Antonio Sánchez Valdés

De Wikipedia
Saltar a navegación Saltar a la gueta
Antonio Sánchez ValdésFootball pictogram.svg
Vida
Nacimientu Uviéu2  de xunetu de 1914
Nacionalidá Flag of Spain.svg España
Muerte

Uviéu30  d'ochobre de 2005

(91 años)
Estudios
Llingües castellanu
Oficiu
Oficiu futbolista
Trayeutoria
  Equipu Feather-media-controls-shuffle.svg Feather-core-target.svg
1950–1951 Círculo Popular de La Felguera
1940–1950 Real Uviéu 244(64)
1939–1940cedíu Real Zaragoza 21(10)
1935–1936 Real Uviéu 8(3)
Posición o especialidá delanteru
Cambiar los datos en Wikidata

Antonio Sánchez Valdés, llamáu Antón, (2  de xunetu de 1914Uviéu - 30  d'ochobre de 2005Uviéu) foi un futbolista y entrenador español. Xugó práuticamente tola so vida deportiva nel Real Uviéu de la Primer División d'España, mientres los años 30 y 40.

Trayeutoria[editar | editar la fonte]

Xugador[editar | editar la fonte]

Ingresó con 13 años nes categoríes inferiores del Real Uviéu. Debutó col primer equipu na temporada 1935-36 en Santander frente al Racing de Santander marcando dos de los seis goles que fixo'l Real Uviéu nesi alcuentru. El debú ante l'afición oviedista foi igualmente bonu al marcar un gol de los cinco que-y enxaretaron esi día al RCD Español.

Tenía la particularidá de que xugaba con una boína totalmente calada na cabeza. La razón d'esto ye que se quedó calvu bien nuevu y fadiábalu descomanadamente que lu llamaren vieyu dende la grada colo que tomó'l resolución de xugar cola boína calada p'azorronar la calvez y acallantar los berros.

L'españíu de la Guerra Civil frenó'l desarrollu futbolísticu de Antón. Al reiniciase la competición na temporada 1939-40, el Real Uviéu pidió una dispensa a la Real Federación Española de Fútbol poles estroces sufiertos nel estadiu mientres la guerra. Antón xugó esa temporada vencíu nel Real Zaragoza.

Tornó al Real Uviéu na temporada 1940-41 y formó parte de la llamada Tercer delantrera llétrica xunto a Goyín, Echevarría, Herrerita y Emilín, mientres los meyores años de tola hestoria del Real Uviéu. Xugó en dichu club hasta la temporada 1949-50. En total nel Real Uviéu xugó 324 partíos,[1] 252 de lliga, marcando 108 goles, 68 d'ellos en lliga, cuartu meyor goliador del Real Uviéu de tolos tiempos tres Herrerita, Lángara y Carlos.[2]

Retirar del fútbol na temporada 1950-51 nel Círculo Popular de La Felguera.

Finó n'Uviéu'l día 30 d'ochobre de 2005.

Entrenador[editar | editar la fonte]

Entró a formar parte del cuerpu téunicu del Real Uviéu onde permaneció mientres 14 años. Como home de la casa fíxose cargu provisionalmente del equipu en dos causes distintos: en 1962 en sustitución d'Álvaro Pérez y en 1966 en sustitución de Francisco Antúnez.

Clubes[editar | editar la fonte]

Club País Añu
Real Uviéu España 1935-1936
Real Zaragoza España 1939-1940
Real Uviéu España 1940-1950
Círculo Popular de La Felguera España 1950-1951

Referencies[editar | editar la fonte]

  1. F.J. García. «Adiós a una parte de la hestoria azul». Consultáu'l 16 d'abril de 2009. (enllaz rotu disponible n'Internet Archive; ver l'historial y la última versión).
  2. «Real Uviéu. La so hestoria en númberos. Goliadores.». Consultáu'l 16 d'abril de 2009.

Bibliografía[editar | editar la fonte]

  • (2001) De Fozaneldi al Parque del Oeste. 80 años de fútbol en Oviedo (en castellán). La Nueva España.
Antonio Sánchez Valdés