Antiguu Conceyu de Castropol

De Wikipedia
Saltar a navegación Saltar a la gueta
Wikipedia:Correxir

Antiguu Conceyu de Castropol,[1] Entrambasaguas, Honor de Suarón o ye'l nome col que fueran conocíos históricamente los catorce conceyos del occidente asturianu afitaos ente los ríos Eo y Navia que participaben baxo una única representación nel partíu de l'Episcopalía, (sestu de los siete partíos en que taba constituída la Xunta Xeneral del Principáu).[2] Esta comarca afitada demientres l'imperiu romanu nel Convento Lucense, debió fincar nel Reinu d'Asturies llueu de la segregación del reinu asturlleonés que tien llugar tres la muerte d'Alfonsu III, tando dende entós suxeta al poder de los Obispos d'Uviéu, llueu de les donaciones que del so territoriu tienen llugar nel añu 1154 pal Honor de Suarón y 1186 pal Honor de Grandas. Tres so emancipación de l'autoridá de los obispos participa na Xunta Xeneral del Principáu, na que representa el mayor centru d'intereses del partíu de les episcopalíes.[3]

Los conceyos, amás duna historia común, conseña tamién una comuña d'intereses culturales, llingüísticos y sociolóxicos qu'axeiten a la mesma una señardá nel sen del Principáu d'Asturies.[4] En particular, ye d'encalcar la esistencia duna llingua propia, el gallego-asturianu, d'orixe galaico-portugués, y que ye reconocida como tal llingua, na Llei 1/1998, de 23 de marzu, dʼUsu y Promoción del Asturianu y Gallego-asturianu, del Principáu dʼAsturies.[5]

Actuales conceyos que integraban l'Antiguu Conceyu de Castropol[editar | editar la fonte]

La composíción de los conceyos inda que ye n'esencia la mesma dende la redención de los obispos, vien variando a lo llonxe de los años pola segregación ya agrupación de munchos dellos, siendo güei la siguiente:

Antiguu Conceyu de Castropol

Flag of Asturias (indoor).svg Flag castropol.svg

Bual | Castropol | Cuaña | Eilao | El Franco | Grandas de Salime | Pezós | Samartín d'Ozcos | Santalla d'Ozcos | San Tiso d'Abres | Tapia | Taramundi | A Veiga | Vilanova d'Ozcos

Orixe de la dixebra[editar | editar la fonte]

La pola de Castropol na ría del Eu, capital hestórica de la Fastera del Navia-Eo

Demientres la época prerromana y romana, la fastera del Navia-Eo taba aseñorada poles tribus más nororientales de los pueblos galaicos llucenses, dellos Egobarros, Cibarcos ya Albiones. Más tres la dixebra del «Asturorum Regnum» llueu de la muerte d'Alfonsu III, la comarca queda afitada hasta güei nel Reinu d'Asturies. Puédense citar numberosos testos medievales enantes inda a la donación de 1154 que fixen estes tierres en territoriu asturianu, agüeyese asina:

  • Tumbo del Monasteriu de 'Sobrado de los Monxos' añu 985, f. 19r- 19v:
«… item concedo ad ipsum locum et ad ipsos sanctos pro remedio anime mee. uilla que uocitant Sautello. Eube. deiiecente montibus. Lua. inter Asturias diuident et Galletia…» (tamién concedo el mesmu llugar ya los mesmos santos arremediu de la mía alma la villa que dicen Sotelo, na llinde del ríu Eo onde xébrase Galicia ya Asturies).
  • Testamentum Sancte Marie de Taule quod fecit comes Fafila Spassanidz ovetensi ecclesie, añu 1006.
- «… de monasterio quod est fundatum in Asturiis in villa nomine Taule, inter duo flumina purzia et ove», monasteriu afitau na parroquía de Tol (Castropol).
  • Comissum de Kartavio quod fecit Ramimirus rex, añu 978:
-«Sancte Marie semper virginis... in cuius honore ist monasterium in Asturias», fálase del Monasteriu de Cartavio, (Cuaña), dedicau a la Virxe María n'Asturies.

Pa entender, l'axuntamentu del so territoriu al reinu asturianu ye esencial el pergamín de la Catedral de Mondoñedo, datáu nel añu 867, (Tumbu Mondoñedo, p. 35-36, f. 196r) esti documentu xustifica la donación pol rei Alfonsu II d'Asturies a la diócesis de Mondoñedo de diversos llugares nes Ríes Altes gallegues que nún taran enantes na diócesis de Britonia, col propósitu de compensar los tomaos d'antiguu pola Diocésis d'Uviéu como resultáu de la 'saracenorum persecutionem'. Ye de señalar nel testu citau:

'Quapropter concedimus tibi et sucessoribus tuis diocesim illam quae vocatur Trasancos, et Besancos, et Prucios, cum omnibus terminis suis procedentibus usque ad aquam iunqueras. Insuper adminis tibi illas ecclesias de Salagia per aquam de discessu usque ad montem qui vocatur Neni; et haec supradicta tibi confirmamus propter diocesim de Asturias, quam ovetensi sedi praebuimus; et deinceps de nostro iure et dominu omnium hominum radimus ut habeas tu et succesores tui in integrum.

Y damos a Mondoñedo ya a les sos Iglesies de Sogalia per onde escuerre l'agua hasta el monti Neni, ya esto antedichu dámoslu en compensación dello de llargu arrecibíu por la diócesis d'Uviéu n'Asturies y d'acá n'alantre tómese esto por apartau de nuesu derechu y de nuesu dominiu, de tos los homes, pa que tu y los tos socesores poséyanlo de llén.

El padre Florez al comentar esti pasaxe señala como la dióceses d'Uviéu atomó la de Britonia, y axuntola a la nueva diócesis (ye de ter presente que la Ilesia de San Salvador, tresformada llueu en diócesis d'Uviéu, escarecía d'antecedentes con anterioridá a la invasión musulmana)[6], mas llueu de resurdida la diócesis de Mondoñedo declarada heredera daquella, el Rei compensa la perda de más de la mitá del so territoriu pola entrega en compensación na so diócesis de Transancos, Besancos e Pruncios, que ñunca enantes taran na diócesis de Britonia, y que atoman dende entós en compensación de lo que enantes tenía Mondoñedo n'Asturies. [7]

El monacatu Bretón na Fastera del Navia-Eo[editar | editar la fonte]

Dacuando l'Alta Edá Media, el territoriu comprendíu entre les conques fluviales de los ríus Eo y del Navia afítase nel términu del Monacatu Bretón. Dafechu, el "Parrohiale Suevum", documentu alministrativu redactau de seguru demientres el Conciliu de Lugo (569), asitia el términu d'asentamientu de los bretones espardíu polos territorios del Monasterio Máximo y pola tierra d'Asturies. La cita lliteral ye:

Ad sedem Britonorum ecclesias que sut intro Britones una cum monasterio Maximi et que in Asturiis sunt.

