Asconio

De Wikipedia
Saltar a navegación Saltar a la gueta
Asconio
Vida
Nacimientu Padua9 e. C.
Nacionalidá Antigua Roma
Fallecimientu

Roma76

(83/84 años)
Estudios
Llingües llatín
Oficiu
Oficiu escritor
Cambiar los datos en Wikidata
Asconio

Quintu Asconio Pediano (h. 9 e.C.- h. 76 d. C.), foi un gramáticu y historiador romanu, probablemente natural de Patavium (Padua).

Nos sos últimos años moró en Roma, y ellí morrió, dempués d'haber estáu ciegu mientres doce años, con 85 años d'edá. Mientres los reinaos de Claudiu y Nerón compiló para los sos fíos, de diverses fontes -- p.y. les Gacetes (Aetablica), informes taquigráficos o esbozos (commentarii) de los discursos inéditos de Cicerón, la biografía de Cicerón escrita por Tirón, discursos y cartes de contemporaneos de Cicerón, dellos escritores históricos, p.y. Varrón, Áticu, Antias, Tuditano y Fenestela (un contemporaneu de Livio a quien él de cutiu critica) -- comentarios históricos sobre los discursos de Cicerón, de los que namái se caltienen cinco, esto ye, in Pisonem, pro Scauro, pro Milone, pro Cornelio y in toga candida, nuna edición bien tullida, sol títulu modernu Q. Asconii Pediani Orationvm Ciceronis qvinqve enarratio.

Nuna nota sobre'l discursu pro Scauro, fala de Longo Cecina (m. 57 d. C.) como daquién qu'entá vive, ente que les sos pallabres impliquen que Claudio (m. 54 d. C.) yá nun vivía. Esta afirmación, poro, tien de escribise ente l'añu 54 y el 57. Estes notes pervalibles, escrites en bon llatín, refiérense principalmente a temes históriques y antiguos. Un comentariu, de cimera llatinidá y principalmente d'un calter gramatical, sobre les oraciones Verrinas de Nerón, ta considerada universalmente como espurio.

Poggio atopó dambes obres nun manuscritu en San Galu en 1416. Esti manuscritu perdióse, pero fixeron trés trescripciones, por Poggio, Zomini (Sozómeno) de Pistoia y Bartolommeo da Montelciano. La de Poggio alcuéntrase anguaño en Madrid (Matritensis X. 81), y la de Zomini ta na biblioteca Forteguerri de Pistoia (nᵘ 37). Una copia de la trescripción de Bartolommeo esiste en Florencia (Laur. 5). Los manuscritos posteriores deriven de la copia de Poggio.

Otres obres atribuyíes a Asconio fueron:

  • una vida de Salustio
  • una defensa de Virxiliu contra los sos detractores
  • un tratáu (quiciabes un simposio asonsañando a Platón) sobre la salú y la vida llarga.

Referencies[editar | editar la fonte]

Ediciones por
Ver tamién

Enllaces esternos[editar | editar la fonte]