Antoñán del Valle

De Wikipedia
Saltar a navegación Saltar a la gueta
Antoñán del Valle
Alministración
PaísBandera d'España España
AutonomíaFlag of Castile and León.svg Castiella y Llión
ProvinciaBandera de León.svg Provincia de Llión
ConceyuBenavides
Tipu entidá llocalidá
Códigu postal 24281
Xeografía
Coordenaes 42°31′24″N 5°57′03″W / 42.523333333333°N 5.9508333333333°W / 42.523333333333; -5.9508333333333Coordenaes: 42°31′24″N 5°57′03″W / 42.523333333333°N 5.9508333333333°W / 42.523333333333; -5.9508333333333
Antoñán del Valle is located in España
Antoñán del Valle
Antoñán del Valle
Antoñán del Valle (España)
Altitú 890 Q11573
Demografía
Cambiar los datos en Wikidata

Antoñán del Valle ye una llocalidá española que pertenez al conceyu de Benavides d'Órbigu, na provincia de Lleón, comunidá autónoma de Castiella y Lleón. Ta asitiáu a unos 5,3 kilómetros de la cabecera municipal y a unos 39 kilómetros de Lleón.

Pertenez al conceyu de Benavides, que ta formáu poles poblaciones que siguen: Antoñán del Valle, Benavides de Órbigo, Gualtares d'Órbigu, Quintanilla del Monte, Quintanilla del Valle y Vega d'Antoñán.

Antoñán del Valle tien una población de 165 habitantes (INE 2016).

El pueblu s'alluga a 890 metros d'altitú, anque por cuenta de la gran estensión de la so xunta vecinal, tien cotes cimeres a los 900 metros.

Ta distribuyíu, xeneralmente, en direición a la llinia que forma la carretera que xune Benavides d'Órbigu y Cogorderos, anque tamién pueden vese distribuciones urbanístiques importantes escontra les poblaciones de Quintanilla del Monte y escontra San Román de la Vega. Vista dende lo alto, Antoñán paez una tela d'araña pocu tupida col centru asitiáu alredor de la plaza la ilesia.

Puede destacase que la llocalidá d'Antoñán del Valle ye la 2ª más estensa de tola Comunidá, con un total de 23,6 kilómetros cuadraos xestionaos pola so Xunta Vecinal. El conceyu de Benavides na so totalidá, por casu, tien 76,8 kilómetros cuadraos.

La fiesta d'agostu celébrase dende va dellos años y denómase popularmente como la "Fiesta del Emigrante”. Antoñán, como otros munchos pueblos, tien gran parte de los sos “naturales” repartíos por tola xeografía nacional y l'estranxeru. La fiesta celébrase'l segundu fin de selmana de'l mes, nel que s'entamen múltiples actividaes pa tolos gustos y toles edaes. Estes fiestes celébranse n'honor a San Salvador. Anque'l día del Patrón celébrase'l 6 d'agostu, día de la Tresfiguración del Señor, la fecha fíxose variable pa que pueda asistir tol mundu. Les fiestes orixinales del pueblu yeren en xunu y setiembre; antes y dempués de la dura xera del campu.

Demografía[editar | editar la fonte]

En 2016 ta habitáu por 165 persones, 82 homes y 83 muyeres (INE), anque munches otres ocupen l'aldega en feches vacacionales.

Gráfica d'evolución de Antoñán del Valle ente 2000 y 2016
     Población de drechu (2000-2010) según los censos de población del INE a 1 de xineru de cada añu.[1]

Galería[editar | editar la fonte]

Referencies[editar | editar la fonte]