La sede del Monasteriu de Máximu suel alcuéntrase polos historiadores nalgún llugar entre el ríu Masma ya el ríu Eo, afitándose per munchos na parroquía de Bretoña (A Pastoriza, Lugo), nún llonxe de San Tiso d'Abres y Taramundi. Pero, amás la prosimidá al territoriu del ocidente asturianu, el términu de les vecines sedes de Lugo, que atoma Barreiros, Quiroga y Montenegro y Astorga, que atoma n'Asturies inda na más el territoriu Pesgos, nos afiten tamién la Sede Episcopal de Britona nel ocidente asturianu. Sabemos güei, que Britonia yera una sede organizada d'acordies coles normes habituales de les ilesies de tradición insular o celta. L’obispu tenían tamién les funciones d'abá del monasteriu onde residía, nesti casu nel de Máximo, y exercía les sos funciones episcopales y abaciales en toles comunidadaes de cristianos del mesmu raigañu.[8] Esta organización afíyase por San Patriciu dientro del procesu d'evanxelización d'Irlanda y el restu de les Illes Britániques ya inda a les comunidaes de misioneros irlandeses asentaes na Xermania.

Nel occidente asturianu ye d'atopar munches manifestaciones desta primitiva forma d'organizacion.[9] Asina, nel testamentu del añu 926, 23 de setiembre, otorgau por un supuestu rei Ramiru, fíu d'Alfonsu III y de la Reina Ximena, quien entrega toa una riestra d'ilesies nel ocidente asturianu que amuésanos la señardá de la ordenación territorial del occidente y la querencia de les families a sos centros relixosos. Nel llueu duna desllabazada rellación d'heredaes n'Asturies donaes a la Ilesia de San Salvador, siñala:

In Asturiis: inter Varajum et Nauiam, ecclesiam Santi Petri Andías, cum suis adiacentís, in mari in fluusi in montivus ab integro secus flumen Naviam ecclesiam Sancti Micaheli cu suis adiacentijs, Inter Nauiam et Purziam flumina ecclesiam Sanctorum Cosme et Damiani cum suis adiacentiis similiter. Ecclesiam Sancti Martini de Moias similiter. Inter flumina Purziam et Ouem monasterium Sancti Iuliani de Monacos, Malos per suos terminos, per lfumen Purzia ad sursum per pellogasa per Cinzobre per Sancta Maria de Monte, Per Efarogius in direutum usque Purzia intus ab integrum suas deganeas ecclesiam Santi Martini et alias uillas que dicuntur Salaues ambas, cum mutis in eis. Secus flumen Eremezana iuxta Miudes ecclsiam Sancte Eulalie et cum familia sua et cum suis adjacentjis. Iusta flumen Thoragam ecclesias Sancta Maria e de Taule et SanctjIohannis et Sancte Marie et Sanctj Andree de Serantes in ora maris Iusta flumen Oue Monasterium Sancti Johannis Babtiste de molnes cum familia sua per suso terminos, exuna parte per Kanale et per rio et per faru et Villa Gotmis per Gandrausquei n flumnie Oue exaliaparte per Moldes de Rege per Quintana Donga usque Oue, que dicitur Loes et ecclesia Sancte Cecilie in villa que dicitur Seanres et villa que dicitur Fonte Frigia ab integro.

- Liber Testamentorum, Testamentum Ranimiri Regis, Filius Adefonsi Regis et Xemene Regine, LTO 40vB6 -41rA11[10].

Ye d'interés la querencia de les families coles ilesies donaes, como resulta de la referencia "et cum familia sua et cum suis adiecentis". Conocemos tamién polos documentos del Monasteriu de Oscos y per diversos xuicios del Obispu d'Uviéu cola nobleza de la comarca como families enteres de persones vivían o dependían de los Monasterios.

De les creencies d'este xentes, sabemos tamién, pel aprucimientu d'una llábana (Cayuela de Carrió) afayada por dos campesinos en 1926 na llocalidá de Carrió, ya que dellos autores alluguen nos albores del tiempu de la monarquía asturiana nel sieglu VIII, ya otros exétenla na etapa visigoda, nun llugar que se afita dientro de la sede episcopal de Britonia.

Acuro vos omnes patriarcas Micael, Grabriel, Ceciteil, Oriel, Rafael, Ananiel, Marmoniel, qui ilas nubus coptis tinetis in manu vuestras estote livera de vila nomine Ciuscau, ubi avitat famulus eius Auriolus cum meum cineterius cum fratribus vel vicinibus sui vel de omnis posesiones eiusdem ediciantur de vila e de ilas avitaciones eius; per montes vada et revertam ubi neque galus canta neque galina cacena, ubi neque aratore neque seminator semina ubui neque nula nominare sun.»

«Conxuro a vosotros, tos los patriarques Miguel, Gabriel, Ceciteil, Oriel, Rafael, Ananiel, Marmoniel, que tenéis les nubes coyíes con vueses manes: estén ausentes de la villa con nome de Ciuscau, u tá viviendo so fámulo Auriolo col mio cementeriu, colos frades y vecinos sos, y de toles posesiones del mesmu; seyan botaos de la villa y de sos cuartos; polos montes vaguen y vuelven, u nin el gallu canta, nin la gallina cacarexa, u nin l'arador la sementeira caltién semiente, nin ná ye de nomar.

Dámaso Alonso nel so estudiu sobro los usos supersticiosos del sabugu, describe la costume afitada nuna zona del oriente de Lugo ya los conceyos asturianos más occidentales de colgar rames ness ventanes y puertes la nuechi de San Xuan pa evitar l'entrada de bruxes y mal agüeros, costume que tien una asemeyanza con otres documentaes nel País de Gales y nel Norte de la Gironda.[11]

Del monacatu bretón al benedectín[editar | editar la fonte]

Fernández Conde amuésanos tamién como nos sieglos VIII-IX la sociedá de los territorios ocupaos por los bretones esperimenta una gran tresformación, fenómenu que ta perbién documentau na britonia continental. Cita, esti autor asina, l'estudiu documentau per W. Davies sobro'l cartulariu de Redon (c. de Nantes dep. d'ille-et-Vilaine).[12] Esti procesu caltién básicamente na territorialización y patrimonialización de los centros ilesiásticos per particulares. Una cosa paecida debió asoceder del mesmu sen y al mesmu tiempo nes comunidadaes bretones de Galicia y d'Asturies. Poro paez, diz Fernández Conde, que llamar ilesia o menesteriu a puñau de clérigos que viven xuntos per aquelles domines nuna ilesia asturiana, d'orixe bretón o de raigañu pésicu tien de ser prauticamente lo mesmo a la hora d'esclariar la naturaleza xurídico-alministrativa de la ilesia y del monacatu prebenedictín. [13]

