Arita Baaijens

De Wikipedia
Saltar a navegación Saltar a la gueta
Arita BaaijensPicto infobox character.png
Vida
Nacimientu

Ede1956

(62/63 años)
Nacionalidá Bandera de Países Baxos Reinu de los Países Baxos
Oficiu
Oficiu esploradora, fotógrafa, bióloga y escritora
Cambiar los datos en Wikidata

Arita Baaijens (1956Ede) ye una esploradora, escritora, fotógrafa y bióloga neerlandesa. Foi la primer muyer en travesar en solitariu l'ermu oeste d'Exiptu en camellu, viaxar pol Darb el Arbain en dos causes y fotografiar les últimes muyeres supervivientes nómades en Mauritania.[1]

Afincada n'Ámsterdam, dexó'l so trabayu como consultora medioambiental pa viaxar a Exiptu y Sudán, que los sos ermos percorrió en camellu.[2] Con 22 años vivió n'Israel y visitó el Sinaí, desiertu que-y dexó una gran buelga y onde se quedó más tiempu del entamáu.

Ye miembru de la Royal Geographical Society, el Explorers Club, el Long Riders Guild y la WINGS WorldQuest.

A partir de los sos viaxes, publicó dellos llibros, unu de los cualos "Desert Songs" foi premiáu en 2008.[1][3] En 2014 ganó'l premiu Women of Discovery Humanity qu'otorga la WINGS WorldQuest en reconocencia y sofitu a muyeres que destaquen na ciencia y l'esploración.[4][5] Esi mesmu añu, la Sociedá Xeográfica Española concedió-y el galardón "Viaxeru del añu".[6]

Espediciones[editar | editar la fonte]

Mientres más de 15 años percorrió los desiertos d'Exiptu y Sudán, cuasi siempres en solitariu, acompañada d'una pequeña caravana de camellos, sirviéndose de ferramientes d'orientación básiques como un compás y un mapa.[1]

Dempués d'estes cuasi dos décades viaxando peles ciudaes del desiertu, escoyó Siberia y el Macizu de Altái, fronterizu con Rusia, Kazakstán, China y Mongolia, pa buscar el Shambhala, reinu míticu más allá del cordal del Himalaya. Esta espedición de más 100 díes percorriendo una distancia de más de 1500 kilómetros foi bautizada como "Search for Paradise".[2]

Referencies[editar | editar la fonte]

Enllaces esternos[editar | editar la fonte]


Arita Baaijens