Arrhenius
Svante August Arrhenius (19 de febreru de 1859, Balingsta församling - 2 d'ochobre de 1927, Estocolmu) foi un científicu (orixinalmente físicu y más sero químicu) y profesor suecu qu'algamó'l Premiu Nobel de Química de 1903 pola so contribución al desarrollu de la química colos sos experimentos nel campu de la disociación electrolítica.
Biografía[editar | editar la fonte]
Svante August Arrhenius nació'l 19 de febreru de 1859 na ciudá de Vik, asitiada nel condáu de Sogn og Fjordane. So padre y so madre fueron Svante Gustav y Carlonia Thunberg Arrhenius. Los sos allegaos llamábenlu "el curciu" na so mocedá, yá que debío a un accidente a temprana edá tuvo problemes pa caminar hasta los 20 años. Usaba zapatos con plataforma que disimulaben esa condición.
Investigaciones científiques[editar | editar la fonte]
En 1884 Arrhenius desarrolló la teoría de la esistencia del ión, ya predichu por Michael Faraday en 1830, a través de la electrólisis.
Siendo estudiante, cuando preparaba'l doctoráu na universidá d'Uppsala, investigó les propiedaes conductores de les disoluciones electrolítiques, que formuló na so tesis doctoral. La so teoría afirma que nes disoluciones electrolítiques, los compuestos químicos disueltos disóciense n'iones, manteniendo la hipótesis de que'l grau de disociación aumenta col grau de dilución de la disolución, que resultó ser cierta sólo pa los electrolitos débiles. Creyendo qu'esta teoría yera errónea, aprobaron-y la tesis cola mínima calificación posible. Esta teoría foi oxetu de munchos ataques, especialmente por lord Kelvin, viéndose sofitada por Jacobus Van't Hoff, en cuyu llaboratoriu trabayara como becariu estranxeru (1886-1890), y por Wilhelm Ostwald.
| Predecesor: Hermann Emil Fischer |
Premiu Nobel de Química 1903 |
Socesor: William Ramsay |
| Predecesor: George Downing Living |
Medalla Davy 1902 |
Socesor: Pierre Curie y Marie Curie |
|
