel Santiago, a la que AMC va acompañar durante cinco años. El frutu d'esta collaboración son tres grabaciones: Anabel Santiago canta a Diamantina Rodríguez, consideráu pola crítica ún de los meyores discos de canción asturiana de la década; Torner, acercando al gran públicu la belleza y diversidá del so Cancionero; y Desnuda, nel qu'Anabel Santiago ofrecía la so vertiente más pop.

El trabayu Torner acabó convirtiéndose nun espectáculu del mesmu títulu y que, como ya sucediera con Nel Camín, llevóse per toa Asturias y diverses localidaes d'España. Colos años, esti trabayu acabó por convertise nuna cita obligada de la música folk asturiana y na meyor referencia del folk sobre la obra del músicu y folklorista Eduardo Martínez Torner.

Tien de destacase, igualmente, la collaboración de l'Asturiana Mining Company nes películes Pídele cuentas al Rey, de la qu'esiste CD de la so banda sonora, y Cenizas del Cielo, dambes del director José Antonio Quiros.

2011 arrancó con una actuación estelar de l'Asturiana Mining Company como soporte musical de tola gala de Nueche Vieya en TPA, que vieron en Asturies más de cien mil espectadores, dientro del programa SONES, el de mayor audiencia de la televisión autonómica.

El títulu del so últimu trabayu ye Sones por Berto Velasco, en memoria del más importante luthier de gaites asturianes y padre del cantante Berto Varillas. La so canción Si nun conoces Val.louta resultó ganadora del Premiu al Meyor Cantar, na edición del añu 2012, convocáu pola Conseyería d'Educación, Cultura y Deporte del Principáu d'Asturies. La canción, compuesta por Macu González básase nel ritmu tradicional del son d'arriba. Esta mesma canción recibió'l Premiu del Públicu del festival Liet International de 2012. Y el grupu el Premiu de la Crítica RPA al Meyor Grupu del Añu 2012.

Discografía, Filmografía y Espectáculos[editar | editar la fonte]

Añu Película
2000 CD Patrimoniu
2001 CD BSO Pídele cuentas al Rey, música orixinal de Juan Carlos Cuello
2002 CD Tradición, como Ástura
2004 Nel Camín
2005 CD Anabel Santiago canta a Diamantina Rodríguez, con Anabel
2005 CD Torner, como Ástura
2007 CD Desnuda, con Anabel
2009 BSO Cenizas del cielo
2011 CD Sones por Berto Velasco

Enllaces esternos[editar | editar la fonte]

Notes[editar | editar la fonte]