Conocemos, nesti tiempu, toa una riestra de monasterios nel ocidente asturiano que caltién una señarda notable, ente muchos dellos, ye de citar los que siguen:

  • Monasteriu de Santa Colomba El primer pergamín que refier a estos monasterios, ye el documentu de 20 de Xineru del añu 905, nel que'l rei Alfonsu III y so esposa, la reina Ximena, ente otres dotaciones, donen a la ilesia d'Uvié u'l monasteriu de Santa Colomba. Señala el Liber Testamentorum: Inter Nauia et Oue secus flumen Purzia monasterium fundatum nomine Sancte Columbe per suos terminos direutos, per Arroja Mala, per viam qui exiit per monte Bodigo pro ad illa penna de Abbanninas et exiit ad Lejrio et inde venit ad intra occisa de Monte auto et inde per paratella et per Monte Uerroso et in direutum pro ad Teulei per viam que discurrit de Penna Auta et de Armale pro ad Fozatinas et per illo quoto de Nozeta usque Capanna Marzani. Infra hos terminos ab omni integritate cum familia multa et villis multis intus et foris per nominatis[14]. Ente los ríus Navia ya Eo xunto al ríu Porcía, alcuéntrase el monasteriu de Santa Columba, afitau nos siguientes llinderos: per Arroxa Mala, per el camín que sal pol monte Bodigo haza la peña de Abañinas, y sal al Lleiru y onde vien dende el Monte altu y dende Paratella y por el Monte Verroso y encáminase haza Teulei pol camín que escúrrese de la Peña Alta y de Armal haza Fozatinas y pola parte de Noceda hasta Capaña Marzan. Per estos términos por entero coles munches families y villes dientro y fuera nomaes.
  • Monasteriu de Santa María de Miudes.[15] Diz desti monasteriu el Llibru Registru de Cories, que Arias Feliz erguiera el monasteriu de Santa María de Miudes sobro'l ríu Ermezana y habitolo con la so muyer Lobsenda. Tempu espués, el Conde Ximeno, pá del Conde Piniolo, xunto a la so muyer Aragonte compraron el Monasteriu. El conde Piñolo y la condesa Eldoncia nel añu 1032 donaríen el monasteriu xunto a la villa de Arancedo al Monasteriu de Cories demientres l'abacialgu del abá Arias Cromas. Diz tamién el llibru de Cories, que nel monasteriu de Miudes son munchos los homes de serviciu, carpinteros, pescadores, caseros, cargadores, mayordomos, pumareros y otros simillares. Tuvo envueltu tamién nel pleitu que caltién los obispos d'Uviéu sobro'l Monasteriu de Cartaviu, nún siendo clara la dependencia que fai ente uno ya otro.[16] El 'Liber Testamentorum' refiese tamién a un prestamu o 'prestimoniu' que caltién l'abá Moniu de Cories frente al Obispu d'Uviéu, nel documentu de caberu "Notitja d'hominibus de Cartauio quos tenet abas dominus Monio in prestamento ab episcopo", faise una rellación de siervos que'l primeru tien nel so prestimoniu del Abá de Corias. [17]
  • Monasteriu de Salantes (Serantes Tapia de Casariego), erguíu per Tructino Feliz hermanu de Arias Feliz. Tructinu Feliz tuviera tres fíos Menendu, Masfara y Garvixo, dividiéndose a la muerte de don Tructinu el monasteriu por tercies ente sos tres fíos. Garvixo Tructiniz tuvo dos fíos Onega y Menendu. Menendu nun tuvo fíos, ya Onega davezu enxendró a doña Dalamacia má de Iohanne Pinioliz quien entregara so parte al Monasteriu de Cories. Los fíos e ñetos de Másfara Tructiniz profesaron como frades nel monasteriu Coriense axuntándose tamién so parte al Monasteriu. De postreru Petrus Fernandi, Sancha Pelaiz et episcopus Adefonsus, l'abá Laurencius, Gonzalu Martiniz, Pedru Calvu y Marina Martinez de Ciueia entregaron al Monasteriu de Cories el restu de les cuotes que faltaben-y.
  • Montesteriu de San Martín de Mantarás. Erguíu pola condesa Eldoncia, ye uno de los siete monasterios fundacionales del Monasteriu de Corias. Xunto a esti monasteriu de San Martín, el Llibru de Cories fala d'otros dos monasterios de San Estebán de Mantares ya Santu Acisclu de Marmortu tos ellos nel Conceyu de Tapia.
  • Montesteriu de Santa María de Cartaviu. El Monasteriu de Santa María de Cartavio, sobro'l Ríu Vio, na parroquia de Cartavio, Conceyu de Cuaña, alcuéntrase sobro la base de lo que güei ye la llosa de la ilesia de Cartavio. Dicha ilesia contién dos inscripciones dataes nel año 976 parcialmente lleíbles na llosa ya otra nel llateral, grabada esta na piedra de granu na paré esterior del cruceru xunto a la puerta llateral de la propia ilesia, que diz: IN ERA MXIIII SIC INTRAVIT FREDINADV. El Conde Froilán Velaz y la Condesa Gislavara so muyer, nel añu 976 entregaron al obispu d'Uviéu don Bermudu y a so ilesia, el monasteriu de Santa María de Cartavio fundau ente los ríus Navia y Porcía nel llugar de Cartavio, na ribera del mar. Ufrieron tamién polo mesmu testamentu amás d'otres heredaes ya villes, el Castiellu del Aguilar: «Concedimos, -dicen-, adhuc suprafate sedi illum castellum de Aquilares iuxta ipsum praedictum monasterio de Cartavio in ora mariis situum cum ómnibus bonis suis intus foris». Mas tarde ye oxetu del testamentu del rei don Ramiru que fai cola so muyer doña Urraca en favor del monasteriu de Cartaviu, con