Aporia crataegi (camparina)

De Wikipedia
Commons-emblem-notice.svg
 

Infobox animalia.png

Blanca del majuelo
Black-veined white (Aporia crataegi) male underside.jpg
Clasificación científica
Reinu: Animalia
Filu: Arthropoda
Clas: Insecta
Orde: Lepidoptera
Familia: Pieridae
Xéneru: Aporia
Especie: A. crataegi
(Linnaeus, 1758)
[editar datos en Wikidata]

Aporia crataegi ye una especie d'inseutu lepidópteru de la familia Pieridae. (Linnaeus, 1758). [1][2][3]

Descripción[editar | editar la fonte]

Machu

El so aspeutu xeneral ye inconfundible, amosando un llurdiu discoidal de pequeñu tamañu sobre un fondu totalmente blancu, según venes de color negru nel machu y pardes na fema.[4] El cuerpu ye de color gris escuru con antenes en forma de bastoninos.[5] Les sos ales son arredondiaes y tienen un valumbu d'ente 6 y 8 cm, lo que la convierte na especie de mayor tamañu de la so familia.[5][6] Les femes suelen ser llixeramente de mayor tamañu y presenten nes ales árees tresparentes.[4] Les gates son grises y peludas, con una llinia de color negru sobre l'envés y llurdios coloraos.[5]

Sinonimia[editar | editar la fonte]

  • Aporia crataegi hyalina Röber, 1907
  • Aporia crataegi rhodinea Hofmann & Eckweiler, 2001
  • Aporia crataegi rotunda Eitschberger & Reissinger, 1971
  • Aporia crataegi zabulensis de Freina, 1974

Distribución[editar | editar la fonte]

Ta llargamente distribuyida, atopándose nel norte d'África, Oriente Mediu y el restu d'Asia ente 40 y 70° N hasta Xapón.[7] N'Europa ta presente na mayor parte del continente, faltando en gran parte de Noruega y Suecia, islles del Atlánticu, islles Baleares, Córcega, Cerdeña, Creta y otres islles del Exéu, según nes islles Britániques, llugar esti postreru onde s'atopa escastada.[7]

Comportamientu[editar | editar la fonte]

Gata

Fase larvaria[editar | editar la fonte]

Les gates arrexúntense pa envernar, construyendo un nial conxuntu.[6] Tres la envernía aliméntense en pequeños grupos o por separáu.[7] La pupa suxetase colgando de les fueyes, o en tarmos de gramínees.[6][7]

Periodu de vuelu[editar | editar la fonte]

Una sola xeneración (univoltina).[4] Nel sur d'Europa dende mediaos d'abril a xunu y nel norte d'Europa dende finales de mayu a principios de xunetu, anque depende de l'altitú, temporada y llocalidá.[7] (Voltinismu).

Alimentación[editar | editar la fonte]

La so alimentación ye distinta a la d'otres especies asemeyaes.[6] Alimentase d'árboles frutales y espinos, como la cirolar (Prunus domestica), zrezal (Prunus avium), pescal (Prunus persica), almendral (Prunus amygdalus) y otros como'l majuelo (Crataegus monogyna), la peral (Pyrus communis) y el pumar (Malus domestica).[5][7]

Referencies[editar | editar la fonte]

  1. (n'inglés) [1] Aporia crataegui
  2. (n'inglés) [2] Aporia crataegui Matt Rowlings
  3. (castellán) [3] Asturnatura
  4. 4,0 4,1 4,2 Córdoba León, J. R., Sesmas Moranas, J. M. y Martín Toral, G. (2006). Mariposas en Libertad (n'español). Publimarca Ediciones, páx. 272. ISBN 84-8476-285-8.
  5. 5,0 5,1 5,2 5,3 Balmer, E. (2009). Mariposas y Polillas (n'español). Parragon Books, páx. 358. ISBN 978-4075-6768-6.
  6. 6,0 6,1 6,2 6,3 Reichholf-Riehm, H. (1990). Mariposas (n'español). Ediciones Blume, páx. 290. ISBN 84-87535-09-7.
  7. 7,0 7,1 7,2 7,3 7,4 7,5 Tolman, T. y Lewington, R. (2002). Guía de las Mariposas de España y Europa, 1ª (n'español), Lynx Edicions, páx. 320. ISBN 84-87334-36-9.

Enllaces esternos[editar | editar la fonte]