Ariane 4
| Ariane 4 | ||||
|---|---|---|---|---|
rocket series (en)  | ||||
|
expendable launch vehicle (en) , three-stage-to-orbit (en) y medium-lift launch vehicle (en) | ||||
 | ||||
| Información | ||||
| Fabricante |
Aérospatiale Airbus | |||
| Parte de | Ariane (cohete) | |||
| Historia | ||||
| Operadores |
| |||
| ||||
 | ||||
L'Ariane 4 foi un llanzador espacial européu de la familia Ariane, utilizáu ente 1988 y 2003. Desenvolvióse pola Axencia Espacial Europea (ESA) como evolución de los Ariane 1, Ariane 2 y Ariane 3, y convirtióse nel principal llanzador comercial européu de les décades de 1980 y 1990.[1]
El primer vuelu realizóse'l 15 de xunu de 1988 y colocó n'órbita los satélites Meteosat P2 y PanAmSat 1. El Ariane 4 introdució una primera etapa allargada, una estructura adautada a distintos tipos de propulsores auxiliares y un sistema de llanzamientu doble que permitía colocar dos satélites nuna mesma misión. Llegó a comercializase en seis configuraciones diferentes, con capacidaes de carga a órbita de tresferencia xeostacionaria d'ente unes 2 y 4,9 tonelaes.
Les distintes versiones diferenciábense pol númberu y tipu de propulsores auxiliares sólidos o líquidos. Esta modularidá permitía adaptar el llanzador a la masa y les carauterístiques de cada carga útil. L'Ariane 4 foi especialmente utilizáu pa satélites de telecomunicaciones, pero tamién pa misiones d'observación de la Tierra y investigación científica.
En total realizáronse 116 llanzamientos d'Ariane 4, de los que 113 tuvieron ésitu. El caberu vuelu tuvo llugar el 15 de febreru de 2003. El so altu grau de fiabilidá y la so actividá comercial contribuyeron a convertir a Arianespace nuna de les principales compañíes del mercáu mundial de llanzamientos de satélites. Foi sustituyíu pol Ariane 5.[2]
Ver tamién
[editar | editar la fonte]Referencies
[editar | editar la fonte]- ↑ History of the Ariane workhorse, Axencia Espacial Europea.
- ↑ 40 years of Ariane, Axencia Espacial Europea.