esti títulu «commissum de Cartavio quod fecit Ramirus rex», y que ye datao na era de 1016, año 978. El monasteriu ye citau en tres pleitos documentaos nel 'liber testamentorum ovetensis', dataos ente 1050 y 1090: "Division inter Sanctam Mariam et Santum Iohannem", "Divisio ineter Todox et Cartaviam" y la "Divisio inter Sanctam Mariam et Suaronem et Alvam", pleitos, nos que intervien como titular del monasteriu la condesa Gislavara. De postreru ye oxetu de pleitu per los obispos colos herederos de doña Gislavara. El pergamín nel que ye documentau el pleitu rellata como l'obispu esixía como propios de la Ilesia de Salvador d'Uviéu tanto el monasteriu de Cartavio como el Castiellu del Aguilar, allegando como los mesmos venían siendo poseyidos pola sede ovetense pacíficamente dende tiempu del Conde don Froilán Velaz y pal tiempu de su muerte, pelos obispos d'Uviéu. Allegóuse polos obispus que fallecíu Adegani (1025/1028), prelau de la mesma sede, apoderose violentamente de les diches posesiones de Cartavio doña Eldonza, que les tenía sen derecho daque. Afirmando escontra doña Eldonza, mandó el Rei don Bermudu faer averiguaciones a les persones a quienes tocaba el dominiu del Monasteriu y el castiellu. Averiguose que l'obispu decía verdá. Entós mandó el Rey al xuez nomau pal casu, Anaya Anáyaz, que decidiere esti pleitu, nel cursu del cual doña Eldonza almite el meyor derechu de los obispos, fallándose el pleitu en favor de los obispos.
  • Monasteriu de San Salvador de Tol.[18] La primera referencia al monasteriu de Tol, maguer cola vocación de Santa María ya nun San Salvador, alcuéntrase nuna donación fecha por un Rei Ramiru que viense datando faza'l añu 926 (donación de 23 de setiembre 926, doc. nᵘ 23 de la Coleción de Larragueta). Esti Monasteriu ye oxetu de dos pleitos polos obispos d'Uviéu y la nobleza de la comarca nos años 1075 y 1083. El primero de los pleitos datáu nel añu 1075, ente los obispos y los condes Vela y Bermudo Ovequiz, tién llugar n'Uviéu el 23 de marzu, a presencia del Rei Alfonsu VI, dacuando la so estancia na ciudá con motivu de la apertura del Arca de les Reliquies de la Catedral d' Uviéu. Son nomaos xueces, «Bernaldum Palentine Sedis episcopum et aluazilem Sisnandum Colimbricensem et Rudericum Didaz castellanum et gramaticum dominum Tuxmarum». Esti Rudericum Didaz vien comúnmente identificau con Rodrigo Díaz de Vivar, El Cid Campeador, en contraposición a Rodrigo Díaz l'asturianu. Ye sabíu que'l campeador llegara a Uviéu col séquitu d'Alfonsu VI, quien peregrinaba pa adorar les reliquies de la catedral encerraes nel arca que será abierta en presencia del Rei demientrés la cuaresma de 1075. Tenía el Cid entós trenta y dos años y casárase unos seis meses antias al so nombramientu como xuez con doña Ximena. El segundo de los pleitos sobro'l Monasteriu de Tol acaez ocho años más tarde, en 1083, nesti pleitu por doña Ximena la muyer del Cid y sos hermanos procuren una nueva reclamación sobro la propiedá del monasteriu. Doña Ximena y los sos dos hermanos, yeran fíos de Diego Fernández conde d'Uviéu y Cristina Alonso, siendo don Diego fiu davezu de Fernando Gundemariz, quien intervién cola so madre Mumadonna na donación del añu 1037 en que la ilesia d'Uviéu funda los sos derechos sobro'l Monasteriu. Son per tanto los llexítimos socesores de los fundadores del cenobiu taulentinu. El campeador nesti tiempu taba desterráu en Zaragoza al Serviciu de Mutamín. Resulta, pues, lóxica la ausencia de ésti como'l de la so muyer, quien acudió a xuiciu representada polo so hermanu Fernandu. El pleitu si bien reconoz el meyor derechu de los herederos de don Fernando Gundemariz, al entender que doña Gontrodo siendo fía ilexítima nun pudiera ñunca haber teníu sinon l'usufrutu de los bienes, da finalmente la razón a los obispos d'Uviéu. La referencia nesti casu ye la Llei VI, títulu I, del llibru V del Liber Iudiciorum.La allegación de la imposibilidá d'heredar de los fíos ilexítimos y los llimites para donar en vida respetu de monxos y clérigos, impedíen a doña Gunterodo pudiera haber donáu los bienes a la ilesia d'Uviéu. Lo cierto ye, que inda que los argumentos de los hermanos de doña Ximena, el pleitu fállase por prescripción alquisitiva a favor de los obispos, por entender que transcurríu trenta años pa la prescripción estraordinaria conseñada nel propiu Liber Iudiciorum, los bienes quedaran definitivamente na ilesia d'Uviéu.
  • Monasteriu de San Esteban de Piantón. El Liber Testamentorum documenta tamién la donación por Martino Vemudez y so muyer Interquina Garciaz a la ilesia d'Uviéu y al so obispu Arias de los bienes que los testadores tien n'Asturies y fuera d'Asturies "teneo in ASturias et foris Asturias", y fuera de Asturies, el monasteriu de San Esteban de Piantón con otres ilesies y bienes diversos. "Concedo adhuc alium monasterium inter Ouem et Purziam, Sancti Stephani de Priantono, et fuit ipso monasterio de supradictus pater meus") [19]

