Anthus petrosus

De Wikipedia
Saltar a: navegación, buscar
Anthus petrosus
Les especies d'aves con nome común en llingua asturiana márquense como COA. En casu contrariu, conséñase'l nome científicu o de la SEO.
Commons-emblem-notice.svg
 
Chis de los pedreros
Faroe Island.1.bird.jpg
A. p. kleinschmidti
Estáu de caltenimientu
Preocupación menor (LC)
Esmolición menor (IUCN)[1]
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Motacillidae
Xéneru: Anthus
Especie: A. petrosus
(Montagu, 1798)
Sinonimia

Anthus spinoletta petrosus (Montagu, 1798)

[editar datos en Wikidata]

El chis de los pedreros COA (Anthus petrosus) ye una especie d'ave de pequeñu tamañu de la familia Motacillidae qu'habita al pie de les mariñes atlántiques d'Europa y África.

Enantes foi consideráu una subespecie del so pariente'l chis de los puertos (A. spinoletta), al igual qu'él (A. rubescens).[2]

Distribución y hábitat[editar | editar la fonte]

Esta especie cría nes mariñes pedreres d'Europa Occidental dende'l Francia hasta Escandinavia. Ye un ave residente principalmente alredor de les Islles Britániques, Francia y el sur d'Escandinavia. Les poblaciones más nortices, son migratories y muévense al sur pa pasar l'iviernu. Raramente los individuos parolen escontra l'interior del continente européu.

Los chis de pedreru tienden a tar alredor de les mariñes pedreres, ente que'l chis de los puertos prefier los yerbazales húmedos. Polo qu'anque cohabiten nel mesmu área nun suelen atopase nel mesmu hábitat.

Descripción y taxonomía[editar | editar la fonte]

Exemplar de A. p. petrosus.

El bisbita de los pedreros tien un llargor corporal media de 16,5-17 cm.[3] El plumaxe de les sos partes cimeres ye de tonos pardos buxos llistaos, y les partes inferiores son ablancazaes con llixos escuros en fileres, que como'l restu de chises sírve-yos como camuflaxe nel suelu y ente les roques. Tienen pates escures y un picu tamién escuru allargáu y apuntiáu

Les aves de les subespecies d'Europa occidental y A. p. petrosus, A. p. kleinschmidti y A. p. meinertzhageni permanecen de color gris escuru tol añu. Ente que la subespecie escandinava y del Bálticu (A. p. littoralis) que pel iviernu tienen los mesmu tonos que petrosus pel iviernu, pel branu esclarien y adquieren tonos arrosaos pel branu, como'l chis de los puertos (A. spinoletta). Les poblaciones occidentales son casi sedentaries, ente que les poblaciones al este del Elba, xeneralmente de la variedá littoralis esvalíxense más llueñe[4]Los migradores ivernizos son fácilmente estremables del chis de los puertos pero imposible d'estremar de les demás subespecies pol so aspeutu o midíes.

Comportamientu[editar | editar la fonte]

La especie ye inseutívora que como les demás especies de la familia Motacillidae busca les sos preses andando. El chis de los pedreros dexa que se-y averen a una distancia más curtia qu'el chis de los puertos. Si asústase-y va esnalar una distancia curtia, próximu al suelu, y posase se de nuevu.[5]

La so llamada consiste nun esplosivu «fit». Los sos cantares, como la de les mayoríes de los chises, consta de series repitíes de pitíos más o menos agudos, con notes simples o dobles, que termina nun trinu vibratoriu. Xeneralmente más curtiu pero con bloques más llargos (una docena de repeticiones o más) que los del chis de los puertos.[6]

Referencies[editar | editar la fonte]

  1. BirdLife International (2009). Anthus petrosus. En: UICN 2009. Llista Roxa d'Especies Amenazaes UICN. Consultáu'l 6 d'ochobre de 2010.
  2. Alström & Mild (1987, 1996), Voelker (1999), Sangster et al. (2002)
  3. Beaman, M. y Madge, S. (1998) Guía d'identificación de les aves d'Europa, norte d'África y próximu oriente. P. 582. Ed. Omega ISBN 84-282-0946-4
  4. Bijlsma (1977), Töpfer (2007)
  5. Bijlsma (1977), Alström & Mild (1996)
  6. Alström & Mild (1996), Leonovich et al. (1997)

Bibliografía[editar | editar la fonte]

  • Alström, Per & Mild, Krister (1987): Some notes on the taxonomy of the Water Pipit complex. Proceedings of the 4th International Identification Meeting (Eilat): 47–48. International Birdwatching Center, Eilat.
  • Alström, Per & Mild, Krister (1996): The identification of Rock, Water and Buff-bellied Pipits. Alula 2(4): 161–175.
  • Bijlsma, R. (1977) Voorkomen en oecologie van Anthus spinoletta en A. s. littoralis in de uiterwaarden van de Rijn bij Wageningen. Limosa 50: 127–136. (en neerlandés)
  • Leonovich, V. V.; Deminia, G. V. & Veprintseva, O. D. (1997) Biulleten Moskovskogo obshchestva ispytatelei prirody. Otdel biologicheskii. 102(2): 14–22. (en rusu)
  • Töpfer, Till (2007): Nachweise seltener Vogeltaxa (Aves) in Sachsen aus der ornithologischen Sammlung des Museums für Tierkunde Dresden [Records of rare bird taxa (Aves) in Saxony from the ornithological collection of the Zoological Museum Dresden]. Faunistische Abhandlungen 26(3): 63-101 [German with English abstract]. PDF con testu completu
  • Voelker, G. (1999): Molecular evolutionary relationships in the avian genus Anthus (Pipits: Motacillidae). Mol. Phylogenet. Evol. 11(1): 84–94. doi 10.1006/mpev.1998.0555 (HTML abstract)