Askella

De Wikipedia
Saltar a navegación Saltar a la gueta
Ficha d'oxetu celesteAskella
Datos d'observación
Ascensión reuta (α) 285,653042656 °[1]
Declinación (δ) −29,880063301 °[1]
Magnitú aparente (V) 2,585 (banda V)
Constelación Saxitariu[3]
Velocidá de rotación 68,9 km/s[4]
Velocidá radial 24,7 km/s[5]
Parallax 36,98 mas[1]
Radiu 3,27 Radius solars
Tipu espectral A2.5Va[6]
Otros nomes
Cambiar los datos en Wikidata

Coordenaes: Sky map 19h 2m 36.73s, -29° 52 48.228

Askella o Ascella (ζ Sagittarii / ζ Sgr / 38 Sagittarii) ye una estrella de la constelación de Saxitariu de magnitú aparente +2,60.[7] Ye la tercera más brillosa de la constelación detrás de Kaus Australis (ε Sagittarii) y Nunki (σ Sagittarii). El so nome provién del llatín y significa «axila», n'alusión a la so posición nel cuerpu del guerreru.

A 89 años lluz de distancia del Sistema Solar, Askella ye una estrella binaria que les sos dos componentes son de tipu espectral A. La estrella principal ta catalogada como una xigante blanca de tipu espectral A2III[8] y 9000 K de temperatura. La so lluminosidá ye 31 vegaes mayor que la del Sol, con una masa de 2,2 mases solares.[9]

La componente secundaria ta catalogada como una subxigante de tipu A2IV[8] daqué más fría que la so compañera con una temperatura de 8500 K. 26 vegaes más lluminosa que'l Sol, tien una masa de 2,1 mases solares. Estos parámetros físicos indiquen qu'en realidá dambes estrelles son estrelles blanques de la secuencia principal, non xigantes nin subxigantes.[9] Con una separación media ente elles de 13,4 UA —que bazcuya ente 10,6 y 16,1 UA pola escentricidá de la órbita—, el periodu orbital del sistema ye de 21,14 años.[9]

Una tenue compañera de magnitú +9,8, denominada Askella C, alcuéntrase visualmente a 75 segundos d'arcu de la primaria. Desconozse si forma realmente parte del sistema estelar, o, lo que ye más probable, ta alliniada al azar.

Referencies[editar | editar la fonte]

  1. 1,0 1,1 1,2 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2):  páxs. 653–664. doi:10.1051/0004-6361:20078357. 
  2. «Catálogo Tycho-2». Astronomy and Astrophysics:  páxs. 27–30. 2000. 
  3. Afirmao en: VizieR. Llingua de la obra o nome: inglés.
  4. «Accurate stellar rotational velocities using the Fourier transform of the cross correlation maximum» (n'inglés). Astronomy and Astrophysics:  páxs. A143. xunetu 2011. doi:10.1051/0004-6361/201016386. 
  5. «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11):  páxs. 759–771. payares 2006. doi:10.1134/S1063773706110065. 
  6. «Contributions to the Nearby Stars (NStars) Project: Spectroscopy of Stars Earlier than M0 within 40 pc--The Southern Sample» (n'inglés). The Astronomical Journal (1):  páxs. 161–170. 2 xunu 2006. doi:10.1086/504637. 
  7. CCDM J19026-2953AB -- Double or multiple star (SIMBAD)
  8. 8,0 8,1 Ascella (The Bright Star Catalogue)
  9. 9,0 9,1 9,2 Ascella (Stars, Jim Kaler)

Coordenaes: Sky map 19h 2m 36.73s, -29° 52 48.228