Nel añu 1136, el rei Alfonsu VII, l'emperador, xunto a la so muyer doña Berengela confirmen la donaciones daes a un grupu d'ermitaños, dirixius polos monxos Alfonso y Pelayo Alfonso de les heredaes de Santa Colomba Blamonte, Santa María de Obanza, San Martín de Bourio, Santalla de Presno y Villamil. Esta primera repoblación, de la que so documentación orixinal nún se conoz, dará llugar a la confirmación de los beneficios y a la fundación nel añu 1156 del monasteriu de Santa María de Vilanova d'Ozcos que se acoye nel añu 1162 a la regla del Cister, onde caltiense hasta la reforma de la Orden nel 1511 pola Congregación de Castilla. Este monasteriu aseñardará de llen la vida relixosa, cultural y artístíca de la comarca de los Oscos ya del cotu de Burón nel conceyu gallegu de Fonsagrada, estendiéndose demientres per toda la Edá Media su influyencia a to l'estremu occidental asturianu.

El Honor de Suarón[editar | editar la fonte]

Demientrés l'Alta Edá Media los actuales conceyos del occidente asturiano, asitiados ente los ríus Eo ya el Navia taban suxetos a un réxime especial de señoríu, el Honor, conociéndose dos muérganos el Honor de Suarón ya el Honor de Grandas.El territoriu de Suarón taba vinculao a la voz del rei al terminu xurisdicional del de Tineu onde so tenente o Merinu yera la postrera instancia d'apelación. Por encima desta instancia taba el Merinu o adelantau de d'Asturies, tamién mencionau como tenente d'Asturies, vinculación que dende el sieglu XIII se asemeya na de Lleón, baxo la figura del merinu o adelantau mayor, quien apaez mencionau de modo diversu con una o las dos intitulaciones territoriales. [20]

Les primeres referencies al Honor de Suarón ye de ver nel pergamín datu nel añu 1090 "Divisio inter Sanctam Mariam et Suaronem et Alvam". Nel algüentrase como tenente nel Honor de Suarón al Conde Petru Pelagi. Espués desti nún ye conocíu quien detenta la tenencia, nin datu daque sobro'l Honor de Suarón, hasta l'añu 1153 nel que nun pergamín del Monasteriu de Villanueva d'Ozcos ye señalau como tenente nel Honor de Suarón al señor de Navia, Lugo y Montenegru, Aluarus Roderici, quien ta al frenti del Honor de Suarón demientrés el segundu terciu del sieglu XII. Este «rico-hombre», fíu del Conde de Sarria Rodrigu Vela, taba casau de primeres cola infanta doña Sancha, teniendo una intervención determinante na toma d'Almería nel añu 1147. Nel añu 1167 casa en segundes con doña Urraca, fía illexítima del rei Alfonsu VIII,, trabando dende entós nun de los mayores señores del Reinu, hasta el puntu de tentar nel añu 1164 esgayar al Reino asturiano de la corona imperial como asocediera nesos mesmos años nel condau portucalense.

Dende 1184, consta que Menendu Peláez ta al frenti de la tenencia de Riba de Ove et Oscos, dando por seguru Alvárez Castrillón que ya pa esti tiempu taba desgaxada la tierra de Grandas de la Xurisdicción de Suarón. Menendu Peláez ostentará la tenencia de Suarón hasta l'añu de su muerte en 1233. Dende entós, los fíos daquel, Gonzalu Menéndez y so hermanu Suero Vtulii, apaecen como tenentes de dos tercies de Suarón. Nel añu 1239, apaez como tenente en Suarón Alvaro Roderici, quiziabes descendienti de so xeneru anticesor, como el que ocupa la tenencia de Suarón dende Armal. A partir de 1251, Gonzalo Menéndez ye el único que apáez nel cargou, y postera mención tien llugar nun documentu de 1271, 'tenendo terra de Suarón'.

El Honor de Grandas[editar | editar la fonte]

Muncho más reducíu y peor conocíu ye l'Honor de Grandas. El términu de Grandas fue donau al señoríu xurisdicional de la Ilesia d'Uviéu pol rei Fernandu II en 1186, siendo la única demarcación del territoriu asturianu ente los dos citaos ríus, xunto col cotu monasteriu de Vilanova d'Ozcos, que nún se vinculara a los centros de poder de la Tierra de Ribadeo y que caltendrá cierta marxinalidá. Nel mesmu actu afita expresamente el rei la inxerencia de los tenentes del Castiellu de Burón nese territoriu sobro'l que paez tener tamién gran influyencia. La diferenciación de la Tierra de Grandas del restu de los territorios de Entrambasaguas como una demarcación alministrativa célibe ye evidente en tantu que nun tuvera incluyida nel alfoz de la puebla de Castropol. Tamién ye de ver na diferencia que'l obispu fa de sos encomiendes en 1368, cuando otroga ambas a Alvar Pérez Osorio Señor de villalobos. Ya en 1246 ta documentau como el comendero en Pezós de ls Terra de Grandas, Pedro Díaz, personaxe que nun apaez enantes como tal na Tierra de Ribadeo, qu'en ese añou tien otros distintos.[21] Ye corriente asina, incluyir la donación del Castiellu de Burón xunto a la Tierra de Grandas. Pa Alvárez Castrillón una lectura aspaciosa del documentu, induz a pensar lo contrariu, pues lu que pretende el rei ye curtiar la inxerencia de los tenentes de Burón nel terminu Grandalés.[22]Respetu a so términu, Fernández Conde afirma que'l espaciu xurisdicional de Grandas abarcaba las comarques del interior entre el Navia y el Eo,[23] en terminos semeyantes ye la opinión de de Coronas González.[24] Por su parte Ramona Pérez de Castro estima que la jurisdicción de Grandas debiera limitarse a lo que ye l'actual concejo, al so entender, paez claru que no que ye el territoriu asturianu, el términu de Grandas, no incluyía daque nos otros conceyos del Eo-Navia, les cuales taban integraos en los partíus que xuntábanse nes reuniones del 'Campo del Tablado'.[25] Pola so parte Alvárez Castrillón, la estrecha xurisdicción de Grandas, ye d'esplicar pol tipu especial de señoriu que se alcüentra nel caberu del Eo-Navia, mas contrastable en cuanto na llinde a la esparcía xurisdicción de Suarón.[26]

Baxa Edá Media[editar | editar la fonte]

Señoríos xurisdicionales de los obispos d'Uviéu na Idá Media

Dacuando l'Alta Edá Media, el territoriu ta xebráu en diverses mandaciones, na que atoma importancia a mayores, como ya queda dicho, los monasterios ya otros muerganos eclesiásticos. Arribada a Baxa Edá Media, estos institutos tan de cangayu, y ye asina, como el poder episcopal tentara axuntar torno a se a los institutos eclesiásticos, muncho espardíos dende antigu na comarca. Los obispos ovetenses inda denantes del sieglu XII entaman a organizar les bases del poder político d'abondo dixebraú nel ocidente asturianu damecío de la enancia de sos posesiones na mandación cartaviense y nel monasteriu de Tol. Escontra, destos intereses nún soldaránse sinon hasta l'allugamientu del centru de puer de la comarca, el castiellu de Suarón. Asina, per un acuerdu arregláu el 2 de Xineru de 1154, nes Cortes celebrades en Salamanca pol rei Alfonsu VII, caltiense les cesiones que viniera facéndose polos monarcas al obispo d'Uviéu, al facerse donación a Martinu II y so Iglesia, ente otros bienes, del castiellu de Suarón (...de illo castello de Sueirum quod est intre (sic) fluuium de Oue et fluuium de Nauia...) con tos sos términos, les sos regalies y xurisdiciones.

Diz Sandoval:

-«A dos de Enero, Era 1192, estava el Emperador en Salamanca con su muger doña Rica y con sus hijos don Sancho y don Fernando; tratavan un pleyto muy reñido, los Obispos de Oviedo y de Lugo sobre las jurisdiciones de sus Obispados; y el Emperador, los concordó imponiendo la causa á gusto de las partes: aviendo primero tomado consejo con el Arçobispo de Toledo y otros Cavalleros y Prelados, como parece por la carta de concordia, hecha en este años á catorze de Enero; y porque el Obispo de Oviedo se agraviava algo del concierto del Emperador, le dió en satisfación el castillo de Siera».

