AsturianUS
AsturianUS  | |
|---|---|
| Datos | |
| Títulu orixinal | AsturianUS (es) |
| Xéneru | documental |
| País d'orixe | España |
| Estrenu | 2006 |
| Duración | 52 min |
| Ficha téunica | |
| Direición | Luis Argeo |
| Guión | Luis Argeo |
| Enllaces esternos | |
 | |
AsturianUS ye un documental de 2006 con dirección y guión de Luis Argeo qu’aborda’l tema de la emigración asturiana a los Estaos Xuníos. Ye parte de la filmografía del Nuevu Cine Asturianu.
Argumentu
[editar | editar la fonte]Cuenta la historia de la emigración de trabayadores asturianos de la Real Compañía Asturiana de Mines (RCAM) d’Arnao (Asturies) hacia Virxinia Occidental (EE.XX.) a principios del sieglu XX, depués de zarrase la factoría n’Asturies. Céntrase na comunidá de Spelter, onde’l 90% de la población yeren inmigrantes asturianos, y la llucha de los sos descendientes por caltener raigones y memoria.[1][2]
Producción
[editar | editar la fonte]Les principales llocalizaciones del documental son Castrillón (Asturies), concretamente los llugares d’Arnao y Piedrasblancas, y el Condáu de Harrison en Virginia Occidental (EE.XX.), nos llugares d’Anmoore o Spelter arriendes de Donora en Pensilvania.[1][3]
Información complementaria
[editar | editar la fonte]La película destácase por abordar el tema de la emigración, un aspectu de la historia sociopolítica asturiana que, anque de permuncha importancia, foi menos esploráu por otros direutores d’esti movimientu cinematográficu. La obra compensa lo escaso d’esta temática al enfocase na diáspora y la conexón histórica entre Asturies y los Estaos Xuníos.
Presencia en festivales
[editar | editar la fonte]El documental presentóse na 44ª edición del Festival Internacional de Cine de Xixón (FICX) en payares de 2006, na sección Esbilla. Más llueu participó nel Concursu Européu de Documentales del Festival de Cine de Huesca en xunu de 2007.[1]
Reacciones
[editar | editar la fonte]A pesar de la so importancia nel desarrollu históricu del país, la emigración ye un tema poco tratáu polos directores del Nuevu Cine Asturianu. Esta escasez vese compensada en parte pol esfuerciu creativu d’otru de los nomes referenciales del movimientu, Luis Argeo (Piedrasblancas 1975), que dende la so primer película, AsturianUS (2006), centra la so mirada cinematográfica na emigración asturiana –en títulos posteriores tamién española– nos Estaos Xuníos. Naquella primer película, una noticia mayor pal cine asturianu, recuperaba la historia de los trabayadores de la Real Compañía de Mines d’Arnao (Castrillón) qu’al principiu del sieglu XX emigraron pa Virxinia Occidental y Pensilvania, nos EE.XX. Argeo busca en pueblos escaecíos del cinturón industrial norteamericanu a los descendientes d’aquellos obreros del zinc que va pa más d’un sieglu quixeron participar del suañu americanu y, al tiempu, intentaron caltener los sos raigones asturianos, les sos tradiciones. Nun escaecer, anque yá fueren ciudadanos norteamericanos dafechu, el requexu nel mundu del que salieron y al que, de dalguna manera, quieren siguir perteneciendo, señala Ramón Lluís Bande sobre el documental y el autor.[4]
Referencies
[editar | editar la fonte]- 1 2 3 El guionista asturiano Luis Argeo presenta en mayo en Madrid el documental 'AsturianUS' Europa press
- ↑ AsturianUS, Filmaffinity
- ↑ «Destino:América. Ciclo de cine relacionado con la diáspora asturiana a EE. UU Archiváu 2025-12-23 en Wayback Machine.». Casa de Piedra. 28 de junio de 2023. Consultado el 11 de noviembre de 2025.
- ↑ Ramón Lluís (2020). Libros Asturianos 123, ed. «Como una familia ensin álbum de fotografíes. Una mirada a un cine nacional asturianu posible». Lletres Asturianes, (123), 197–213. Lletres Asturianes, (123), 197–213. Retrieved from https://reunido.uniovi.es/index.php/Lletres/article/view/15639
| Control d'autoridaes |
|
|---|
Datos: Q136762144