Artículos de Fe

De Wikipedia
Mormonismu
Esti artículu forma parte de la serie
Mormonismu
Hestoria

Primera Visión
Crisis de socesión
Guerra mormona
Pioneros mormones
Estáu de Deseret
Lexón Nauvoo
Batallón Mormón

Denominaciones

Ilesia de Xesucristu de los Santos de los Últimos Díes
Ilesia Fundamentalista de Xesucristu de los Santos de los Últimos Díes
Comunidá de Cristo
Ilesia de Cristo (Terrén del Templu)
Ilesia de Xesucristu (Bickertonita)
Ilesia de Xesucristu (Cutlerita)
Ilesia de Xesucristu de los Santos de los Últimos Díes (Strangita)

Escritures

Biblia
Llibru del Mormón
Doctrina y Convenios
Perlla de Gran Preciu

Tamién

Mormonismu y violencia
Mormonismu y poligamia
Mormonismu y homosexualidá

En 1851 pidióse-y a Joseph Smith qu'esplicara les enseñances y les práutiques del mormonismu. John Wentworth, editor del periódicu Chicago Democrat, pidió una reseña del surdimientu, del progresu, de les persecuciones y de la fe de los Santos de los Últimos Díes. El señor Wentworth, ñacío nel estáu de New Hampshire, deseaba esa información p'axudar a un amigu a compilar una hestoria del so estáu. Joseph aportó a esa solicitú y unvió-y al señor Wentworth un documentu de delles páxines que conteníen un rellatu de los primeros acontecimientos de la hestoria de la Restauración. El documentu tamién contenía trelce esposiciones nes que se reseñaben les creyencies de los Santos de los Últimos Díes, les que llegaron a conocese como los “Artículos de Fe". La información unvióse al señor Wentworth, que nun publicó nel Chicago Democrat, sinón nel periódicu de la Ilesia Times and Seasons, en marzu de 1842. En 1851, los Artículos de Fe incluyéronse na primer edición de la Perlla de Gran Preciu que se publicó na Misión Británica. Dempués que la Perlla de Gran Preciu, fízose una revisión en 1878 y pasó a formar parte de los llibros canónicos en 1880, los Artículos de Fe pasaron a ser doctrina oficial de la Ilesia.

Les creyencies de los miembros de La Ilesia de Xesucristu de los Santos de los Últimos Díes tán resumíes en 13 artículos:

1.- Nós creemos en Dios l'Eternu Padre, y nel so Fíu Xesucristu y nel Espíritu Santu.

2.- Creemos que los homes sedrán castigaos polos sos propios pecaos y non pola tresgresión d'Adán.

3.- Creemos que pola Espiación de Cristo, tol xéneru humanu puede salvase, pente medies de la obediencia a les lleis y ordenances del Evanxeliu.

4.- Creemos que los primeros principios y ordenances del Evanxeliu son: primeru, Fe nel Señor Xesucristu; segundu, Arrepentimientu; terceru, Bautismu por inmersión pal perdón de los pecaos; cuartu, Imposición de manes pa comunicar el don del Espíritu Santu.

5.- Creemos que l'home ha ser llamáu por Dios, por profecía y la imposición de manes, por aquellos que tienen l'autoridá, con cuenta de que pueda predicar l'Evanxeliu y alministrar les sos ordenances.

6.- Creemos na mesma organización qu'esistió na Ilesia Primitiva, esto ye, apóstoles, profetes, pregueros, maestros, evanxelistes, etc.

7.- Creemos nel don de llingües, profecía, revelación, visiones, sanidaes, interpretación de llingües, etc.

8.- Creemos que la Biblia ye la pallabra de Dios hasta onde tea traducida correutamente; tamién creemos que'l Llibru del Mormón ye la pallabra de Dios.

9.- Creemos tolo que Dios reveló, tolo qu'anguaño revela, y creemos qu'entá revelará munchos grandes y importantes asuntos perteneciente al reinu de Dios.

10.- Creemos na congregación lliteral del pueblu d'Israel y na restauración de les Diez Tribus; que Sión (la Nueva Xerusalén) será edificada sobro'l continente americanu; que Cristo reinará personalmente sobro la tierra, y que la tierra será anovada y recibirá la so gloria paradisiaca.

11.- Reclamamos el derechu d'adorar a Dios Toupoderosu conforme a los dictaos de nuestra mesma concencia, y concedemos a tolos homes el mesmu privilexu: qu'adoren cómo, aú o lo que deseen.

12.- Creemos en tar suxetos a los reis, presidentes, gobernantes y maxistraos; n'obedecer, honrar y sostener la llei.

13.- Creemos en ser honraos, verídicos, castos, benevolentes, virtuosos y en faer el bien a tolos homes; en verdá, podemos dicir que siguimos el conseyu de Pablo: Tolo creemos, tolo esperamos; sufrimos munches coses, y esperamos poder sufrir toles coses. Si hai daqué virtuoso, o bello, o de bona reputación, o digno d'allabancia, a esto aspiramos.

Referencies[editar | editar la fonte]

Enllaces esternos[editar | editar la fonte]