La carta de la pola de Castripol ya el Fueru de Benavente[editar | editar la fonte]

Entama la autoridá del Obispu na vida del conceyu cola fundación de la Pola de Castropol. Asina col areyu d'arrendrar a los vecinos restorcíos alredor de la Pola de Revoredo, los obispos erguerán una nueva pola, Castropol, dotándola del Fueru de Benavente y dando muncho provechu pa los vecinos que se afiten nella per aciu de los repartimientos que siguen a la so criación. Esta formalízase pola Carta de fundación dada pola obispu d'Uviéu, Fernando Alfonso, a los moradores de la Tierra de Ribadeo el 19 de Xineru de 1299. Ye, sin embargu, el documentu fechu nel 21 de setiembre de 1300, el que ye decisivu pa la vida del Conceyu. De los 18 apartaos que nel se algüentren, afítase nellos detalladamiente lo que correspuende al pagu de la martiniega, reservas de dominios y aprovechamientos del obispo, nomar de xusticies y ediles del conceyu, reconocimientu de vasallaje, amparu de les coses del obispu y de la Ilesia d'Uviéu, facendera d'homenaxe, drechu d'alloxamientu y xintar, dando al obispu la Ilesia de la pola y el sellu del conceyu. A la criación de la nueva pola sigue l'arrepartimientu en «quadriellas», forma de polar sui generis que se algüentra lligada al mou de sociedá afiyada al fueru de Benavente. El repartu facelu un muérganu d'homes buenos que cumplirán con lo mandáu pol obispo d'afitar na pola y rexir nella en todes les sos coses.

División en Partíos[editar | editar la fonte]

El arrepartimientu del conceyu fácese en partíos que xébranse en parroquies. Maguer los arrestos del obispu d'arrefuerciar la autoridá de la villa nel detrimentu del señoríu del conceyu, tal emponderancia, nun tará escaecida pelo desendolcu per los partíos de so propia organización. Los partíos caltendrán tamién asina so propio términu.

Nes eleciones a los cargos del conceyu amósase de maneres diverses estos partíos, siendo davezu los seguientes:

El númberu de partíus cambiaba acordies la representación que mandaran les parroquies a la pola, caltenida la enorme estensión del conceyu y el carálter de les cuestiones que yeran tratades, mas dacuando facía a nomar xueces ordinarios yeran siempre cuatru que axuntábanse na forma que sigue:

El campo del Tablado[editar | editar la fonte]

Acta del 'Campo del Tablado' de 27 de otubre de 1564

Magar a presencia dun cuerpu normativu escritu rellativamente espardíu, la vida de los conceyos ordenábase tornu a la costume. Esta costume ye de ver sobro too nes solenidaes d'eleición de los cargos conceyiles, poro tamién algüentrémola presentes nos más variaos aspeutos como nes formes de celebración del matrimoniu. Asina, nun documentu datau el 10 de xuyín de 1523, el conceyu recurre escontra l'obispu Diego de Muros que tentara de someter a los vecinus del conceyu les ordenancies que Hernando de la Vega, ficiera pa la ciudá d'Uvié u'l 17 d'abril de 1494 a la solicitú de los Reis Católicos y que los vecinus recurren por caltener: '«que este capítulo contiene en sí notoria injusticia por que se ha de guardar en el dicho concejo la costumbre que d'inmemorial tiempo ha esta parte se ha guardado en hacer las dichas eleiciones de los dichos jueces que es diversa de la costumbre de la dicha ciudad de Oviedo».' Los motivos d'impugnación faen referencia de primeres a un tema recurrente na comarca, que ye'l de la consideración y reconocimientu que es debido darye a los llamaos fijosdalgos notorios, aquellos que tien esta condición de xeitu inmemorial, y nun per título, de mou que deban ser recibíos y tener les mesmes preminencies que'l restu de los Cavalleros y fijosdalgos del Principau. El otru motivu de recursu trata sobro'l mou de llamamientu a los cargos del conceyu, nel que los vecinos faen oposición al mou per suertes prevista nes Ordenancies de Hernandu de la Vega davezu del sistema de llibre eleción seguíu d'antigu nel conceyu.[27]

Dientro desta organización del Conceyu esclarecidamente de caráuter consuetudinariu presenta rellevancia a mayores la axuntanza de los vecinus nel «Campo del Tablado», na mesma los vecinus xuntábanse sin distinción ente la pola ya l'alfoz en partíos, a medio de representantes escoyidos nun complicau sistema de votación que güei conocemos per les ordenancies de los pueblos, asina les de Castropol, Boal y El Franco. Acordíes con esti sistema de representación los cobres, o representantes de cada un de los partíus nos que se dividía el conceyu y que yeran designaos na propia xunta, se reuníen a puerta zarrada, y llevaban a efeutu el nomamientu de los cargos conceyiles.

El conceyuo axuntabase tolos años nel día de la Ascensión, llamaos los vecinos por pregón, a son de campana tañida nel 'Campo del Tablado', a les afueres de la Pola de Castropol y frenti a la capiella del campu, nel que güei ye parque Vicente Loriente de la Villa. Los vecinos se axuntaban nos sos respeutivos partíos, maguer que yeran seis, na hora de votar inda na más yeran cuatru nes votaciones, per axuntase el partíu d'Abres col de Veigas de Bría ya el de Riberas de Armal col de Valdemiudes. Nomabase los «cobres» dente los homes buenos del conceyu. Cada partíu nomaba dos cobres.

Na asamblea vecinal o conceyu propiamente dicho, yeran discutíus los más diversos temas, vistes d'agravios, reclamaciones del conceyu, regulación de precios, monteríes y caceríes de llobos, etc. Ruiz de la Peña, apunta como funciones del mesmo les siguientes:[28]

a) La validación d'actos xurídicos a los que lleguen dellos vecinos.
b) El establecimientu de normes de xeneral obligatoriedá pa la regulación d'aspeutos diverses de la vida del conceyu.
c) Eleción y renovación anual de los cargos conceyiles.
d) Aforamientu almisión na comunidá de los nuevos vecinos.
e) La toma d'acuerdos per dellegación de competencies pa faer andeches d'interés xeneral.
f) La toma d'acuerdos estraordinarios o que per so importancia y trescendencia nel desarrollu de la vida local, ficieran aconsexable la asistencia y conocimientu de los vecinos.

Nel Honor de Grandas debió esistir una asamblea semeyante de la que tan sólo tenemos conocimientu que axuntábase nel día de la Asunción de la Virxe. Con too los obispos debieren concentrar na pola de Castropol tolos poderes xudiciales y alministrativos, ya asina nes actes del 'Campo del tablado' de la primera mitá del sieglu XVI señálanse a los xusticia del conceyu con xurisdición en Castropol y Grandas. Ye lo ciertu que llueu de la desamortización Grandasquedara fincada nel conceyu de Castropol, como arresulta del esame del Catastro de la Ensenada, nel que a la primera pregunta contiestara tanto en Grandas como en Salime que se alcuentren agregaos al de Castropol en cuanto a rentes, alcabales, millones y demás.

