Astérix en Britania
| Astérix en Britania | ||
|---|---|---|
| Astérix chez les bretons | ||
| Publicación | ||
| Formatu | Álbum d'historietes | |
| Primer edición | N'álbum: 1966 | |
| Editorial | Hachette Livre | |
| Nº páxines | 48, a color | |
| ISBN | 978-2-01210-140-1 | |
| Conteníu | ||
| Tradición | Franco-belxicana | |
| Xéneru | Cómicu | |
| Direición artística | ||
| Guionista(es) | René Goscinny | |
| Dibuxante(s) | Albert Uderzo | |
| Serie | ||
| Coleición | Astérix el Galu | |
| Númberu | 8 | |
| Numberación | 37 | |
| Volume anterior | Le combat des chiefs | |
| Volume siguiente | Astérix et les Normands | |
| Sitiu web | ||
| [editar datos en Wikidata] | ||
Astérix en Britania (Astérix chez les bretons nel orixinal francés) ye l'álbum octavu de la serie d'Astérix el Galu creada por René Goscinny y Albert Uderzo. La versión n'asturianu asoleyó en 1992, cola traducción de Xosé Antón González Riaño, de manes de la Editorial Grijalbo-Dargaud, distribuyida por Alborá Llibros.
Argumentu[editar | editar la fonte]
Xuliu César conquistó tola Britania, quitando un pequeñu pueblín qu'aguanta al invasor, pero estos guerreros cansaos van perdiendo y deciden mandar a Guaputórax, primu hermanu d'Astérix, a consiguir daqué de fervíu máxicu y traelo pa la resistencia inglesa.
Panorámix prepára-y un enorme barril enllenu de poción, y como ta tou bien tranquilu na Galia, Astérix y Obélix van con elli. Nel camín ataquen a una embarcación romana y los romanos entérense del so propósitu, polo que tornen y ponen a la ciudá n'alerta. Sabiendo que taríen abellugaos nun albergue, pero ensin saber en cuál, decídese confiscar toles barriques de vinu de la ciudá, pa consiguir tamién el del fervíu.
Astérix y Obélix llogren infiltrase nel palaciu, pero como tán presentes toles barriques de la ciudá, pa nun arriesgase a quedar enforma tiempu ende, marcharon con toles barriques del so alberguista confiscaos pa investigar depués cuál ye'l correutu. Asina y too, un lladrón roba la so carreta, que viende'l vinu perdayures. N'alcontrándolu empiecen a rastrexar ún por ún les barriques, y finalmente acaben nun partíu de rugbi. Pero al intentar escapar con ella, los romanos ataquen y llogren destruyir la barrica. El so conteníu piérdese nel ríu.
De vuelta na aldega, Astérix toma unes fueyes que Panorámix consiguió nun país alloñáu y asegura que va crear el fervíu. En realidá, yeren unes cencielles fueyes de té, pero motiva a los guerreros britanos lo suficiente como pa ganar a los romanos.
Homenaxes[editar | editar la fonte]
- The Beatles apaecen como un esitosu grupu de bardos británicos que vuelve lloques a les adolescentes del país.
- La vistimienta qu'usa l'equipu de Camulodunum (nome romanu de l'actual ciudá inglesa Colchester) ye asemeyada a la camiseta del equipu de fútbol local Colchester United.
Rellaciones con otros álbumes[editar | editar la fonte]
Namái seis britanos tomaron el fervíu máxicu del druida Panorámix. Estos fueron Guaputórax y Ipipúrrax (xugador de Camulodunum) n' Astérix en Britania, y Guaputórax (otra vuelta), Bigbos, Otorrinollaringológix, Mac Anuterápix y Relax n' Astérix en Córcega.
