António Agostinho Neto

De Wikipedia
Saltar a navegación Saltar a la gueta
António Agostinho Neto
Agostinho Neto (1975).jpg
1. Presidente d'Angola

11 payares 1975 - 10 setiembre 1979
← ensin valor - Lúcio Lara
Vida
Nome completu António Agostinho Neto
Nacimientu Icolo y Bengo Traducir17  de setiembre de 1922
Nacionalidá Bandera de Portugal Portugal
Bandera d'Angola Angola
Llingua materna portugués
Fallecimientu

Moscú10  de setiembre de 1979

(56 años)
Sepultura Luanda
Causa de la muerte complicaciones quirúrgicas Traducir
Estudios
Estudios Universidá de Coimbra
Universidad de Lisboa Traducir
Llingües portugués
Oficiu
Oficiu políticu, poeta y médicu-escritor
Llugares de trabayu Casa dos Estudantes do Império Traducir
Premios
Creencies
Relixón catolicismu
Partíu políticu Movimientu Popular de Lliberación d'Angola
Cambiar los datos en Wikidata

António Agostinho Neto Kilamba (17  de setiembre de 1922Icolo y Bengo Traducir - 10  de setiembre de 1979Moscú) foi un poeta y políticu angolanu. Foi secretariu xeneral del Movimientu Popular de Lliberación d'Angola (MPLA) y convirtióse nel primer presidente del país tres la independencia.

Elementos biográficos[editar | editar la fonte]

António Agostinho Neto, fíu d'un pastor metodista y d'una profesora, nació'l 17 de setiembre de 1922 en Kaxicane (Bengo).

Estudió medicina en Coimbra y más tarde en Lisboa, onde, con otros compatriotes, formó parte de diversos movimientos nacionalistes y culturales angolanos. Foi nesta época cuando empezó a escribir poemes, de marcáu carácter social, nos que se describíen les dures condiciones de vida del pueblu angolanu.

N'acabando la carrera de medicina, volvió a Angola. Pola mor de la so oposición al colonialismu portugués metiéronlu presu en 1960. Pasó dos años na cárcel, primero en Cabu Verde y depués en Portugal, hasta que pudo escapar y esiliase en Marruecos. Dende esti país dirixó'l MPLA, movimientu anticolonialista y marxista angolanu.

En 1961 espublizó'l segundu llibru de poemes y en 1970 la conferencia d'escritores Afro-asiáticos dio-y el premiu Lotus.

Tres la Revolución de los claveles de 1974, el nuevu réxime portugués concedió la independencia a la mayoría de les sos colonies. Esti mesmu añu Agostinho Neto espublizó otru llibru de poemes, tituláu Sagrada Sperança.

Neto representó al MPLA nes negociaciones colos otros movimientos militares angolanos FNLA (sofitáu por Estaos Xuníos y Francia) y UNITA (respaldáu pola República Surafricana). Estes conversaciones dieron llugar a un gobiernu de transición en xineru de 1975.

Sicasí, l'alcuerdu ente les tres organizaciones duró poco tiempu y ocho meses más tarde entamaba una guerra civil nel país, controlando cada movimientu una parte del país. La capital, Luanda, queda en manes del MPLA y el 10 de payares de 1975 Agostinho Neto proclámase presidente d'Angola, col apoyu de la XRSS y de Cuba, qu'unvió un fuerte continxente de tropes al país.

Gravemente enfermu, tresladáronlu pa curalu a Moscú, onde morrió'l 10 de setiembre de 1979.

Obra[editar | editar la fonte]

  • Quatro poemas de Agostinho Neto (Cuatro poemes d'Agostinho Neto) (1957)
  • Poemas (Poemes) (1961)
  • Sagrada Esperança (Sagrada esperanza) (1974)
  • A Renúncia Impossível (La renuncia imposible) (1982)

Referencies[editar | editar la fonte]

Enllaces esternos[editar | editar la fonte]


Predecesor:
Primeru nel cargu
Emblem of Angola.svg
Presidente d'Angola

11 d'avientu de 1975
-
10 de setiembre de 1979
Socesor:
José Eduardo dos Santos