La redención del Conceyu de los obispos.[29][editar | editar la fonte]

El fechu más notable de la so hestoria ye la redención de los conceyos de la autoridá del Obispu, lo cual tien llugar a lo llonxe de la segunda metá del sieglu XVI. Aportase de seguíu, el tiempu ya el preciu da redención dos conceyos, que se atomen de Faya Diaz, «Los Señoríos eclesiásticos na Asturies del Sieglu XVI» que a so vez remítse al expediente abiertu a Alonso del Caminu como consecuencia de diches ventes y conservau nel Archivu Xeneral de Simancas:

Conceyu Real asiento Carta de Redención Parroquíes Vecinos Preciu en maravedies
Escudo de Castropol.svg La Villa de Castropol y felligresies agregades 20-11-1579 29-01-1580 Villa de Castropol y parroquíes de San Xuan de Moldes, Piñeira, Tol, Seares, Santiestebán de Piantón, Paramios y Santiago de Abres 356 4.598.572 mrs.
Escudo de Castropol.svg Barres, (Castropol) 29-04-1581 --- Barres y Seares 92 1.136.100 mrs.
Escudo de Castropol.svg Presno, (Castropol) 12-12-1583 --- Presno 62 784.417 mrs.
Escudo de Tapia de Casariego.svg Campos (Tapia) 15-03-1580 --- Campos 13 162.850 mrs.
Escudo de Tapia de Casariego.svg Tapia de Casariego 28-05-1580 --- San Estebán de Tapia, Samartín de Mantarás y San Salvador de Salave 83 1.037.530 mrs.
Escudo de Boal.svg Bual 24-04-1581 --- Boal, Doiras y Serandinas 145 2.011.285 mrs.
Escudo de Coaña.svg Cuaña, Trelles y Villacondide 27-04-1581 30-07-1582 Coaña, Trelles, Villacondide y Folgueras 85,5 1.063.230 mrs.
Escudo de Coaña.svg Cartavio y Mohias 15-03-1584 26-05-1584 Cartavio y Mohias 25 313.876 mrs.
Escudo de El Franco.svg Sueiro, (El Franco) 13-03-1583 22-09-1583 Villa de Sueiro, y Feligresies de Santa María de Valdemiudes, San Miguel de Moyces, San Bartolomé de Valdepares, San Xuan de Prendonés, (Sayane) y Santa María del Monte 117,5 2.225.807,5 mrs.
Escudo de Taramundi.svg Taramunde 03-09-1583 22-09-1583 Tarmundi y Ouria 114 1.396.815 mrs.
Escudo de Grandas de Salime.svg Salime 12-04-1584 16-02-1586 Salime, Villapedre ya A Mesa. 38,5 471.881,5 mrs.
Escudo de Grandas de Salime.svg Grandas 03-10-1584 19-07-1586 Grandas y Trabada 167 2.746.287,5 mrs.
Escudo de San Tirso de Abres.svg San Tiso d'Abres 1584 1584 San Tirso - 672.0000 Mrs.
Escudo de Santa Eulalia de Oscos.gif Santalla d'Ozcos 06-07-1584 19-07-1586 Santa Eulalia 102 1.239.506,5 mrs.
Escudo de San Martín de Oscos.gif Samartín d'Ozcos 12-05-1584 16-02-1586 San Martín 97,5 1.292.315 mrs.
Escudo de Pesoz.gif Pezós 16-03-1582 30-07-1582 Samartín 52,5 687.035 mrs.
Escudo de Illano.gif Eilao -- 23-09-1583 Bullaso, Gio, Herias, Illano y Ronda 79,5 1.001.260 mrs.
Escudo de Castropol.svg As Figueiras -- 1775 Cotu de As Figueras dependiente de la Parroquía de Barres -- 680.000 mrs.
Conceyu Real asientu Carta de Redención Parroquies Vecinos Preciu en maravedíes

Respetu al Conceyu d'Ibias, Bellmunt y Traver, señala qu'estes tierres de Ibias yeran de Señoríu compartíu ente nobles llaicos y eclesiásticos, siendo considerau este conceyu como d'obispalía. Los obispos exercieron esta xurisdicción compartida hasta l'añu 1584, en que pasa a ser de realengu.[30] Amás de la esistencia de tres cotos solariegos, Marentes, Santa Comba y Sena, el Catastru d'Ensenada refierse a les Parroquies de San Antolín, Cecos y San Xorxe de Tornaleo, de las que diz que son del señoríu de don Bartolomé Varcacel y Rón y de don Fernando de Ron, vecín del Conceyu de Samartín d'Ozcos, nomes de families todes que pertenecían a la nobleza tradicional de la comarca. Dichu conceyu participa tamién na Xunta Xeneral del Principáu dentro del partíu de Castropol tomando un tercíu del votu del mesmu partíu.[31]

Referencies[editar | editar la fonte]

