Asociación de Baille y Danza Tradicional Filandón

Asociación de Baille y Danza Tradicional Filandón
	agrupación musical (es)
Historia
Fundación	1999

Col nome d'Asociación de Baille y Danza Tradicional Filandón constituíse per tiempu indefiníu nel conceyu d'Uviéu una asociación con capacidá xurídica y plena capacidá d'obrar ensin ánimu de provechu.

L'Asociación de Baille y Danza Tradicional "Filandón", foi creada nel añu 1999 n'Uviéu, cola fin d'esparder el patrimoniu etnográficu de la nuesa rexón. Forma parte de la Federación Asturiana d'Agrupaciones Folclóriques (FAFA).

El Grupu cunta con un bayurosu repertoriu de bailles de toa Asturies, a lo suelto (xotes, muñeires, bailles corríos...), a lo agarrao (polkes, pasudobles, valses...), y dances de rueda, toos ellos tocaos con instrumentos tradicionales y voz.

Actividaes[editar | editar la fonte]

Les actividaes que realiza el grupu son:

- Muestra de Folclor

Exhibición de bailles, dances, ofrendes, ramos, tonada, etc., con traxes y instrumentos tradicionales

- Equipu d'investigación

Dedicáu a la busca y recobramientu exhaustivu y fidedignu de tradiciones, bailles y sones carauterísticos de los pueblos asturianos

- Xuegos tradicionales

Entamen xeres con xuegos tradicionales pa neños, como'l cascayu, la comba, el zapatu,... y tamién pa los mayores, como la rana, los zancos, el tiru cuerda, etc.

- Escuela de baille, danza y instrumentos

Onde participa xente de toles edaes, dende los cinco años n'adelante.

Actuaciones[editar | editar la fonte]

Dende l'añu 2000 el Grupu vien realizando delles actuaciones: N'Asturies: ente otres na Vaqueirada d'Aristébanu, Mercáu Tradicional de Porrúa, Folclor na Cai (Uviéu),... Fuera d'Asturies: en ciudaes como Zaragoza, Madrid, Vitoria, Lleón,... Ruurlo (Holanda) y Lorient (Bretaña)

Referencies[editar | editar la fonte]

Enllaces esternos[editar | editar la fonte]

Web oficial del Grupu Filandón