Asamblea Cimera del Pueblu

De Wikipedia
Saltar a navegación Saltar a la gueta
Asamblea Suprema del Pueblu
최고인민회의
Supreme People's Assembly of the DPRK.svg
Datos Xenerales
País Bandera de Corea del Norte Corea del Norte
Tipu Unicameral
Lideralgu
Presidente Choe Ryong-hae, Partíu del Trabayu de Corea
Estructura
Miembros 687
Supreme People's Assembly Korea.svg
Grupos representaos      PTC (607)
     PSDC (50)
     Chong-o (22)
     Independientes y partíos menores (8)
Sedes
Mansudae Assembly Hall.JPG
[editar datos en Wikidata]

L'Asamblea Suprema del Pueblu (en coreanu, con alfabetu hangul, 최고인민회의, treslliteráu como Choego Inmin Hoe-ui) ye'l parllamentu unicameral de Corea del Norte.

Ta formada por un diputáu por caúna de les 687 circunscripciones del país, que ye escoyíu por un periodu de cinco años. El Partíu del Trabayu de Corea tien la mayoría de los escaños nel órganu llexislativu nacional. L'asamblea ta presidida por Kim Yong-Nam.[1]

Magar que l'asamblea ye'l principal órganu llexislativu de Corea del Norte sueli delegar l'autoridá nun grupu más amenorgáu ya influyente, el Presidium, escoyíu d'ente los sos miembros.

Composición[editar | editar la fonte]

Na actualidá la composición de l'Asamblea ye de 687 escaños, 607 ocupaos pol Partíu del Trabayu de Corea, 50 pal Partíu Socialdemócrata de Corea, 22 pal Partíu Chondoísta Chong-o y 8 escaños pa políticos independientes.[2] Los trés partíos son aliaos ya integren el Frente Democráticu pa la Reunificación de la Patria.[3]

Na décima sesión de l'Asamblea en xunetu de 1998 se evidenció un aumentu del poder del Exércitu Popular de Corea, yá que s'escoyeron 101 delegaos militares sobre un total de 687. Una diferencia considerable al respective de los 57 militares escoyíos na anterior sesión, en 1990.

Kim Yong-Nam foi presidente del Presidium de l'Asamblea y, de facto, cabeza del gobiernu de Corea del Norte dende 1998. Choe Thae-bok ye'l presidente de l'Asamblea en sí y Yang Hyong-sop y Kim Young-dae son el vicepresidentes de la mesma.[4]

Funcionamientu y funciones[editar | editar la fonte]

Acordies con la Constitución de Corea del Norte adoptada en 1972 l'Asamblea Popular Suprema ye l'órganu más altu de gobiernu del país asiáticu. L'Asamblea convoca una o dos veces al añu en sesiones de dellos díes, el periodu de tiempu que pasa axuntada l'Asamblea ye'l más curtiu de nengún Parllamentu.[ensin referencies] L'Asamblea suel convertir en llei les propuestes del gobiernu mientres les sos sesiones ensin apenes cambeos nin alderique.[5] Ente que l'Asamblea nun ta axuntada, el Presidium cumple la función de poder llexislativu. Pueden igualmente tener lugar sesiones estraordinaries en casu de que les convoque'l Presidium o un terciu de los diputaos.

Les funciones de l'Asamblea son:

  • Adoptar, enmendar y completar lo promulgao na Constitución. Estes enmiendes riquen ser aprobaes por más de dos tercios del númberu total de diputaos.[6]
  • Determinar les polítiques estatales y los presupuestos.
  • Escoyer el presidente, vicepresidente y los miembros de la Comisión Nacional de Defensa de Corea del Norte.
  • Escoyer al presidente y a los miembros del Presidium.
  • Escoyer un Presidente, Vicepresidente y otros miembros del Gabinete.
  • Recibir informes d'asuntos llegales.[6]

Presidium[editar | editar la fonte]

El Presidium de l'Asamblea ye'l más eleváu órganu de poder de Corea del Norte. Mientres los periodos nos que l'asamblea nun ta axuntada recai sobre ésti tol exerciciu del poder llexislativu. Esto, na práutica, abarca práuticamente tol añu. Kim Yong-nam ye l'actual presidente del Presidium.[4]

El Presidium consta d'un Presidente, dellos vicepresidentes, secretarios y otros miembros. Les funciones del Presidium son:[6]

  • Afitar les sesiones de l'Asamblea Suprema Popular.
  • Esaminar y aprobar nueves lexislaciones estatales cuando l'Asamblea nun ta axuntada.
  • Interpretar la Constitución del país.
  • Formar o eslleir los ministerios del gobiernu.
  • Supervisar les lleis de los órganos del estáu.
  • Entamar les eleiciones a l'Asamblea.
  • Ratificar los trataos con otros países.
  • Nomar, treslladar o cesar del so puestu a los xueces o funcionarios cuando l'Asamblea nun ta axuntada.
  • Otorgar perdones especiales o anmistías.

Ver tamién[editar | editar la fonte]

Referencies[editar | editar la fonte]

  1. «Corea». Espansión. Consultáu'l 21 de payares de 2015.
  2. Association of Secretaries Xeneral of Parliaments
  3. (2008) Guía del Mundu 2009. IEPALA Editorial, 192. Consultáu'l 13 de xunu de 2013.
  4. 4,0 4,1 Dae-woong, Jin (4 d'ochobre de 2007). Who's who in North Korea's power elite. The Korea Herald. http://web.archive.org/web/http://www.koreaherald.co.kr:8080/servlet/cms.article.view?tpl=print&sname=National&img=/img/pic/ico_nat_pic.gif&id=200710040041. Consultáu 'l 5 d'ochobre de 2007. 
  5. «Inside North Korea's Supreme People's Assembly» (inglés). The Guardian (22 d'abril de 2014). Consultáu'l 21 de payares de 2015.
  6. 6,0 6,1 6,2 Europa Publications Staff. (2002). The Far East and Australasia 2003. Routledge. pp. 680. ISBN 978-1-85743-133-9

Enllaces esternos[editar | editar la fonte]


Asamblea Suprema del Pueblo