  1. Esta denomación nun se debe asemeyar cola demarcación alministrativa del mesmu nome, la comarca del Eo-Navia, que ye una de les ocho comarques funcionales en que tá dividíu'l Principáu d'Asturies a efeutos alministrativos
  2. El partíu denomináu d'episcopalía taba integrao pola villa y Conceyo de Castropol con tolos otros de so partiu qu'enantes de ser redimíos yeren feligresíes, los conceyos de Ribera d'Abaxu, Llangréu, Llanera, Quirós, Teberga, Noreña, Les Regueres, Navia, Morcín, Ribera d'Arriba, Tudela, Proaza, Santo Adrianu, Payares, Riosa, Olloniegu, Yernes y Tameza, Bimenes, Paderni, Sobrescobiu ya'l Cotu de Peñaflor.
  3. Asina resulta de diversos documentos q'atopen dellos de los términos de la so comarca nel territoriu asturiense, asina, ye de citar el Testamentum Sancte Marie de Taule quod fecit comes Fafila Spassanidz ovetensi ecclesie (1006), "... de monasterio quod est fundatum in Asturiis in villa nomine Taule, inter duo flumina purzia et ove", tamién nel comissum de Kartavio quod fecit Ramimirus rex (978) "Sancte Marie semper virginis... in cuius honore ist monasterium in Asturias", ya asina otros munchos
  4. Pérez de Castro abonda como caráuteres comúnes a los conceyos de la episcopalía les siguientes: 1) Concesión altomedieval de les tierres del señoríu episcopal que tuviera llugar nos sieglos X-XII. 2) Caráuter tardíu del procesu de repoblación que tien llugar dacuando la Baxa Edá Media. La razones d'esti retrasu obedecen al fechu de que los obispos, para poder constituir nuevos pueblos necesitaran de l'autorización del Rei o que fuese esti quien pidiere a los prelaos la repoblación dalgún llugar como afítase nel caso d'Allande. Magar esta autorización del monarca estiéndese con caráuter xeneral a la Ilesia d'Uviéu por un privilexo qu'Alfonsu X da a los obispos de la Ilesia de San Salvador d'Uviéu, inda que desapaecíu, sabemos de so esistencia por otru de Sanchu IV datáu'l 2-IV-1292. 3) Organización política mui paecída, basada na creación duna andecha vecinal que reuníase tolos años. Pérez de Castro, Ramona. Los Señoríos Episcopales n'Asturies: El réxime Xurídicu de l'Oblispalía de Castropol, Uviéu, 1987, p. 92 y 93
  5. Llei 1/1998, de 23 de marzu, dʼUsu y Promoción del Asturianu, del Principáu dʼAsturies. Bolletín Oficial del Estáu, núm. 103 de 30 d'abril de 1998, pp. 14573 a 14576.
  6. Dafechu, la mitá oriental del territoriu asturiano nún taba axuntáo de llen al Reinu Visigodu, al tar domináu polos pueblos ruccones, tribus descendientes de los astures llugones nún sometidos a la autoridá del Reinu de Toledu, caltense asina la falta de referencies nos concilios toledanos a les diócesis asturianes. Asina entienlu Diego Santos quien identifica el pueblu ruccones, espetau en Campaña polo rei Silo, colos astures luggones: «Miro suevorum rex bellum contra runcones movet», en C. Cardelle de Hartmann (ed.): Victoris Tvnnvnensis Chronicon cum requiis ex Consularibus Caesaravgvstanus et Iohannis Biclarensis Chronicon. Corpvs Christianorum. Series Latina, clxxii A, Turnhout, 2001,p. 64.
  7. Fray Enrique Florez de Setién y Huidobro, "Espana Sagrada: theatro geographico-historico de la Iglesia de España", tomu XVIII, trat. 58, cap. I, p. 5.
  8. Fernández Conde, F.J.,"Organización eclesiástica nel ocidente d'Asturies", en Materiales d'Historia y Antropoloxía", Lletres asturianes: Boletín Oficial de l'Academia de la Llingua Asturiana, nᵘ. 62, 1997, páxs. 83
  9. Agüeyese, nesti sen I. Torrente Fernández: «Notes hestóriques sol territoriu Navia-Eo: revisión historiográfica», Lletres Asturianes, 65, ochobre, 1997, pp. 57-68. De recien, tamién, M. Fernández Mier («Territorialidad y poblamiento: l'occidente de Asturias en época de la monarquía asturiana en la época de la monarquía asturiana», Uviéu, 2002, pp. 43-61
  10. Atomamos la edición del pergamín fecha per Xosé Antonio Valdés Gallego, Liber Testamentorum Ovetensis, Ridea, Uviéu, 1999. p. 523 y 524
  11. Damaso Alonso y Fernández de las Redondas, «El saúco entre Galicia y Asturias», compilación d'obres vol. I, Madrid, 1972, pp. 260-388.
  12. Ye d'agüeyar "Le «monachisme breton» contiental: ses origines et son intégration au modèle carolingien", na revista Peci, vol. VII, p. 77-141.
  13.  : Bretones o británicos n’Asturies nos primeros sieglos medievales. La sede de Britonia”, n’Asturies. Memoria encesa d'un país, 7:41-47, Uviéu, Coleutivu Etnográfico, Belenos, 1996, p. 83
  14. Liber Testamentorum Fol. 22rB10
  15. Sobro'l monasteriu de Miudes, agüeyese Rodríguez Fernández, Perfecto, "La documentación altomedieval referente a los monasterios de Miudes y Cartavio", Revista de la Facultá de Filoloxía, tomu 34-35, 1984-1985, pp. 251-268
  16. LRC 54vA 2-18
  17. LTO 72vA 1-29.
  18. Sobro'l Monasterio de Salvador de Tol, agüéyese, Gudín R.-Magariños, A.E., "La aplicación del derecho gótico de la Alta a la Baxa Edad Media: los pleitos sobre el Monasterio de San Salvador de Tol", E-legal History Review, nᵘ. 10, 2010; García Toraño, P., Documentos asturianos de la reconquista, (La sicut lex docet) Boletín del Instituto de Estudios Asturianos nᵘ 60 1967 y nᵘ 64 1968
  19. Liber Testamentorum Ovetensis, fol.86vB2
  20. Alvárez Castrillón, J.A. La comarca de los Oscos en la Edad Media, Conseyería de Cultura y Turismu, KDK, 2011, p. 147
  21. Alvárez Castrillón, X.A.La Comarca de Oscos na Edad Media, Conseyería de Cultura y Turismu, KRK, Ediciones, Uviéu 2007, p.144
  22. Alvárez Castrillón, X.A.La Comarca de Oscos na Edá Media, Conseyería de Cultura y Turismu, KRK, Ediciones, Uviéu 2007, p.144
  23. Fernández Conde, Historia de Asturies Vol.IV Salinas 1979, p. 429
  24. Coronas González, S.M., Historia de Asturies t. II, Uviéu 1999, p. 391
  25. Pérez de Castro, Ramona. Los señoríos episcopales en Asturias: El régimen jurídico de la la Obispalía de Castropol, Uviéu, 1987, p. 152
  26. Alvárez Castrillón, X.A.La Comarca de Oscos na Edad Media, Conseyería de Cultura y Turismu, KRK, Ediciones, Uviéu 2007, p.145
  27. Ye d'agüeyar la transcripción realizada por Luanco en “Las Riberas del Eo”de 25 de payares y 2 d'avientu de 1882, núms. 97 y 98, folletín, páxs. 57 y 63
  28. Ruiz de la Peña Solar, J.L:. Esquema para l'estudio d'un señorío eclesiástico medieval: Jurisdicción de la mitra ovetense en el siglu XIV, Actes de les Xornaes de Metodoloxía Aplicada a les ciencies históriques II. Historia Medieval, Santiago, 1973, pp. 276 y 277.
  29. Los datos atomense de Faya Diaz, Los Señoríos eclesiásticos na Asturies del Sieglu XVI, Ridea, 1992, p. 298 que a so vez remítese al expediente abierto Alonso de Camino como consecuencia de diches ventes y que tá conservadu nel Archivu Xeneral de Simancas, CJH, Ig. 252.
  30. Belmunt y Traver, O. «Ibias», en Asturias, codirixida por Bellmunt y Canella, Xixón 1900, tomu III, p. 400
  31. Catastro de la Ensenada, sitiu de Ibias, Reg. Llibro 376, p. 217, [[1]]

Ver tamién[editar | editar la fonte]