Aragón Musical

Aragón Musical ye un coleutivu formáu por miembros de grupos musicales y medios de comunicación arrexuntaos nun proyeutu que trata de reafitar y espardir el panorama musical aragonés.

La entidá cunta con un portal d'internet del mesmu nome “Aragón Musical”.

Esti mediu de comunicación multimedia convirtióse nun puntu d'alcuentru de grupos musicales de cualesquier estilu, lo mesmu que de distintes entidaes, instituciones, y, polo xeneral, supón una semeya de la realidá musical d'Aragón.

Premios de la Música Aragonesa Aragón Musical

Como asociación entama, dende 1999, añalmente los "Premios de la Música Aragonesa Aragón Musical”. Estos premios decídense por votación popular, yá qu'esiste un periodu de votación mientres el cual el públicu pue votar al Grupu con Mayor Proyeición, pero amás, los nomaos al premiu son escoyíos, en parte, pol mesmu públicu, quien lo desee pue añadir propuestes a les categoríes que presentense per parte de la organización. Amás de la votación popular esiste un xuráu, qu'emite'l so votu una vegada cerráu'l plazu de propuestes.

Los nomaos y ganadores de la mayoría de categoríes son escoyíos polos conocíos como “Académicos de los Premios de la Música Aragonesa”. Más d'un centenar de persones implicaes na cultura aragonesa. Amás concédense unos premios especiales que son frutu de la mesma organización de los Premios de la Música Aragonesa Aragón Musical.

Nel añu 2016 tienen llugar los XVII Premios de la Música Aragonesa Aragón Musical. Salen alantre gracies al sofitu en forma de patrociniu d'instituciones públiques y privaes. La gala lleva realizándose dende 2008 nel Teatru Principal de Zaragoza. Suel ser mientres el mes de marzu. Tamién celebróse nel Auditoriu de Zaragoza, la sala Oasis, El Centru Cívicu Delicias, la sala Superfly (antes En Bruto), La Casa del Loco y la Morrissey (na so primer edición).

Referencies

• Datos: Q13048402